ꓟꓲ ꓠꓯ ꓗꓴꓷꓼ ꓜꓴ (United Nations) ꓗꓪ ꓟꓬ-ꓟ ꓗꓴꓷꓼ ꓐꓱ ꓶ ꓦꓰꓼ ꓔꓬ ꓟ ꓝꓲ ꓓꓴ ꓓꓽ ꓟ ꓚꓳ-ꓟꓳꓹ-ꓕꓴꓸ ꓔꓯ ꓢꓰꓼ ꓓꓴ ꓢꓯꓼ ꓕꓵꓼ ꓢꓴ 2 ꓣꓳ ꓔꓯ ꓣꓴ ꓟꓶ ꓔꓸꓳ ꓐꓰ ꓠꓲ-ꓬꓴ-ꓬꓳꓼ ꓡꓳ ꓟꓶꓸ ꓕꓲ ꓟꓵꓽ ꓗꓪ ꓟ ꓐꓯ ꓟꓴ ꓘꓶꓽ ꓢꓲꓽ ꓒ ꓐꓰ꓾ ꓝꓐꓲ ꓢꓲꓽ ꓒꓽ ꓐꓴ ꓡꓰꓽ 2021 ꓘꓳꓼ 8 ꓦ 6 ꓠꓬꓲ ꓕꓯ ꓢꓷꓸ ꓙ ꓟꓴ ꓙ ꓩꓴ ꓡ ꓡꓳ꓿
ꓖꓳ ꓠꓬꓲꓽ ꓣꓳ ꓠꓬ ꓒꓬꓳꓸ-ꓦꓰꓸ-ꓕꓵꓼ (28 ꓘꓳꓼ) ꓐꓰ꓾ ꓬꓯꓹ-ꓦꓰꓸ-ꓜꓳꓽ (20 ꓘꓳꓼ) ꓥ ꓢꓲ꓾ 5 ꓘꓳꓼ ꓗꓪ ꓛꓲ ꓐꓱ ꓓꓴꓽ ꓗꓪ ꓡꓴꓽ ꓐ ꓡ ꓟ ꓴꓢꓮ ꓙꓵꓽ ꓗ ꓗꓪ ꓐꓰ ꓬꓲꓸ ꓪ ꓠꓬꓲꓽ ꓣꓳ ꓔꓯ ꓐꓯ ꓟꓴ ꓩꓴ ꓔ ꓡꓳ꓿
ꓕꓮꓲ ꓗꓴꓷꓼ ꓗꓪ ꓔꓬ ꓟ ꓡ ꓛꓴꓸ ꓶ ꓡꓯꓼ ꓘꓴꓽ ꓘꓴꓽ ꓠꓯ ꓠꓯ ꓬꓰ ꓢꓴ ꓕꓲ ꓣꓳ ꓡꓰ꓾ ꓝꓲ ꓓꓴ ꓓꓽ ꓟ ꓚꓳ-ꓟꓳꓹ-ꓕꓴꓸ ꓔꓯ ꓢꓰꓼ ꓠꓹ ꓟ ꓐꓱ ꓶ ꓒꓴ ꓓꓳ ꓡ 4000 ꓔꓳꓹ ꓙ ꓔꓸ ꓢꓲ꓾ ꓢꓰꓼ ꓪ ꓡꓰ ꓠꓬ ꓝꓮꓲ 1000 ꓖꓶ ꓙ ꓟꓳ ꓡꓯ ꓘꓳ ꓔꓸ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓟꓳꓸ ꓩꓴ ꓡ ꓡꓳ꓿
ꓝꓲ ꓓꓴ ꓓꓽ ꓟ ꓚꓳ-ꓟꓳꓹ-ꓕꓴꓸ ꓡꓰ ꓬꓲꓸ ꓢꓯꓼ ꓟꓬ ꓔꓯ ꓘꓶ ꓡꓶꓽ ꓢꓴ ꓙꓳ ꓡ ꓡꓳ ꓐꓰ꓾ ꓙꓵꓽ ꓪ ꓙꓳ ꓢꓴ ꓐꓴ ꓔꓯ ꓓꓳꓽ ꓜꓳ ꓩꓴ ꓗꓸ ꓠꓯꓸ ꓬꓲ ꓔꓯ ꓡꓳꓸ ꓙ ꓢꓴ ꓟꓯꓼ ꓥ ꓟꓲ ꓝꓲ ꓖꓶ ꓡ ꓢꓲ꓾ ꓘꓶ ꓡꓶꓽ ꓢꓴ 2 ꓣꓳ ꓔꓯ ꓕꓱ ꓡꓱ ꓣꓴ ꓟꓶ ꓡꓰ ꓟ ꓥ ꓡꓳ꓿
