ꓠꓲ, ꓠꓵ ꓟ ꓡꓲ-ꓢꓴ ꓫꓵ: ꓐꓴ.,ꓳ꓾ Covid 19 ꓠ ꓫꓵ: ꓐꓰ ꓗꓴ. ꓙꓲ: ꓙꓳ ꓢꓲ ꓠꓬꓲ ꓢꓲ, ꓒꓬ: ꓡꓳ ꓒꓬ: ꓮ ꓟꓬ, ꓫꓵ: ꓔꓯ ꓧꓪ ꓓꓳ ꓔꓬ, ꓟ ꓓꓳ: Social Media ꓗꓪ ꓣꓳ ꓡꓳ. ꓟꓳ ꓟ ꓥ ꓡꓳ=
ꓟ: ꓟꓶ ꓫꓵ ꓢꓰ; ꓟ ꓕꓲ: ꓠ: ꓗꓪ ꓐꓰ ꓡ ꓞꓳ ꓐꓴ ꓐꓯ ꓓꓳ ꓡ ꓟ ꓕꓲ: ꓫꓵ: ꓠꓬ ꓙ ꓟꓶ ꓠꓲ ꓒꓬ: ꓔꓯ ꓚꓬ. ꓓꓳ ꓠꓬ Covid ꓠ ꓫꓵ: ꓠ ꓔꓬ ꓢꓴ ꓐꓴ ꓓ ꓡꓰ ꓖꓴ_ ꓡꓳ ꓐꓰ ꓐꓯ ꓢꓲ ꓡꓳ: ꓟꓲ: ꓟꓵ: ꓗꓪ ꓟ ꓡ ꓞꓳ ꓐꓴ ꓮ ꓟꓬ, ꓙ ꓟꓶ ꓠꓲ ꓒꓬ: ꓔꓯ ꓖ; ꓧꓪ ꓔꓬ, ꓟ ꓔꓯ ꓟꓲ ꓡꓳ. ꓟꓳ ꓡꓳ= ꓙ-ꓟꓶ-ꓠꓲ ꓒꓬ: ꓠꓬ ꓣꓳ ꓑꓴ-ꓔ-ꓮꓳ ꓟꓵ: ꓗꓪ ꓟꓲ ꓮ ꓟꓬ: ꓙꓳ ꓟ ꓡꓰ ꓐꓰ ꓣꓳ ꓟꓵ: ꓡ ꓞꓳ ꓐꓴ ꓥ ꓟꓲ ꓮ ꓟꓬ, ꓧꓪ ꓓꓳ ꓔꓬ ꓟ ꓔꓯ ꓢꓷ. ꓪ ꓡꓳ꓾
ꓚꓵ ꓚꓵ ꓙ -ꓟꓶ- ꓠꓲ ꓒꓬ: ꓠꓬ Covid ꓔꓯ ꓓ ꓡꓰ ꓝꓲ ꓐ ꓡ ꓡ? ꓬꓲ. ꓔꓯ A ꓡꓲ ꓫꓵ: ꓠꓬꓲ ꓖꓴ ꓗꓪ ꓣꓱ: ꓡ?
- ꓧꓪ ꓒꓴ ꓥꓳ: ꓗꓪ ꓐꓰ Chromolaena Odorata ꓐꓯ ꓟ ꓙ-ꓟꓶ-ꓠꓲ ꓒꓬ: ꓔꓯ ꓠꓬ ꓛꓲ ꓒꓯ, ꓡꓯ; ꓒꓯ ꓗꓪ ꓮ. ꓕ: ꓥ ꓠꓬ ꓠꓱ. ꓐꓯ; ꓕꓲ: ꓫꓵ: ꓫꓵ: ꓡꓰ ꓠ ꓓꓴ ꓓꓴ ꓡꓰ ꓕꓯ ꓬꓲ. ꓧꓶ: ꓔꓲ. ꓢꓲ ꓟꓰ.. ꓠꓬ ꓠ ꓓꓴ ꓠꓲ, ꓞ ꓓ ꓡꓰ ꓗꓴ ꓡꓳ=
- ꓙ-ꓟꓶ-ꓠꓲ ꓒꓬ: ꓔꓯ ꓚꓬ. ꓢꓲ. ꓓꓳ ꓥꓳ ꓐꓯ ꓠꓬ ꓡ ꓞꓳ ꓢꓲ: ꓒꓬ. ꓔꓯ ꓐꓬ ꓡꓰ ꓝꓲ ꓡꓳ= ꓝꓮꓲ ꓠꓬ ꓡ ꓞꓳ ꓔꓯ Cancer ꓠ ꓫꓵ: ꓒꓬꓱ; ꓡ ꓝꓲ ꓟ ꓔꓲ. ꓓꓳ; ꓟꓲ ꓓꓯ, ꓡꓳ=
ꓖꓳ ꓟ ꓑꓶ. ꓓꓴ ꓢꓴ ꓡꓰ ꓐꓯ ꓟ ꓮ ꓙꓵ: ꓔꓯ ꓙꓵ ꓟ: ꓓ= ꓮ ꓙꓵ: ꓢꓴ ꓦꓲ ꓘꓴ ꓗꓪ ꓡꓰ ꓔꓬ, ꓢꓲ ꓠ ꓫꓵ: ꓔꓯ ꓤ ꓟꓳ ꓓꓴ ꓬꓰ ꓡꓯ=
