ꓗꓴꓷꓼ ꓜꓴ ꓗꓪ ꓟꓬ-ꓟ ꓗꓴꓷꓼ ꓐꓱ ꓶ ꓦꓰꓼ ꓔꓬ ꓢꓴ ꓚꓳ-ꓟꓳꓹ-ꓕꓴꓸ ꓔꓯ ꓢꓼ-ꓗꓼ-ꓢꓼ ꓡꓰ ꓟꓬ-ꓟ ꓗꓴꓷꓼ ꓗꓪ ꓘꓴ ꓡꓽ ꓠꓹ ꓟ ꓪ-ꓠꓼ-ꓟꓮꓳ-ꓡꓪꓲꓠ ꓡꓰꓽ ꓕꓳ ꓶ ꓐꓳ ꓢꓲꓸ ꓮ-ꓟꓯ-ꓣꓲ-ꓗ ꓔꓯ ꓓꓰꓽ ꓗꓷꓳ=
ꓚꓳ-ꓟꓳꓹ-ꓕꓴꓸ ꓠꓬ ꓟꓬ-ꓟ ꓑ ꓫꓬ ꓐꓴ ꓬꓲꓸ ꓛꓲ ꓗꓴꓷꓼ ꓜꓴ ꓜꓲꓼ ꓓꓴ ꓗꓪ ꓫꓸ ꓕꓱ ꓗꓷ ꓢꓲ꓾ ꓑ ꓫꓬ ꓙꓵꓽ ꓪ ꓦꓴ ꓢꓴ ꓟꓯꓼ ꓐꓴ ꓔꓯ ꓔꓳꓹ ꓗꓷ ꓟ ꓑꓶꓸ ꓓꓴ꓾ ꓮ ꓟꓶ ꓟꓯꓼ ꓐꓴ ꓠꓬ ꓬꓲꓸ ꓔꓯ ꓘꓴ ꓡꓽ ꓢꓲꓸ ꓐꓯ ꓟꓴ ꓩꓴ ꓠꓬꓲ꓾ ꓐꓱ ꓓꓴꓽ ꓗꓪ ꓡꓴꓽ ꓠꓬꓲ꓾ ꓥ ꓠꓬ ꓢꓰꓼ ꓩꓴ ꓠꓲꓹ ꓫꓵ ꓔꓬ ꓟ ꓥ ꓡꓳ=
ꓚꓳ-ꓟꓳ-ꓕꓴꓸ ꓠꓬ ꓮꓳ-ꓢꓸ-ꓢꓴꓸ-ꓚꓰ ꓐꓰ ꓪꓰꓸ-ꓟꓰꓼ ꓐꓴ ꓡꓰ ꓡꓯꓼ ꓓꓴ ꓠꓬꓲꓸ ꓔꓸ ꓢꓲꓸ ꓗꓴꓷꓼ ꓜꓴ ꓗꓪ ꓟꓬ-ꓟ ꓗꓴꓷꓼ ꓬꓲꓸ ꓛꓲ ꓝꓲ ꓓꓴ ꓓꓽ ꓟ ꓟꓬꓱꓽ ꓬꓰ ꓔꓬ ꓟ ꓥ ꓡꓳ= ꓖꓳ ꓟ ꓗꓪ ꓮ ꓟꓶ ꓙꓵꓽ ꓪ ꓦꓴ ꓟꓯꓼ ꓐꓴ ꓡꓰ ꓬꓲꓸ ꓪ ꓬꓲꓸ ꓛꓲ ꓫꓸ ꓕꓱ ꓢꓴ ꓗꓶ ꓠꓲꓹ ꓫꓵ ꓔꓬ ꓥ ꓟꓲ꓾ ꓗꓴꓷꓼ ꓜꓴ ꓡꓰ ꓟꓽ ꓘꓳ ꓣꓴ=
ꓮ ꓟꓶ ꓢꓼ-ꓗꓼ-ꓢꓼ ꓑ ꓫꓬ ꓙꓵꓽ ꓪ ꓦꓴ ꓜꓴ ꓡꓰ ꓓꓰꓽ ꓘꓶꓽ ꓔꓯ ꓥ ꓟꓲ ꓮ-ꓟꓯ-ꓣꓲ-ꓗ ꓠꓬ ꓘꓳ ꓣꓴ ꓡ ꓟꓽ ꓚꓰꓼ ꓐꓰ ꓠꓴꓖ ꓗꓴꓷꓼ ꓙꓵꓽ ꓜꓴ ꓗꓪ ꓟ ꓢꓲꓽ ꓒꓽ ꓕꓲ-ꓡꓲꓹ-ꓮꓳ ꓗꓪ ꓐꓯ ꓩꓴ ꓡ ꓡꓳ=
