ꓴꓢꓮ ꓗꓴꓷꓼ ꓡ ꓞꓳ ꓐꓴ ꓐꓱ ꓶ ꓓꓵꓽ ꓓꓳ ꓚꓱꓹ ꓧꓪ ꓟꓰꓹ ꓚꓴ ꓬꓲꓹ ꓖꓶꓽ ꓜꓴ ꓗꓪ ꓐꓰ ꓢꓪꓼ ꓓꓳ ꓡ ꓟ ꓗꓪ ꓟꓬ-ꓟ ꓗꓴꓷꓼ ꓗꓪ ꓕꓽ ꓙꓰ ꓐꓯ ꓔꓸ ꓡꓳ꓿
ꓕꓱ ꓟ ꓠꓬ 2022 ꓘꓳꓼ 7 ꓦ 19 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓔꓸ ꓟ ꓥ ꓢꓲ꓾ ꓟꓬ-ꓟ꓾ ꓧꓳ-ꓗꓳ꓾ ꓲ-ꓣ- ꓲ-ꓣꓼ꓾ ꓖꓴ ꓪꓴꓸ ꓗꓳ-ꓣꓲ-ꓬ꓾ ꓣ-ꓫꓸ꓾ ꓐꓲ-ꓠꓰ-ꓜꓯꓰꓹ-ꓡꓸ ꓗꓴꓷꓼ ꓐꓴ ꓗꓪ ꓙꓰ ꓟꓽ ꓓ (Do not travel) ꓐꓯ ꓔꓸ ꓟ ꓥ ꓡꓳ꓿
ꓙꓰ ꓚꓳ ꓟꓽ ꓓ ꓟ ꓔꓯ ꓟꓳꓸ ꓬꓲꓸ ꓙꓶ ꓢꓪꓼ ꓟ ꓗꓪ 1 2 3 4 ꓐꓰ ꓢꓪꓼ ꓔꓸ ꓢꓲꓸ ꓠꓳꓸ 4 ꓠꓬ “ꓙꓲ ꓣꓴ ꓓꓴ ꓙꓳ ꓡꓳꓹ ꓬꓰˍ ꓟ ꓐꓰ꓾ ꓕꓽ ꓙꓰ ꓚꓳ” ꓐꓯˍ ꓟ ꓬꓲꓸ ꓙꓶ ꓬꓲꓸ ꓕꓲꓸ ꓥ ꓡꓳ꓿
ꓗ-ꓛꓲ ꓟꓵꓽ ꓗꓪ ꓠꓬ꓾ ꓐ-ꓟꓳ꓾ ꓟꓳꓹ-ꓗꓮꓳꓹ꓾ ꓮ-ꓢ ꓐꓶ-ꓬꓲꓻ ꓟꓵꓽ ꓗꓪ ꓠꓬ꓾ ꓧꓳ-ꓑ꓾ ꓔꓲ-ꓠꓰ꓾ ꓔꓲ-ꓐꓳꓹ꓾ ꓠꓟꓼ-ꓢ꓾ ꓠꓟꓼ-ꓟ-ꓔꓴ꓾ ꓠꓟꓼ-ꓘꓸ ꓡꓳ ꓒꓱ ꓐꓴ ꓥ ꓡꓳ꓿ ꓛꓰꓸ ꓟꓵꓽ ꓗꓪ ꓠꓬ ꓟ-ꓔꓴ-ꓑꓲ꓾ꓑ-ꓡꓯꓼ-ꓪꓼ꓾ ꓗꓬꓲ-ꓟꓵꓽ ꓗꓪ ꓠꓬ ꓒ-ꓑꓳ ꓡꓳ ꓒꓱ ꓐꓴ ꓗꓪ ꓕꓽ ꓙꓰ ꓚꓳ ꓐꓰ ꓐꓳ ꓔꓸ ꓡꓳ꓿
