ꓙ-ꓑ ꓗꓴꓷꓼ ꓟꓬꓱꓽ ꓢꓲꓽ ꓒꓽ ꓓꓽ ꓟ ꓫꓴ-ꓖ ꓬꓳ-ꓫꓲ-ꓦ (Suga Yoshihide) ꓠꓬ ꓟꓬꓱꓽ ꓗꓪ ꓐꓰ ꓓꓳ ꓙꓰ ꓓꓴ ꓥꓳ ꓐꓰ ꓠꓬꓲꓸ ꓠꓬꓲ 2021 ꓘꓳꓼ 9 ꓦ 3 ꓠꓬꓲ ꓗꓪ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓮꓽ ꓠꓲꓹ 9 ꓦ ꓕꓯ ꓫꓲ-ꓜꓳ-ꓮ-ꓐꓯ (Shinzo Abe) ꓖꓳ ꓓꓱꓽ ꓔꓬ ꓟꓽ ꓢ ꓠꓬꓲ ꓓꓳ ꓙꓰ ꓗꓸ ꓠꓯꓸ ꓫꓴ-ꓖ ꓠꓬ ꓙ-ꓑ ꓗꓴꓷꓼ ꓟꓬꓱꓽ ꓢꓲꓽ ꓒꓽ ꓓꓽ ꓟ ꓒꓬꓱꓼ ꓡ ꓟ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓚꓳꓦꓲꓓ-19 ꓑꓶꓸ ꓓꓴ ꓬꓲ ꓔꓯ ꓑ ꓫꓬ ꓠꓲꓹ ꓠꓵ ꓔꓳꓹ ꓙ ꓟ ꓞꓰ ꓡꓰ ꓟ ꓥ ꓡꓳ꓿
ꓮ ꓟꓶ 9 ꓦ 29 ꓠꓬꓲ ꓗꓪ ꓬꓲꓸ ꓪ ꓑ-ꓔꓲ ꓘꓴꓽ ꓗꓪ ꓟꓬꓱꓽ ꓕꓱ ꓟ ꓗꓪ ꓬꓰ ꓠꓹ ꓟ ꓞꓳ ꓤ ꓢꓲꓻ ꓣꓴ ꓓꓴ ꓙꓳ ꓡꓳ꓿ ꓖꓳ ꓕꓲ ꓠꓬꓲ ꓗꓪ ꓛꓲ ꓬꓲ ꓟꓬꓱꓽ ꓬꓰ ꓠ ꓔꓸ ꓢꓰ ꓡꓳ꓿
ꓪꓴꓽ ꓟꓴ ꓟ ꓐꓰ꓾ ꓑ ꓫꓬ ꓙꓵꓽ ꓪ ꓙꓳ ꓟ ꓗꓴꓷꓼ ꓗꓪ ꓠꓬ ꓑ ꓫꓬ ꓟꓽ ꓠꓵ ꓟ ꓬꓲꓸ ꓒꓬꓱꓽ ꓮ ꓔꓲꓸ ꓤꓼ ꓟꓳꓸ ꓖꓶ ꓡ ꓠꓬ ꓟꓬꓱꓽ ꓙꓵꓽ ꓪ ꓙꓳ ꓢꓴ ꓐꓴ ꓫꓸ ꓔꓳ ꓗꓴꓸ ꓢꓲꓸ ꓟꓬꓱꓽ ꓠꓬꓲꓺ ꓖꓴ ꓗꓪ ꓐꓰ ꓓꓳ ꓙꓰ ꓗꓴ ꓡꓳ꓿
