ꓴꓢꓮ ꓗꓴꓷꓼ ꓢꓲ., ꓣꓴ ꓑꓮꓲꓽ ꓬꓰ _ ꓟ ꓦꓬꓼ ꓠꓬꓲ ꓕꓯ ꓟ‐ꓢꓲ‐ꓗꓳ(Maxco) ꓗꓴꓷꓼ ꓟꓴ ꓟꓶ. ꓕꓲ ꓒꓳ, ꓗꓪ ꓐꓰ ꓡ, ꓟ ꓞꓳ ꓤ 3000 ꓣꓳ ꓛꓲ ꓟꓳ ꓓꓳ ꓤꓶ ꓢꓲ. ꓴꓢꓮ ꓗꓴꓷꓼ ꓗꓪ ꓡ ꓔꓬ ꓡꓳ ꓿ ꓕꓱ ꓟ ꓠꓬ ꓴꓢꓮ ꓗꓴꓷꓼ ꓐꓶ, ꓗꓴꓷꓼ ꓗꓪ ꓐꓰ ꓡ, ꓟ ꓔꓯ ꓮ ꓡꓲ ꓐꓰ ꓗꓽ ꓠ, ꓟ ꓐꓱ ꓶ ꓗꓴꓷꓼ ꓫꓵꓽ ꓪꓴ ꓕꓲ ꓟ ꓥ ꓡꓳ꓿ ꓕ‐ꓣ ꓠꓬ ꓴꓢꓮ ꓗꓴꓷꓼ ꓗꓪ ꓬꓲ. ꓖ ꓟꓽ ꓙꓳ ꓙꓳ ꓔꓬ ꓢꓴ(ꓟ. ꓑꓳ ꓓꓲ ꓟꓽ ꓙꓳ ꓢꓴ) ꓐꓴ ꓔꓯ ꓠꓬ ꓗꓴꓷꓼ ꓗꓪ ꓐꓰ ꓖꓼ ꓔꓲ. ꓩꓴ ꓓꓴ ꓥꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓠꓬ ꓟ‐ꓢꓲ‐ꓗꓳ ꓟꓵꓽ ꓫ ꓗ ꓗꓪ ꓥ_ ꓟꓲ ꓐꓬꓱꓽ ꓕꓴꓽ ꓓꓴ ꓥ ꓐꓰ ꓐꓯ ꓔ ꓟ ꓥꓳ꓿
ꓬꓲ. ꓐꓬꓱꓽ꓾ ꓣꓰꓴꓔꓰꓣꓢ
2016 ꓘꓳꓼ ꓗꓪ ꓠꓬ ꓕ‐ꓣ ꓠꓰ ꓟ‐ꓢꓲ‐ꓗꓳ ꓟꓵꓽ ꓫ ꓗ ꓗꓪ ꓐꓬꓱꓽ ꓕꓴꓽ ꓔ ꓟ ꓥꓳ꓿ ꓮ ꓟꓶ 2015 ꓘꓳꓼ ꓕ ꓕꓱ ꓟ ꓔꓯ ꓬꓰ ꓝ. ꓓꓴ ꓥꓳ ꓐꓰ ꓐꓯ_ ꓟ ꓥ ꓡꓳ꓿
ꓓꓳꓽ ꓚꓰꓼ꓾ ꓣꓰꓴꓔꓰꓣꓢ
