ꓟꓬ-ꓟ ꓗꓴꓷꓼ ꓮ ꓔꓳꓸ ꓙꓼ ꓢꓯꓼ ꓟꓳ ꓓꓳ (electric cars) 12 ꓫꓵꓽ ꓔꓯ ꓪꓴꓻ ꓢꓴ ꓐꓴ ꓠꓬ ꓬꓲꓸ ꓫꓴ ꓕꓲꓽ ꓒꓯꓼ ꓡꓲꓸ ꓐꓶ ꓟꓽ ꓛꓲꓳ ꓐꓰ ꓟꓬ-ꓟ ꓟꓯꓼ ꓗꓳ-ꓢꓰ ꓡꓰ 2022 ꓘꓳꓼ 11 ꓦ 2 ꓠꓬꓲ ꓕꓯꓽ ꓕꓳꓽ ꓶ ꓓꓳ ꓩꓴ ꓡ ꓡꓳ꓿
ꓟꓯꓼ ꓗꓳ-ꓢꓰ ꓢꓽ ꓡ ꓙꓵꓽ ꓢꓴ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓠꓬ ꓙꓵꓽ ꓪ ꓣꓴ ꓙꓰ ꓗꓷ ꓔꓸ ꓑꓳꓸ ꓮ ꓕꓽ ꓕꓱ ꓕꓱ꓾ ꓮ ꓔꓳꓸ ꓙꓼ ꓢꓯꓼ ꓟꓳ-ꓓꓳ꓾ ꓟꓯꓹ ꓕꓸ ꓣꓱꓽ ꓠꓹ ꓟ ꓚꓱꓹ ꓕꓱ ꓔꓬ ꓟ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓗꓴꓷꓼ ꓘꓴꓽ ꓗꓪ ꓮ ꓔꓳꓸ 24 ꓙꓵꓹ ꓖꓶꓽ ꓟꓽ ꓐ ꓡ ꓠꓬꓲ꓾ ꓝꓮꓲ ꓙꓼ ꓧꓪ ꓞꓶ ꓒꓵꓽ ꓠꓯꓸ ꓔꓬ ꓠꓬꓲ꓾ ꓮ ꓔꓳꓸ ꓙꓼ ꓢꓯꓼ ꓟꓳ ꓓꓳ ꓠꓬ ꓗꓸ ꓟꓽ ꓘꓳꓽ ꓡ ꓐꓰ ꓓꓵꓽ ꓙ ꓔꓬ ꓢꓴ ꓟꓬꓽ ꓡꓳ꓿
“ꓮ ꓔꓳꓸ ꓙꓼ ꓟ ꓒꓴ ꓢꓲꓸ ꓬꓲꓸ ꓢꓯꓼ ꓗꓶ ꓢꓲꓸ ꓫꓵꓸ ꓗꓹ ꓠꓯꓸ” ꓐꓰ ꓫꓸ ꓝꓲꓸ ꓘꓶꓽ ꓕꓱꓻ ꓢꓴˍ ꓟꓲ ꓙꓳ ꓡꓳ꓿
ꓖꓳ ꓡꓱ ꓥ ꓟꓲ ꓑ ꓫꓬ ꓕꓲꓽ ꓐꓱ ꓠꓬ꓾ ꓟꓳ ꓓꓳ ꓒꓵꓽ ꓞꓰ ꓡ ꓥꓳ꓾ ꓐꓰꓥꓳ ꓡꓳꓸ ꓢꓴˍ ꓟꓲ ꓙꓳ ꓡꓳ꓿
