ꓟꓲ ꓠꓯ ꓗꓴꓷꓼ ꓜꓴ (United Nations) ꓗꓪ ꓟꓬ-ꓟ ꓗꓴꓷꓼ ꓐꓱ ꓶ ꓦꓰꓼ ꓔꓬ ꓟ ꓝꓲ ꓓꓴ ꓓꓽ ꓟ ꓚꓳ-ꓟꓳꓹ-ꓕꓴꓸ ꓔꓯ ꓢꓰꓼ ꓓꓴ ꓢꓯꓼ ꓕꓵꓼ ꓢꓴ ꓐꓴ ꓔꓯ ꓚꓲꓸ ꓚ ꓙ ꓠꓹ ꓟ ꓓꓰꓽ ꓡ ꓠꓬ ꓕꓮꓲ ꓗꓴꓷꓼ ꓡꓰ ꓬꓰ ꓙ ꓓꓴ ꓥꓳ ꓐꓰ 2021 ꓘꓳꓼ 8 ꓦ 9 ꓠꓬꓲ ꓕꓯ ꓕꓮꓲ ꓗꓴꓷꓼ ꓑꓳꓡꓲꓚꓰ ꓬꓲꓸ ꓜꓲꓽ ꓡꓰ ꓐꓯ ꓩꓴ ꓡ ꓡꓳ꓿
ꓴꓢꓮ ꓝꓐꓲ ꓡꓰ ꓖꓳ ꓡꓱ ꓢꓰꓼ ꓓꓴ ꓙ ꓖꓶ ꓔꓬ ꓢꓴ 2 ꓣꓳ ꓔꓯ ꓣꓴ ꓟꓶ ꓡꓰ ꓗꓸ ꓠꓯꓸ ꓬꓲꓸ ꓪ ꓔꓯ ꓝꓲꓺ ꓢꓴ ꓐꓰ꓾ ꓒꓴ ꓖꓶ ꓢꓴ ꓠꓬ ꓕꓮꓲ ꓟꓵꓽ ꓗꓪ ꓔꓬ ꓟ ꓡ ꓛꓴꓸ ꓶ ꓡꓯꓼ ꓘꓴꓽ ꓘꓴꓽ ꓠꓯ ꓠꓯ ꓬꓰ ꓢꓴ ꓟꓬ-ꓟ ꓡ ꓞꓳ ꓕꓲ ꓣꓳ ꓥ ꓡꓳ ꓐꓰ ꓢꓷꓸ ꓙ ꓟꓴ ꓙ ꓩꓴ ꓡ ꓟ ꓥ ꓡꓳ꓿
ꓟꓬ-ꓟ ꓗꓴꓷꓼ ꓙꓵꓽ ꓪ ꓦꓴ ꓜꓴ ꓗꓪ ꓟ ꓐꓶꓽꓐꓗꓴꓷꓼ ꓢꓲꓽ ꓒꓽ ꓓ ꓟ ꓪꓴ-ꓠꓼ ꓟꓮꓳ-ꓡꓱ ꓡꓰ꓾ ꓕꓱ ꓟ ꓠꓬ ꓟꓬ-ꓟ ꓗꓴꓷꓼ ꓐꓰ ꓮ ꓫꓵꓽ ꓗꓪꓽ ꓫꓵ ꓓꓴ ꓟꓽ ꓙꓳ꓿ ꓴꓢꓮ ꓗꓴꓷꓼ ꓘꓴꓽ ꓗꓪ ꓟ ꓫꓵꓽ ꓪꓴ ꓥꓳ ꓐꓰ 8 ꓦ 9 ꓠꓬꓲ ꓕꓯ ꓐꓯ ꓡꓽ ꓩꓴ ꓡ ꓡꓳ꓿
