ꓟꓲ ꓠꓯ ꓗꓴꓷꓼ ꓜꓴ ꓟꓬꓱꓽ ꓢꓲꓺ ꓮ-ꓔꓳ-ꓠꓰ-ꓬꓴ ꓖꓴ-ꓔ-ꓬꓯꓼ-ꓢꓲ (António Guterres) ꓡꓰ ꓟꓬ-ꓟ ꓐꓱ ꓶ ꓗꓴꓷꓼ ꓜꓴ ꓝꓲ ꓓꓴ ꓬꓲꓸ ꓫꓵꓼ ꓠꓳ-ꓡꓲꓹ ꓦꓯꓹ-ꓤ (Noeleen Heyzer) ꓔꓯ 2021 ꓘꓳꓼ 10 ꓦ 25 ꓠꓬꓲ ꓕꓯ ꓟꓬꓱꓽ ꓖꓶ ꓗꓷꓳ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓠꓳ-ꓡꓲꓹ ꓦꓯꓹ-ꓤ (Noeleen Heyzer)
ꓠꓳ-ꓡꓲꓹ ꓦꓯꓹ-ꓤ (Noeleen Heyzer) ꓠꓬ ꓢꓰ-ꓖ-ꓑꓴ ꓗꓴꓷꓼ ꓢꓴ ꓥ ꓢꓲ꓾ ꓝꓲ ꓓꓴ ꓬꓲꓸ ꓡꓵ ꓠꓬ ꓢꓱꓼ-ꓢꓲ-ꓜꓰ-ꓡ ꓗꓴꓷꓼ ꓢꓴ ꓘꓶ-ꓢꓲ-ꓔꓲꓸ ꓢꓲ-ꓛ-ꓬꓯ-ꓠ ꓐ-ꓙꓬ-ꓠ (Christine Schraner Burgener) ꓥ ꓡꓳ꓿
ꓘꓶ-ꓢꓲ-ꓔꓲꓸ ꓢꓲ-ꓛ-ꓬꓯ-ꓠ ꓐ-ꓙꓬ-ꓠ
(Christine Schraner Burgener)
ꓢꓷ ꓙ ꓟꓴ ꓙ ꓕꓳ ꓶ ꓗꓪ ꓟꓬ-ꓟ ꓗꓴꓷꓼ ꓐꓱ ꓶ ꓝꓲ ꓓꓴ ꓬꓲ ꓡꓵ ꓘꓶ-ꓢꓲ-ꓔꓲꓸ ꓢꓲ-ꓛ-ꓬꓯ-ꓠ ꓐ-ꓙꓬ-ꓠ
(Christine Schraner Burgener) ꓮ ꓘꓶꓸ ꓢꓯꓼ ꓕꓵꓼ ꓙ ꓗꓷ ꓟ ꓔꓯ ꓫꓸ ꓟꓳ ꓐꓰ ꓐꓳ ꓔ ꓡꓳ꓿
ꓖꓳ ꓟ ꓑꓶ ꓓꓴ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓟꓬ-ꓟ ꓗꓪ ꓐꓰ ꓝꓲ ꓩꓴ ꓡ ꓟ ꓝꓲ ꓓꓴ ꓓꓽ ꓟ ꓠꓬ ꓚꓲ-ꓟꓳꓹ-ꓕꓴꓸ ꓥ ꓢꓲ꓾ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓐꓰ ꓟꓬ-ꓟ ꓐꓱ ꓶ ꓝꓲ ꓓꓴ ꓠꓬ ꓠꓳ-ꓡꓲꓹ ꓦꓯꓹ-ꓤ ꓥ ꓡꓳ꓿
ꓕꓱ ꓡꓱ ꓝꓲ ꓓꓴ ꓐꓴ ꓬꓲꓸ ꓔꓱꓹ ꓬꓲꓸ ꓔꓱꓹ ꓟꓬꓱꓽ ꓖꓶ ꓔꓸ ꓢꓲ꓾ ꓕꓲ ꓜꓴ ꓕꓲ ꓒꓳ ꓗꓪ ꓐꓰ ꓗꓶꓸ ꓟꓽ ꓙꓲ ꓠꓹ ꓟ꓾ ꓑ ꓫꓬ ꓐꓯ ꓘꓶ ꓐꓰ꓾ ꓙꓵꓽ ꓢꓴ ꓐꓴ ꓐꓯ ꓘꓶꓽ ꓔꓯ ꓗꓴꓷꓼ ꓜꓴ ꓗꓪ ꓢꓷꓸ ꓪ ꓠꓹ ꓟ ꓙꓽ ꓖꓶ ꓔꓸ ꓟ ꓥ ꓡꓳ꓿
ꓮ ꓟꓶ ꓬꓲꓸ ꓫꓵꓼ ꓟꓬꓱꓽ ꓟꓯꓻ ꓡ ꓟ ꓠꓳ-ꓡꓲꓹ ꓦꓯꓹ-ꓤ ꓠꓬ ꓧꓶꓸ ꓕꓯ ꓗꓴꓷꓼ ꓜꓴ ꓗꓪ ꓐꓰ ꓮ-ꓢꓲ-ꓬ ꓐꓱ ꓶ ꓶ ꓡꓯꓼ ꓚꓱꓹ ꓗꓪ ꓟꓬꓱꓽ ꓬꓰ ꓠꓬꓲ ꓢꓴ꓾ 2008-2009 ꓕꓯ ꓟꓬ-ꓟ ꓠ-ꓖꓲꓼ ꓕꓳꓽ ꓥꓳꓽ ꓑꓶꓸ ꓓꓴ ꓫꓸ ꓡꓰ ꓢꓴ ꓐꓴ ꓔꓯ ꓫꓬꓹ ꓦꓵ ꓙ ꓟꓬꓱꓽ ꓚꓱꓹ ꓢꓷ ꓠꓲꓹ ꓖꓶ ꓢꓴ ꓥ ꓢꓲ꓾ ꓚꓮꓟꓐꓣꓲꓓꓖꓰ ꓗꓪ ꓐꓰ Ph.D ꓙꓵꓽ ꓪꓴꓸ ꓛꓴ ꓟꓶ ꓔꓸ ꓢꓴ ꓕꓲ ꓣꓳ ꓥ ꓡꓳ꓿
