ꓛꓲ ꓡꓵꓺ ꓡꓯꓼ ꓡꓵ ꓟꓽ ꓐ ꓡ꓾ ꓫꓸ ꓕꓱ ꓟꓽ ꓗꓴꓸ ꓢꓴ ꓐꓴ ꓒꓴꓼ ꓠꓬ ꓐꓰ ꓠꓬ ꓢꓶꓽ ꓗꓪ ꓐꓰ ꓩꓴꓸ ꓣꓱꓽ ꓙꓲ ꓠꓹ ꓟ ꓢꓷꓸ ꓠꓲꓹ ꓚꓰꓼ ꓓꓳ ꓡꓰꓳ ꓐꓰ ꓖꓳ-ꓖꓯꓹ ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓪꓴꓸ ꓠꓷꓸ ꓚꓬꓼ (Artificial Intelligence) ꓣꓱꓽ ꓢꓲ ꓠꓬ ꓢꓶꓽ ꓐꓰ꓾ ꓒꓴꓼ ꓠꓬ ꓗꓪ ꓐꓰ ꓩꓴꓸ ꓔꓯ ꓝꓲꓺ ꓐ ꓡ ꓠꓹ ꓟ ꓖꓳ-ꓖꓯꓹ ꓡꓰ ꓚꓰꓼ ꓓꓳ ꓡ ꓟ ꓥ ꓡꓳ꓿
ꓕꓱ ꓡꓱ ꓡꓯ ꓒꓯꓹ ꓡꓰ ꓥꓰꓸ ꓟꓽ ꓛꓲ꓾ ꓟꓷ ꓠꓷꓹ ꓡꓰ ꓫꓸ ꓕꓱ ꓟꓽ ꓛꓲ꓾ ꓒꓴꓼ ꓠꓬ ꓐꓰ ꓠꓬ ꓢꓶꓽ ꓗꓪ ꓚꓳꓸ ꓩꓴꓸ ꓔꓯ ꓝꓲ ꓜꓼ ꓐ ꓡ ꓟ ꓢꓷꓸ ꓠꓲꓹ ꓔꓯ ꓖꓳꓳꓖꓡꓰ, ꓟꓲꓚꓣꓳꓢꓳꓝꓔ, ꓮꓑꓑꓡꓰ ꓢꓷꓸ ꓠꓲꓹ ꓶ ꓡꓯꓼ ꓜꓴ ꓐꓴ ꓚꓰꓼ ꓔꓯꓺ ꓡꓯ ꓘꓳ ꓔꓬ ꓟ ꓥ ꓡꓳ꓿
ꓮ ꓟꓶ ꓖꓳ-ꓖꓯꓹ ꓡꓰ ꓚꓰꓼ ꓓꓳ ꓩꓴ ꓡ ꓟ ꓔꓯ Android application ꓣꓱꓽˍ ꓟ ꓩꓴꓸ ꓗꓪ ꓐꓬꓱꓽ ꓢꓯꓸ ꓓꓱꓽ ꓟ꓾ ꓕꓳ ꓶ ꓐꓳˍ ꓟ꓾ ꓕꓱ ꓡꓱꓳ ꓫꓵꓽ ꓟꓬꓱꓽ ꓬꓲ ꓫꓵ ꓬꓲ ꓙꓰ ꓝꓲ ꓜꓽ ꓐ ꓡ ꓟ ꓥꓳ ꓐꓯ ꓡꓳ꓿
