“ꓛꓴꓽ ꓙꓳ ꓢꓴ ꓔꓯ ꓠꓲꓹ ꓠꓵ= ꓠꓬꓲꓸ ꓤꓲ ꓢꓴ ꓐꓴ ꓐꓱ ꓶ ꓪ ꓘꓴ ꓙ” ꓐꓰ ꓢꓲꓺ ꓒ ꓡꓰ ꓟꓸ ꓖꓶ ꓔꓸ ꓟ ꓡꓰ ꓐꓰ꓾ ꓟꓬ-ꓟ ꓗꓴꓷꓼ ꓟꓯꓼ ꓜꓲꓽ ꓐꓴ ꓐꓱ ꓶ ꓪ ꓘꓴ ꓙ ꓐꓰ꓾ ꓗ-ꓔꓳ-ꓡꓲꓼ ꓔꓲꓺ ꓒꓽ ꓛꓸ-ꓢꓲ-ꓟꓮꓳ-ꓐꓳ ꓡꓰ ꓢꓯꓼ ꓖꓶ ꓡꓳ=
“60 ꓘꓳꓼ ꓟꓽ ꓞꓲ ꓢꓰꓼ ꓡꓯ ꓘꓳ ꓔꓬ ꓟ ꓗꓴꓷꓼ ꓗꓪ ꓦꓵ ꓪꓴꓽ ꓡ ꓢꓴ ꓥꓪ ꓚꓲ ꓛꓬ ꓢꓯꓼ ꓖꓶ ꓠꓲꓹ ꓫꓵ ꓟ ꓠꓬ꓾ ꓟꓯꓼ ꓜꓲꓽ ꓐꓴ ꓐꓱ ꓶ ꓪ ꓘꓴ ꓙ= ꓡꓽ ꓛꓴꓸ ꓙꓵꓽ ꓪ ꓔꓯ ꓕꓽ ꓧꓪ= ꓞꓳ ꓤ ꓡꓰ ꓐꓰ ꓟꓽ ꓬꓰ ꓢꓴ ꓐꓴ ꓔꓯ ꓠꓵ ꓠꓲꓹ ꓟꓳꓸ ꓖꓶ ꓢꓰ= ꓕꓱ ꓡꓱ ꓬꓰ ꓠꓬ ꓧꓪꓸ ꓡꓰ ꓓꓴ ꓓꓽ ꓟ ꓕꓲ ꓟ ꓥꓳ= ꓕꓱ ꓡꓱ ꓪ ꓘꓴ ꓙ ꓠꓬ ꓬꓲꓸ ꓪ ꓠꓲꓹ ꓟ ꓬꓲꓸ ꓬꓲ ꓙꓲꓺ ꓡ ꓢꓲ꓾ ꓓꓵꓽ ꓙ ꓡꓰꓼ ꓡ ꓥꓳ= ꓛꓴꓽ ꓙꓳ ꓢꓴ ꓗꓴꓷꓼ ꓔꓯ ꓔꓳꓹ ꓡꓯ ꓘꓳ ꓔꓬ ꓟ ꓟꓽ ꓥ ꓐꓶ= ꓚꓲ ꓛꓬ ꓔꓱꓹ ꓚꓲ ꓛꓬ꓾ ꓚꓲꓸ ꓛꓬ ꓑ ꓫꓬ ꓔꓯ ꓢꓰꓼ ꓔꓬ ꓟ ꓥ ꓐꓶ ꓐꓰ ꓬꓲꓸ ꓪ ꓓꓵꓽ ꓙ ꓛꓲ ꓡ ꓥꓳ= ꓪ ꓘꓴ ꓢꓯꓼ ꓗꓪ ꓐꓰ ꓠꓲꓹ ꓟ ꓔꓯ ꓡꓶꓸ ꓑ ꓙꓰ ꓝꓲ ꓢꓲ꓾ ꓮ ꓙꓵꓽ ꓢꓴ ꓠꓬ ꓮ ꓬꓲꓼ ꓠꓬꓲ ꓤ ꓒꓬꓱꓼ ꓡ ꓐ ꓡ ꓡꓳ= ꓦ ꓡꓱ ꓚꓱꓹ ꓠꓬ ꓗꓹ ꓛꓲ ꓟ ꓦꓬꓼ ꓠꓬꓲ ꓐꓱ ꓶ ꓡꓰ ꓟꓽ ꓥ= ꓫꓸ ꓙꓵ ꓟ ꓦꓬꓼ ꓠꓬꓲ ꓐꓰ꓾ ꓥꓳ ꓡꓳꓸ ꓓꓴ ꓟꓽ ꓙꓳ ꓟ ꓡꓰ ꓐꓰ ꓗꓹ ꓟ ꓦꓬꓼ ꓠꓬꓲ ꓐꓱ ꓶ ꓥ ꓟꓲ ꓥ ꓡꓳ” ꓐꓰ ꓢꓯꓼ ꓖꓶ ꓩꓴ ꓡ ꓡꓳ=
ꓓꓳꓽ ꓬꓲꓸ ꓚꓰꓺ꓾ Cruxꓸ As violence escalates, Myanmar cardinal urges prayer for coup leaders
