ꓟꓬ-ꓟ ꓗꓴꓷꓼ ꓗꓪ ꓗꓴꓷꓼ ꓙꓵꓽ ꓢꓴ ꓐꓴ ꓗꓪ ꓐꓰ ꓒꓴ ꓔꓸ ꓟ ꓟꓽ ꓥ ꓥ꓾ ꓚꓲꓸ ꓛꓬ ꓔꓱꓹ ꓚꓲꓸ ꓛꓬ ꓒꓴ ꓔꓬ ꓟ ꓢꓷꓸ ꓠꓲꓹ ꓢꓳ ꓦꓲ ꓐꓴ ꓠꓬ ꓗꓴꓷꓼ ꓢꓷꓸ ꓠꓲꓹ ꓢꓳ ꓚꓱꓹ ꓔꓯꓺ ꓐꓬꓱꓽ ꓔꓯ ꓜꓯꓻ ꓜꓳꓽ/ꓟꓽ ꓜꓳ ꓚꓲꓸ ꓚ ꓢꓲꓸ ꓝꓴꓲꓸ ꓖꓶꓽ ꓓꓴ ꓥꓳ꓾ ꓐꓰ ꓟꓯꓼ ꓗꓳ-ꓢꓰ ꓢꓽ ꓡ ꓙꓵꓽ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓡꓰ 2021 ꓘꓳꓼ 7 ꓦ 21 ꓠꓬꓲ ꓖꓪ ꓙꓱ ꓜꓲꓼ ꓓꓴ ꓗꓪ ꓐꓯ ꓩꓴ ꓡ ꓡꓳ꓿
Kaung4U ꓳ-ꓡꓮꓲꓹ ꓢꓳ ꓦꓲ ꓧꓳꓽ ꓪꓴꓸ ꓟꓴ ꓢꓴ ꓔꓯ ꓟꓯꓼ ꓡꓰ ꓣꓴ ꓗꓷ ꓗꓸ ꓠꓯꓸ꓾ ꓝꓮꓲ ꓚꓓꓟ ꓬꓰ ꓢꓴ ꓟꓸ ꓒ ꓟꓸ ꓟ ꓐꓴ ꓔꓯ ꓣꓴ ꓔꓬ ꓟ ꓠꓬꓲꓽ ꓗꓳꓸ ꓚꓸ ꓗꓪ ꓚꓲꓸ ꓛꓬ ꓔꓱꓹ ꓚꓲꓸ ꓛꓬ ꓒꓴ ꓔꓸ ꓟ ꓢꓷ ꓠꓲꓹ ꓢꓳ ꓦꓲ ꓐꓴ ꓮ ꓙꓵꓽ ꓔꓯ ꓚꓲꓸ ꓚ ꓓꓴ ꓥꓳ ꓐꓯ ꓡ ꓟ ꓥ ꓡꓳ꓿
2010 ꓗꓪ ꓐꓰ ꓪꓴꓸ ꓔꓴ ꓢꓲꓸ ꓢꓷꓸ ꓠꓲꓹ ꓢꓳ ꓚꓱꓹ ꓗꓪ ꓐꓶꓽ ꓗꓴꓷꓼ ꓢꓷꓸ ꓠꓲꓹ ꓢꓳ ꓚꓱꓹ ꓮ ꓟꓬꓹ ꓟꓬ-ꓟ ꓗꓴꓷꓼ ꓗꓪ ꓓꓵꓽ ꓡ ꓗꓷ ꓟ ꓥ ꓟꓲ ꓙꓳ ꓡꓳ꓿
ꓝꓮꓲ 2021 ꓘꓳꓼ ꓕ ꓑꓳꓸ ꓚꓓꓟ ꓬꓰ ꓔꓸ ꓟ ꓟꓸ ꓢꓴ ꓐꓴˍ ꓐꓰ ꓢꓳ ꓢꓴ ꓐꓴ ꓥ ꓟꓲ ꓟꓬ-ꓟ ꓢꓷꓸ ꓠꓲꓹ ꓢꓳ ꓚꓱꓹ ꓔꓯ ꓳ-ꓡꓮꓲꓹ ꓗꓪ ꓐꓰ꓾ ꓢꓳ ꓦꓲ ꓠꓯꓸꓼ ꓗꓪ꓾ ꓝꓮꓲ ꓟꓵꓽ ꓘꓶꓽ ꓟꓵꓽ ꓡꓯꓼ ꓗꓪ ꓠꓬ ꓢꓳ ꓦꓲ ꓒꓴ ꓢꓲꓸ ꓢꓳ ꓔꓬ ꓟ ꓙꓳ ꓡꓳ꓿
ꓟꓬ-ꓟ ꓟꓯꓼ ꓠꓬ ꓗꓴꓷꓼ ꓙꓵꓽ ꓪ ꓣꓴ ꓗꓷ ꓗꓸ ꓠꓯꓸ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓡꓳ ꓚ ꓬꓰ ꓔꓬ ꓡꓳ ꓐꓯ ꓔꓬ ꓥ ꓟꓲ꓾ ꓑ ꓫꓬ ꓠꓲꓹ ꓡꓶꓽ ꓔꓯ ꓞꓳ ꓒꓵꓽ ꓟ ꓟꓽ ꓟꓳꓸ ꓖꓶꓽ ꓓꓳ ꓡ꓿
