ꓟꓬ-ꓟ ꓗꓴꓷꓼ ꓐꓱ ꓶ ꓝꓲ ꓔꓸ ꓟ ꓙ-ꓑ ꓗꓴꓷꓼ ꓝꓲ ꓓꓴ ꓓꓽ ꓟ Ichiro Maruyama ꓠꓬ ꓬꓲꓸ ꓟꓬꓱꓽ ꓬꓰ ꓙꓵꓹ ꓡꓳꓹ ꓙꓰ ꓟ ꓑꓶꓸ ꓓꓴ ꓡꓽ ꓙꓰ ꓔꓳꓼ ꓢꓲ꓾ ꓬꓲꓸ ꓛꓲ ꓙ-ꓑ ꓗꓴꓷꓼ ꓝꓲ ꓓꓴ ꓓꓽ ꓟ ꓝꓮꓲ ꓕꓲꓽ ꓣꓳ ꓟꓽ ꓝꓲ ꓗꓹꓳ ꓐꓰ ꓙ-ꓑ ꓗꓴꓷꓼ ꓓꓵꓽ ꓙ ꓞꓷꓹ ꓔꓸ ꓡꓳ꓾ ꓐꓯ ꓡꓳ꓿
ꓝꓮꓲ ꓝꓲ ꓓꓴ ꓓꓽ ꓟ ꓬꓲꓸ ꓫꓵꓼ ꓝꓲ ꓩꓴ ꓡ ꓐꓭ ꓠꓬ ꓟꓰꓹ-ꓮꓳ-ꓡꓮꓲ ꓔꓯ ꓜꓲ ꓡꓯ ꓘꓳ ꓛꓲ ꓟ ꓑꓶꓸ ꓓꓴ꓾ ꓬꓲꓸ ꓔꓯ ꓔꓳꓹ ꓙ ꓬꓯꓼ ꓡꓰ ꓡ ꓟ ꓔꓯ ꓗꓴ ꓚꓱꓻ ꓟ ꓑꓶꓸ ꓓꓴ꓾ ꓬꓳꓹ ꓦꓲ ꓙꓵꓽ ꓢꓴ Shogo Yoshitake ꓔꓯˍ ꓡꓰ ꓬꓥ-ꓖꓳꓥ ꓗꓪ ꓔꓬ ꓝꓲ ꓓꓴ ꓥꓳ꓾ ꓐꓯ ꓡꓳ꓿
ꓟꓬ-ꓟ ꓗꓴꓷꓼ ꓗꓪ ꓟꓯꓼ ꓠꓰ ꓙꓵꓽ ꓪ ꓣꓴ ꓙꓰ ꓗꓸ ꓠꓯꓸ ꓴꓢꓮ꓾ ꓡꓳ ꓟꓶꓸ ꓗꓳ-ꓣꓲ-ꓬ ꓐꓰ ꓴ-ꓣꓴ ꓗꓴꓷꓼ ꓮ ꓟꓬꓹ ꓠꓬ ꓬꓲꓸ ꓪ ꓗꓴꓷꓼ ꓝꓲ ꓓꓴ ꓓꓽ ꓟ ꓔꓯ ꓣꓴ ꓡꓽ ꓙꓰ ꓗꓷ ꓥ ꓟꓲ ꓙ-ꓑ ꓠꓬ ꓮ ꓟꓶ ꓗꓪ ꓛꓲ ꓕꓱ ꓡꓱ ꓟꓽ ꓬꓰ ꓬꓰ ꓔꓬ ꓟ ꓥ ꓡꓳ꓿
ꓙ-ꓑ ꓗꓴꓷꓼ ꓙꓵꓽ ꓢꓴ ꓐꓴ ꓥ ꓟꓲ ꓟꓰꓹ-ꓮꓳ-ꓡꓮꓲ ꓔꓯ ꓟꓳꓸ ꓓꓵꓽ ꓙ ꓚꓱꓹ ꓒꓳꓹ ꓡꓶꓸ ꓙꓰ ꓔꓬꓳ ꓐꓰ The Mainichi ꓓꓳꓽ ꓗꓪ ꓐꓳ ꓔꓸ ꓡꓳ꓿
