ꓟꓬ-ꓟ ꓗꓴꓷꓼ ꓐꓱ ꓶ ꓙ-ꓑ ꓗꓴꓷꓼ ꓙ ꓡꓯ ꓘꓳ ꓝꓲ ꓓꓴ ꓐꓴ ꓐꓰ ꓙꓲꓗꓮ ꓟꓬꓱꓽ ꓬꓰ ꓢꓴ ꓐꓴ ꓔꓬ ꓟ ꓦꓲ ꓗꓪ ꓟꓬ-ꓟ ꓑ ꓫꓬ ꓙꓵꓽ ꓪ ꓦꓴ ꓟꓯꓼ ꓐꓴ ꓓꓵꓽ ꓡ ꓢꓲ꓾ ꓧꓪ ꓟꓰꓹ ꓠꓬꓲ ꓟ ꓬꓰ ꓡ ꓡꓳ ꓐꓰ꓾ ꓙ-ꓑ ꓮ-ꓢ-ꓦꓰꓼ ꓫꓵꓽ ꓓꓳꓽ ꓕꓳ ꓶ ꓗꓪ 7 ꓦ 5 ꓠꓬꓲ ꓕꓯ ꓐꓳ ꓒꓬꓱ ꓩꓴ ꓡ ꓡꓳ=
ꓕꓱ ꓡꓱ ꓗꓴꓷꓼ ꓙ ꓡꓯ ꓘꓳ ꓝꓲ ꓓꓴ (Diplomats) ꓐꓴ ꓔꓬ ꓟ ꓦꓲ ꓐꓰ ꓦ ꓖꓶ ꓓꓴꓽ ꓗꓪ ꓟꓯꓼ ꓓꓵꓽ ꓡꓰ ꓟ ꓠꓬ ꓟꓵꓽ ꓗꓳ ꓓꓵ ꓓꓵ ꓗꓴꓷꓼ ꓙ ꓡꓯ ꓘꓳ ꓚꓱꓹ ꓗꓪ ꓬꓰ ꓟꓽ ꓚꓰꓼ ꓟ ꓥ ꓢꓲ꓾ ꓗꓳꓸ ꓗꓷ ꓟ 4 ꓦ 17 ꓠꓬꓲ ꓕꓯ ꓟꓬ-ꓟ ꓑ ꓫꓬ ꓙꓵꓽ ꓪ ꓦꓴ ꓟꓯꓼ ꓐꓴ ꓡꓰ ꓬꓰ ꓗꓷ ꓟ ꓥ ꓡꓳ꓾ ꓐꓯ ꓡꓳ=
ꓦꓲ ꓗꓳꓹ ꓗꓪ ꓢꓳ ꓕꓴꓽ ꓒꓲꓹ ꓓꓴ ꓒꓬꓹ ꓗꓷ ꓢꓲ꓾ ꓧꓪ ꓟꓰꓹ ꓠꓬꓲ ꓟ ꓬꓰ ꓡ ꓡꓳ꓾ ꓐꓰ ꓮ-ꓢ-ꓦꓰꓼ ꓫꓵꓽ ꓓꓳ ꓗꓪ ꓐꓯ ꓟꓳꓸ ꓖꓶ ꓔ ꓡꓳ= ꓕꓱ ꓡꓱ ꓬꓰ ꓡ ꓟ ꓔꓯ ꓗꓳꓸ ꓙꓲꓽ ꓙꓳ ꓢꓲ꓾ ꓙ-ꓑ ꓗꓴꓷꓼ ꓙ ꓡꓯ ꓘꓳ ꓝꓲ ꓓꓴ ꓬꓳꓹ ꓦꓲ ꓗꓪ ꓐꓰ “ꓕꓱ ꓟ ꓬꓰ ꓙꓲꓽ ꓟꓽ ꓙꓳ꓾ ꓗꓴꓷꓼ ꓛꓳ ꓗꓴꓷꓼ ꓙ ꓡꓯ ꓘꓳ ꓚꓱꓹ ꓙ ꓟꓳ ꓘꓶꓽ ꓔꓯ ꓒꓬꓹ ꓩꓴ ꓡ ꓟ ꓥ ꓡꓳ꓾ ꓥꓪ ꓠꓴ ꓟꓽ ꓠꓲꓹ ꓒꓴ” ꓐꓰ ꓟꓬ-ꓟ ꓟꓯꓼ ꓜꓲꓽ ꓐꓴ ꓔꓯ ꓐꓯ ꓖꓶ ꓗꓷꓳ꓾ ꓐꓰ ꓮ-ꓢ-ꓦꓰꓼ ꓫꓵꓽ ꓓꓳꓽ ꓗꓪ ꓐꓯ ꓔ ꓡꓳ=
source link
