ꓟꓬ-ꓟ ꓗꓴꓷꓼ ꓗꓪ ꓐꓲ-ꓖ-ꓡꓲ (ꓬꓲ ꓪ ꓢꓷ ꓙ ꓟꓴ ꓙ ꓕꓳ ꓶ ꓡꓳ ꓚ) ꓐꓴ ꓔꓯ ꓞꓳ ꓛꓴ ꓞꓰꓹ ꓡꓰ ꓠ ꓢꓰꓼ ꓟ ꓖꓰꓠꓳꓚꓲꓓꓰ ꓟꓽ ꓙꓳ꓾ ꓴꓢ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ ꓐꓶ-ꓡꓲ-ꓗꓲ ꓡꓰ ꓙꓳˍ ꓡꓳ ꓐꓯˍ ꓓꓴ ꓟ ꓟꓽ ꓚꓽ ꓐꓰ ꓦ ꓡꓱ ꓚꓱꓹ ꓮ ꓙꓵꓽ ꓪꓽ ꓡꓯ ꓘꓳ ꓜꓴ ꓡꓰꓽ 2022 ꓘꓳꓼ 3 ꓦ 23 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓟꓲ ꓠꓯ ꓚ ꓟꓲꓽ ꓗꓪ꓾ ꓠ-ꓜꓰ ꓙ-ꓟꓶꓸꓼꓠꓰ ꓡꓰ ꓬꓲ-ꓢꓷ-ꓡꓰ 6 ꓢꓯꓹ ꓢꓰꓼ ꓗꓷ ꓡ ꓟ ꓔꓯ ꓚꓲꓸ ꓟꓶ ꓟꓳꓸ ꓖꓶꓽ ꓓꓴ ꓦꓲ Holocaust Museum ꓗꓪ ꓴꓢ ꓡꓰꓽ ꓟꓬ-ꓟ ꓟꓯꓼ ꓡꓰ ꓣꓳ-ꓦꓲ-ꓙ ꓔꓯ ꓞꓳ ꓛꓴ ꓞꓰꓹ ꓢꓰꓼ ꓟ Genocide ꓙꓳˍ ꓡꓳ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
“ꓟꓬ-ꓟ ꓟꓯꓼ ꓡꓰ ꓴꓢ ꓡꓰ ꓐꓯˍ ꓟ Genocide ꓟꓽ ꓙꓳ꓾ ꓟꓽ ꓚ꓾ ꓟꓽ ꓥ꓾ ꓬꓲꓸ ꓝ ꓟꓽ ꓙꓳ ꓙꓳ ꓮ ꓔꓳ ꓕꓱ ꓔꓬ ꓥ” ꓐꓰ ꓐꓰ ꓟꓬ-ꓟ ꓟꓯꓼ ꓡꓰ ꓴꓢ ꓗꓴꓷꓼ ꓔꓯ ꓡꓯꓽ ꓔꓯꓽ ꓡꓽ ꓔꓸ ꓟ ꓔꓯ ꓮ ꓟꓶ ꓦ ꓡꓱ ꓚꓱꓹ ꓮ ꓙꓵꓽ ꓪꓽ ꓡꓯ ꓘꓳ ꓜꓴ ꓡꓰ ꓓꓽ ꓔꓳꓹ ꓩꓴ ꓡ ꓟ ꓥ ꓡꓳ꓿
