2024 ꓘꓳꓼ 1 ꓦ 2 ꓠꓬꓲ꓾ ꓙ-ꓑ ꓗꓴꓷꓼ꓾ ꓦ-ꓠꓰ-ꓓ ꓙꓱ ꓦꓲ ꓠꓽ ꓔꓶꓸ ꓗꓪ꓾ ꓙꓮꓡ -516 ꓙ-ꓑ ꓙꓱ ꓦꓲ ꓠꓬ ꓟꓵꓽ ꓙꓴꓽ ꓚꓲꓹ ꓡ ꓠꓬꓲ ꓫꓸ ꓡꓰ ꓢꓴ ꓔꓯ ꓬꓰ ꓙ ꓔꓬ ꓟ ꓬꓲ ꓡꓴꓽ ꓐꓱ ꓡꓳꓸ ꓟꓯꓼ ꓙꓱ ꓦꓲ ꓕꓳꓽ ꓢꓶꓽ ꓔꓯ ꓕꓯꓼ ꓡꓯ ꓘꓳ ꓢꓲꓸ ꓮ ꓔꓳꓸ ꓙꓬ ꓬꓰꓳ꓿
ꓙꓱ ꓦꓲ ꓐꓬꓱꓽ
ꓙ-ꓑ ꓗꓪ M 7.5 ꓙꓳ ꓟ ꓟꓵꓽ ꓙꓴꓽ ꓚꓲꓹ ꓡ ꓢꓲ꓾ ꓡ ꓞꓳ 13 ꓣꓳ ꓫꓵꓻ ꓡꓳ꓿ ꓖꓳ ꓗꓪ ꓬꓰ ꓙ ꓔꓬ ꓟ ꓬꓲ ꓡꓴꓽ ꓐꓱ ꓡꓳꓸ ꓟꓯꓼ ꓙꓱ ꓦꓲ ꓠꓽ ꓔꓸ ꓟ ꓗꓪ ꓙꓮꓡ-516 ꓙꓱ ꓦꓲ ꓕꓯꓼ ꓡꓯ ꓘꓳ ꓬꓰ ꓟ ꓥ ꓡꓳ꓿
ꓟꓲ ꓠꓯ ꓗꓪ ꓥꓪꓽ ꓡ ꓟꓶ ꓕꓱꓼ ꓮ ꓔꓳꓸ ꓓꓳꓼ ꓡ ꓟ ꓡꓳꓸ ꓟꓳ ꓡꓳ꓿ ꓖꓳ ꓡꓱ ꓥ ꓟꓲ ꓜꓶ ꓡ ꓢꓴ 400 ꓣꓳ ꓛꓲ ꓮ ꓙꓵꓽ ꓮ ꓫꓵꓽ ꓟꓽ ꓘꓶꓻ ꓡꓶꓽ ꓡꓶꓽ ꓫꓶꓸ ꓪ ꓬꓰꓳ꓾ ꓐꓰ ꓙꓮꓡ ꓙꓱ ꓦꓲ ꓚꓱꓹ ꓗꓪꓽ ꓫꓵꓽ ꓢꓴ ꓡꓰ ꓢꓷ ꓙ ꓟꓴ ꓙ ꓔꓸ ꓡꓳ꓿
ꓬꓲ ꓡꓴ ꓐꓱ ꓡꓳꓸ ꓟꓯꓼ ꓙꓱ ꓦꓲ ꓕꓲꓽ ꓒꓳꓹ ꓗꓪ ꓮ ꓡꓲ ꓡꓲ ꓗꓷ ꓡꓰ ꓟ ꓜꓲ ꓜꓲ ꓟꓴ ꓟꓴ ꓟꓽ ꓢꓷꓸ ꓪ ꓢꓰ꓿
Ref – CNN
Photo – Reuters
