ꓲ-ꓓꓲ-ꓬ ꓗꓪ ꓬꓲ ꓚꓰ ꓔꓶ ꓔꓸ ꓢꓲ꓾ ꓮ-ꓡꓳꓠ ꓡꓳ ꓒꓱ ꓗꓪ ꓟꓬꓱꓽ ꓬꓰ ꓔꓬ ꓟ ꓞꓽ ꓒꓳꓽ ꓠꓽ ꓔꓶꓸ ꓶ ꓡꓯꓼ ꓜꓴ Adani Ports and Special Economic Zone Ltd ꓠꓬ ꓡ ꓠꓹ ꓟ 2022 ꓘꓳꓼ 6 ꓦ ꓕꓯꓽ ꓟꓬ-ꓟ ꓗꓪ ꓐꓰ ꓓꓳ ꓙꓰ ꓓꓴ ꓙ ꓖꓶ ꓔꓬ ꓡꓳ ꓐꓰ Reuters ꓡꓰ ꓐꓳ ꓩꓴ ꓡ ꓡꓳ꓿
ꓶꓼ ꓡꓯꓼ ꓜꓴ ꓖꓳ ꓟ ꓠꓬ ꓟꓬ-ꓟ ꓟꓯꓼ ꓶ ꓡꓯꓼ ꓜꓴ ꓟꓰꓚ ꓗꓪ ꓐꓰ ꓮ-ꓡꓳꓠ ꓡꓳ ꓒꓱ ꓗꓪ ꓟꓵꓽ 50 ꓗꓽ ꓔꓯ ꓞꓽ ꓒꓳꓽ ꓠꓽ ꓔꓶꓸ ꓬꓰ ꓠꓹ ꓟ ꓓꓳ-ꓡ 290 ꓪꓹ ꓡꓰ ꓢꓯꓼ ꓕꓵꓼ ꓩꓴꓐꓡ ꓟ ꓠꓬ 2019 ꓘꓳꓼ ꓗꓪ ꓐꓰ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓟꓬ-ꓟ ꓗꓴꓷꓼ ꓗꓪ ꓟꓯꓼ ꓡꓰ ꓗꓴꓷꓼ ꓙꓵꓽ ꓪ ꓣꓴ ꓙꓰ ꓠꓬꓲ꓾ ꓶ ꓡꓯꓼ ꓜꓴ ꓐꓴ ꓠꓬ ꓟꓵ ꓗꓳ ꓓꓵ ꓓꓵ ꓐꓰ ꓙ ꓡꓯ ꓘꓳ ꓟ ꓗꓪ ꓘꓶ ꓡꓶꓽ ꓓꓴ ꓙꓳ ꓡꓰ ꓟ ꓥ ꓡꓳ꓿ ꓮ ꓟꓶ ꓗꓪ ꓛꓲ ꓶ ꓡꓯꓼ ꓜꓴ ꓓꓽ ꓟ 10 ꓟ ꓕꓯꓽ ꓢꓲ ꓟꓬ-ꓟ ꓗꓴꓷꓼ ꓗꓪ ꓐꓰ ꓓꓳ ꓙꓰ ꓖꓴꓳ꓿
