2025 ꓘꓳꓼ 9 ꓦ 10 ꓠꓬꓲ ꓕꓯꓽ ꓴ-ꓕꓸ ꓟꓵꓽ ꓗꓪ ꓞꓳ ꓡꓯꓸ ꓐꓴ ꓐꓰ ꓖꓪ ꓙꓱ ꓡꓯ ꓘꓳ ꓔꓬ ꓟ ꓗꓪ꓾ ꓛ-ꓡꓲ ꓗꓼ ꓔꓯ ꓡ ꓛꓴꓸ ꓐꓶ ꓢꓰꓼ ꓢꓴ ꓔꓯ ꓟꓯꓼ ꓐꓴ ꓧꓪ ꓔꓬ ꓥ ꓟꓲ ꓠꓬꓲꓸ ꓠꓬꓲ ꓗꓪ ꓛꓲ ꓟꓽ ꓣꓴ ꓟꓶ ꓢꓰꓽ꓿
ꓬꓲꓸ ꓐꓬꓱꓽ ꓔꓯ ꓠꓬ ꓝꓐꓲ ꓡꓰ ꓑ ꓫꓬꓼ ꓐꓴ ꓔꓯ ꓐꓯ ꓟꓳꓸ ꓖꓶ ꓩꓴ ꓡ ꓢꓲ꓾ ꓬꓲꓸ ꓔꓯ ꓣꓴ ꓟꓶ ꓗꓪ ꓛꓲ ꓓꓳꓽ ꓖꓶ ꓐ ꓡ ꓢꓴ ꓔꓯ ꓓꓳ-ꓡ 1 ꓢꓯꓹ ꓖꓶ ꓓꓴ ꓥꓳ ꓐꓰ ꓐꓯ ꓔꓸ ꓡꓳ꓿
ꓡ ꓛꓴꓸ ꓐꓶ ꓢꓴ ꓠꓬ ꓤ ꓖꓴ ꓡꓯꓼ ꓤ ꓕꓲ ꓣꓳ ꓥ ꓢꓲ꓾ ꓢꓯꓸ ꓐꓬꓱ ꓕꓲ ꓟ ꓗꓪ ꓠꓬ ꓦꓲ ꓪꓴꓸ ꓓꓵ ꓗꓪ ꓐꓰ ꓔꓶꓹ ꓞꓰ ꓫꓶꓸ ꓡ ꓟ ꓓꓱꓽ ꓟꓶ ꓔꓸ ꓡꓳ꓿
ꓛ-ꓡꓲ ꓗꓼ ꓫꓵꓻ ꓟꓳ ꓔꓯ ꓠꓬ ꓮ-ꓣꓲ-ꓜꓳ-ꓠ ꓗꓪ ꓚꓰꓹ ꓡꓽ ꓙꓰ ꓔꓬ ꓡꓳ꓿ ꓬꓲꓸ ꓠꓬ ꓴꓢꓮ ꓗꓴꓷꓼ ꓔꓶ ꓢꓴ ꓒꓵꓽ ꓒ ꓦ ꓡꓱ ꓚꓱꓹ ꓔꓯ ꓕꓱ ꓕꓲ ꓤꓶ ꓟ ꓞꓳ ꓡꓯꓸ ꓐꓴ ꓠꓲꓹ ꓡꓱ ꓡ ꓠꓹ ꓟ ꓢꓯꓼ ꓖꓶ ꓢꓴ/ ꓞꓳ ꓜꓴ ꓗꓪ ꓫꓸ ꓕꓱ ꓐꓯ ꓔꓳꓹ ꓡꓯ ꓘꓳ ꓑꓶꓸ ꓢꓴ ꓥ ꓡꓳ꓿
