2023 ꓘꓳꓼ 6 ꓦ 18 ꓠꓬꓲ ꓕꓯꓽ Lisu American Association (LAA) ꓢꓽ ꓡ ꓙꓵꓽ ꓬꓲꓸ ꓫꓵꓼ ꓠꓬꓲꓺ ꓖꓴ ꓗꓪ ꓞꓳ ꓔꓲꓺ ꓐꓬ ꓒꓲ-ꓕꓱ ꓔꓯ ꓢꓲꓻ ꓟꓶ ꓡꓰꓳ꓿
ꓞꓳ ꓔꓲꓺ ꓐꓬ ꓒꓲ-ꓕꓱ ꓠꓬ ꓕꓮꓲꓹ ꓟꓵꓽ ꓗꓪ ꓐꓰ ꓡ ꓟ ꓡꓲ-ꓢꓴ ꓒꓽ꓾ Engineer ꓢꓷꓸ ꓠꓲꓹ ꓙꓳ ꓢꓴ ꓥ ꓢꓲ꓾ ꓬꓲꓸ ꓴꓢꓮ ꓗꓪ ꓓꓵꓽ ꓛꓲ ꓡ ꓟ ꓠꓬ 1988 ꓘꓳꓼ ꓕꓯꓽ ꓥ ꓡꓳ꓿
ꓴꓢꓮ ꓟꓵꓽ ꓫꓴ (5) ꓟ ꓔꓬ ꓟ ꓡꓲ-ꓢꓴ ꓐꓴ ꓗꓳ ꓡꓳ ꓗꓪ ꓐꓰ ꓟꓵꓽ ꓫꓴ 1 ꓟ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓢꓴ 2 ꓣꓳ ꓔꓯꓺ ꓡꓯ ꓘꓳ ꓢꓲꓸ ꓢꓲꓻ ꓣꓴ ꓗꓷ ꓟ ꓥ ꓡꓳ꓿
ꓕꓱ ꓟ ꓠꓬ ꓜꓴ ꓔꓶꓺ ꓩꓴ ꓡ 2012 ꓘꓳꓼ ꓕ ꓑꓳ. ꓧꓳꓽ ꓪꓴꓸ ꓟꓴ ꓢꓴ 5 ꓔꓶꓽ ꓕꓲꓽ ꓔꓶꓽ ꓟ ꓥ ꓡꓳ꓿
ꓡꓮꓮ ꓜꓴ ꓕꓱ ꓟ ꓪꓴꓸ ꓔꓴ ꓟ ꓦꓬꓼ ꓠꓬꓲ ꓗꓪ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓔꓯ 2 ꓘꓳꓼ ꓕꓲꓽ ꓔꓶꓽ ꓢꓲꓻ ꓗꓷ ꓥ ꓟꓲ 2019 ꓘꓳꓼ ꓗꓪ ꓐꓰ ꓕ ꓑꓳꓸ ꓠꓬ 4 ꓘꓳꓼ ꓕꓲꓽ ꓔꓶꓽ ꓟꓬꓱꓽ ꓬꓰ ꓝꓲ ꓠꓹ ꓟ ꓖꓪ ꓙꓱ ꓞꓷꓹ ꓔꓸ ꓡꓳ꓿
ꓜꓴ ꓕꓱ ꓟ ꓠꓬ ꓴꓢꓮ ꓗꓪ ꓟ ꓡꓲ-ꓢꓴ ꓐꓴ ꓔꓯ ꓧꓳꓽ ꓪꓴꓸ ꓟꓴ ꓠꓹ ꓟ ꓐꓰ꓾ ꓟꓵꓽ ꓗꓳ ꓓꓵ ꓗꓪ ꓟ ꓡꓲ-ꓢꓴ ꓐꓴ ꓔꓯ ꓙ ꓡꓯ ꓘꓳ꓾ ꓢꓯꓼ ꓖꓶ ꓡꓯ ꓘꓳ ꓠꓹ ꓟ 2013 ꓘꓳꓼ ꓕꓯ Dr. ꓡ-ꓪꓴ ꓡꓰ ꓖꓪ ꓙꓱ ꓖꓪ ꓟꓴ ꓢꓲꓸ ꓒꓴ ꓪꓴꓸ ꓔꓴ ꓔꓸ ꓟ ꓜꓴ ꓕꓲꓽ ꓟ ꓥ ꓡꓳ꓿
ꓮ ꓟꓶ ꓡ ꓠꓹ ꓟ 2023 ꓘꓳꓼ 7 ꓦ ꓟ ꓘꓴꓽ ꓗꓪ ꓡꓮꓮ ꓜꓴ ꓜꓲꓼ ꓓꓴ ꓔꓯ ꓗ-ꓡꓲ-ꓩꓴ-ꓠꓰ-ꓬ ꓗꓪ ꓬꓰ ꓢꓲꓸ ꓖꓳ ꓗꓪ ꓐꓰ ꓢꓲꓻ ꓣꓴ ꓪ ꓡꓰ ꓢꓴ ꓐꓴ ꓟꓬꓱꓽ ꓬꓰ ꓝꓸ ꓙꓰ ꓓꓴ ꓥ ꓡꓳ꓿
