ꓗ-ꓬꓲ ꓑꓳꓺ ꓔꓯꓹ ꓟꓯꓼ ꓐꓴ ꓔꓺ ꓡꓯ ꓘꓳ ꓢꓲ꓾ ꓗ-ꓬꓲ ꓠꓯ ꓞꓲꓼ ꓢꓳ ꓦꓲ (Karen Medical College) ꓔꓶ ꓪꓴꓸ ꓔꓴ ꓓꓴ ꓥꓳ ꓐꓰ ꓓꓳꓽ ꓑ ꓙ ꓡ ꓡꓳ꓿
ꓠꓯ ꓞꓲꓼ ꓢꓲ ꓒ ꓕꓲ ꓣꓳ ꓒꓬꓱꓼ ꓡ ꓠꓹ ꓟ ꓬꓲꓸ ꓪꓴꓸ ꓔꓲ ꓝꓸ ꓠꓬ 7 ꓘꓳꓼ ꓢꓳ ꓠ ꓗꓹ ꓥ ꓟꓲ꓾ ꓮ ꓟꓶ ꓕꓱ ꓗꓪ ꓠꓬ 5 ꓘꓳꓼ ꓢꓳ ꓓꓴ ꓥꓳ꓿ ꓡꓲ ꓛꓲ ꓟꓵꓽ ꓗ-ꓬꓲ ꓔꓬ ꓟ ꓘꓹ ꓗꓪ ꓔꓬ ꓐ ꓡ ꓢꓴ꓾ ꓬꓲꓸ ꓞꓲꓼ 16-22 ꓙꓳ ꓢꓴ꓾ ꓠꓯ ꓞꓲꓼ ꓟꓬꓱꓽ ꓗꓪ ꓠꓲꓹ ꓡꓱ ꓢꓴ ꓔꓯ ꓢꓳ ꓝꓲ ꓓꓴ ꓥꓳ ꓐꓯ ꓡꓳ꓿
ꓟꓬ-ꓟ ꓞꓳ ꓫꓵꓽ ꓐꓴ ꓑꓳꓺ ꓔꓯꓹ ꓢꓴ ꓐꓴ ꓥ ꓟꓲ ꓟꓯꓼ ꓢꓰꓼ ꓡꓯ ꓘꓳ ꓟ ꓡꓰꓽ ꓟꓽ ꓞꓲ꓾ ꓕꓱ ꓡꓱꓳ ꓫꓵꓽ ꓪꓴ ꓟꓴ ꓡ ꓚꓱꓹ ꓓꓵ ꓙ ꓬꓰ ꓓꓳ ꓡ ꓔꓬ ꓡꓳ꓿
ꓗ-ꓛꓲ ꓟꓵꓽ ꓗꓪ ꓠꓬ꓾ ꓗꓲꓳ/ꓗꓲꓮ ꓡꓰ ꓧꓳꓽ ꓪꓴꓸ ꓟꓴ ꓢꓲ꓾ ꓝꓯꓸꓼꓓ-ꓬꓯ ꓟꓴ ꓕꓲꓸ ꓢꓳ ꓦꓲ꓾ ꓪꓴꓽ ꓟꓴ ꓡ ꓚꓱꓹ ꓢꓷꓸ ꓠꓲꓹ ꓚꓱꓹ꓾ ꓠꓯ ꓞꓲꓼ ꓟꓬꓱꓽ ꓬꓰ ꓚꓱꓹ꓾ ꓶ ꓡꓯꓼ ꓬꓰ ꓚꓱꓹ ꓕꓱ ꓡꓱꓳ ꓫꓵꓽ ꓔꓯ ꓟꓮꓲ-ꓙ-ꓬ ꓗꓪ ꓟꓸ ꓖꓶ ꓔꓬ ꓡꓳ꓿
ꓢꓳꓴꓣꓚꓰ: ꓗꓡꓳ ꓝꓟ
