2021 ꓘꓳꓼ 12 ꓦ 5 ꓠꓬꓲ ꓠꓯꓼ ꓝꓲꓸ ꓗꓪ ꓬꓥ-ꓖꓳꓥ꓾ ꓚꓰꓼ-ꓟꓲ-ꓔꓮꓲꓽ ꓗꓪ ꓟꓯꓼ ꓡꓰ ꓙꓵꓽ ꓔꓬ ꓟ ꓔꓯ ꓟꓽ ꓠꓵ ꓢꓲꓸ ꓘꓴ ꓔꓴ ꓢꓴ ꓐꓴ ꓔꓯ ꓑꓳꓡꓲꓚꓰ ꓟꓳ-ꓓꓳ ꓠꓰ ꓕꓯꓼ ꓢꓰꓼꓳ꓿
“ꓮ ꓡꓻ 4 ꓣꓳ ꓛꓲ ꓕꓯꓼ ꓜꓯꓼ ꓬꓰ ꓥꓳ= ꓣꓴ ꓪ ꓬꓰ ꓢꓴ ꓖꓶ 7-8 ꓣꓳ ꓣꓳ ꓛꓲ ꓙꓳ ꓥꓳ” ꓐꓰ ꓖꓳ ꓗꓪ ꓔꓬ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓟꓯꓼ ꓙꓵꓽˍ ꓟ ꓔꓯ ꓑ ꓫꓬ ꓐꓴ ꓟꓽ ꓠꓵ ꓢꓲꓸ ꓘꓴ ꓔꓴ ꓔꓬ ꓟ ꓗꓪ꓾ ꓕꓱ ꓡꓱ ꓞꓳ ꓡꓲꓽ ꓪ ꓡꓲꓽ ꓟꓽ ꓛꓳ꓾ ꓗꓴꓷꓼ ꓙꓵꓽ ꓢꓴ ꓙꓵꓽ ꓗ ꓬꓲꓸ ꓡꓲꓽ ꓟꓽ ꓛꓳ ꓛꓳ꓾ ꓑ ꓫꓬ ꓔꓯ ꓟꓳ-ꓓꓳ ꓠꓰ ꓕꓯꓼ ꓢꓰꓼ ꓡ ꓔꓬ ꓟ ꓥ ꓡꓳ꓿
ꓘꓴ ꓔꓴ ꓢꓴ ꓐꓴ ꓡꓯ ꓒꓯꓹ ꓗꓪ ꓟꓯꓼ ꓶ ꓤ ꓕꓲ ꓫꓵꓽ ꓫꓵꓽ ꓔꓯꓹ ꓢꓴ ꓟꓽ ꓙꓳ꓿
ꓟꓲ ꓠꓯ ꓗꓴꓷꓼ ꓜꓴ ꓐꓰ ꓮ-ꓢꓰ-ꓬ ꓐꓴ ꓠꓬ ꓟꓬ-ꓟ ꓑ ꓫꓬ ꓘꓴ ꓢꓯꓼ ꓔꓯ ꓟꓽ ꓑ ꓙ ꓕꓲ ꓒꓲꓸ ꓫꓵꓽ ꓔꓬ꓾ ꓟꓯꓼ ꓡꓰ ꓕꓱ ꓡꓱ ꓜꓲꓽ ꓜꓲꓽ ꓑꓰꓹ ꓑꓰꓹ ꓬꓰ ꓡ ꓟ ꓔꓯ ꓛꓳ ꓠꓹ ꓬꓯꓼ ꓔꓬ ꓡꓳ꓿
