ꓟꓯꓼ ꓘꓰꓹ ꓫꓸ ꓙꓵ ꓔꓬ ꓢꓴ ꓐꓴ ꓔꓯ ꓔꓳꓹ ꓙ ꓬꓰ ꓙ ꓠꓹ ꓟ 2022 ꓘꓳꓼ 5 ꓦ 7 ꓠꓬꓲ ꓕꓯꓽ꓾ ꓕꓮꓲꓹ ꓗꓴꓷꓼ꓾ ꓛꓰꓸ-ꓟꓮꓲꓽ Rx Caf ꓗꓪ ꓟꓬ-ꓟ ꓐꓱ ꓶ ꓙꓲꓺ ꓔꓲꓺ ꓪꓴ: ꓑꓮꓲ (Market for Myanmar) ꓕꓲ ꓟ ꓬꓰ ꓗꓷꓳ꓿
ꓙꓲꓺ ꓔꓲꓺ ꓪꓴꓽ ꓑꓮꓲ ꓗꓪ ꓡ ꓢꓴ 1500 ꓣꓳ ꓛꓲ ꓙꓳ ꓢꓲ꓾ ꓒꓴ $6000 ꓕꓯꓽ ꓢꓲ ꓪ ꓬꓰꓳ꓾ ꓐꓯ ꓡꓳ꓿
“ꓲꓓꓑ ꓟꓯꓼ ꓘꓰꓹ ꓑꓬ ꓔꓬ ꓢꓴ ꓐꓴ ꓔꓯ ꓬꓰ ꓙ ꓐꓹ ꓖꓶ ꓓꓴ ꓥꓳ꓿ ꓜꓽ ꓓꓴ꓾ ꓶ ꓤ ꓶ ꓟꓲ ꓖꓶ ꓮ ꓙꓵꓽ ꓪꓴꓽ ꓓꓳ ꓬꓰꓳ꓿ ꓡ ꓢꓴ 1500 ꓟꓽ ꓞꓲ ꓙꓳ ꓥ” ꓐꓰ ꓖꓳ ꓗꓪ ꓙ ꓖꓶꓽ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓙꓲ ꓔꓲꓺ (40) ꓟ ꓛꓲ ꓗꓪ ꓟꓬ-ꓟ ꓐꓰ ꓕꓮꓲꓹ ꓜꓽ ꓫꓵꓽ꓾ ꓓꓵꓽ ꓙ ꓛꓲ ꓡ ꓓꓴ ꓶ ꓤ ꓶ ꓟꓲ꓾ ꓡꓲꓽ ꓒꓰꓼ ꓖꓪꓽ ꓓꓴ ꓪꓴꓽ ꓗꓷꓳ꓾ ꓐꓯ ꓡꓳ꓿
ꓬꓲꓸ ꓚꓰ꓾ Market for Myanmar
