ꓗ-ꓬꓲ~ꓟꓳꓠ ꓟ ꓕꓲ ꓣꓳ Miss Indiana Teen USA 2022 ꓪ ꓬꓰꓳ꓾ ꓫꓸ ꓙꓵ ꓔꓬ ꓟ ꓟꓬ-ꓟ ꓑ ꓫꓬ ꓟꓸ ꓟꓲꓽ ꓢꓴ ꓙ ꓟꓴ ꓙ ꓗꓷꓳ

ꓗ-ꓬꓲ ~ ꓟꓳꓠ ꓫꓵꓽ 16 ꓘꓳꓼ ꓟꓶꓼ ꓡꓯꓸ ꓗꓯ-ꓗꓯ ꓗꓳ-ꓗꓳ-ꓠꓮꓲꓽ ꓠꓬ ꓐꓲ ꓔꓯꓺ ꓡꓯ ꓘꓳ ꓑꓮꓲ ꓗꓪ Miss Indiana Teen USA 2022 ꓡꓯꓼ ꓫꓴ ꓪ ꓬꓰꓳ꓿

2022 ꓘꓳꓼ 4 ꓦ 9-10 ꓠꓬꓲ ꓕꓯꓽ ꓴꓢꓮ Indiana ꓟꓵꓽ ꓫꓴ ꓗꓪ ꓬꓰˍ ꓟ ꓐꓲꓻ ꓔꓯꓺ ꓡꓯ ꓘꓳ ꓢꓴ 22 ꓣꓳ ꓗꓪ ꓐꓰ ꓧꓪꓸ ꓡꓰ ꓢꓴ ꓥ ꓡꓳ꓿

ꓬꓲꓸ ꓫꓸ ꓕꓱˍ ꓟ ꓗꓪ ꓟꓬ-ꓟ ꓑ ꓫꓬ ꓐꓴ ꓟꓸ ꓟꓲꓽ ꓡ ꓞꓳ ꓮ ꓟꓬꓹ ꓢꓷꓸ ꓡꓰ ꓠꓹ ꓟ ꓫꓸ ꓕꓱ ꓗꓷꓳ꓿

“ꓟꓬ-ꓟ ꓗꓴꓷꓼ ꓗꓪ ꓑ ꓫꓬ ꓐꓴ ꓠꓬ ꓥꓶꓸˍ ꓟ ꓟꓯꓼ ꓡꓯꓼ ꓛꓲ ꓗꓪ ꓫꓸ ꓙꓵ ꓔꓬ ꓡꓳ꓿ ꓙꓳꓥꓽ ꓢꓳ ꓠ ꓔꓸ ꓢꓴ ꓞꓳ ꓡꓯꓸ ꓐꓴ ꓠꓬ ꓟꓯꓼ ꓛꓰꓹ ꓔꓬ꓾ ꓟꓯꓼ ꓔꓯ ꓔꓳꓹ ꓡꓯ ꓘꓳ ꓔꓬ ꓡꓳ” ꓐꓰ ꓬꓲꓸ ꓡꓯꓼ ꓫꓴ ꓣꓴˍ ꓟ ꓗꓪ ꓐꓯˍ ꓡꓳ꓿

ꓬꓲ ꓠꓬ Indiana Fort Wayne ꓗꓪ ꓟꓬ-ꓟ ꓗꓪ ꓐꓰ ꓬꓯꓼ ꓐꓯꓽ ꓚꓲꓸ ꓡ ꓢꓴ꓾ ꓗ-ꓬꓲ ꓞꓳ ꓫꓵꓽ ꓢꓳꓸ-ꓗꓳ-ꓗꓳ- ꓠꓮꓲꓽ ꓐꓰ꓾ ꓟꓳ ꓞꓳ ꓫꓵꓽ ꓟꓲꓼ- ꓟꓳ-ꓚꓳꓽ ꓐꓴ ꓤ ꓟꓶꓼ ꓥ ꓡꓳ꓿ 1988 ꓘꓳꓼ ꓗꓪ ꓟꓯꓼ ꓔꓯ ꓒꓳꓹ ꓔꓳꓹ ꓗꓷ ꓢꓴ ꓐꓴ ꓤ ꓠꓱ ꓕꓲ ꓣꓳ ꓥ ꓡꓳ꓿

ꓮ ꓠꓲꓹ 2020 ꓘꓳꓼ ꓗꓪ ꓥ ꓟꓲ Miss Allen County Teen USA ꓪ ꓢꓲ꓾ ꓞꓳ ꓤ ꓔꓯ ꓬꓰ ꓙ ꓔꓳꓹ ꓙ ꓫꓱꓸ ꓤꓼ ꓟꓬꓱꓽ ꓬꓰ ꓔꓬ ꓢꓴ ꓥ ꓡꓳ꓿

ꓬꓲꓸ ꓚꓰ꓾https://lm.facebook.com/l.php?u=https%3A%2F%2Fworld360news.com%2Fen%2Fkk-kokonaing-crowned-miss-indiana-teen-usa-2022&h=AT24qeyZtxO-YI9auVPfd9x_IP9VQfzaMQKZhw4d_wVaUt0SYQ3Dyhf6rPYyg55j8HWVpk06509CnRL1fZqcFISiGEWytWKwDKHDVqy4EVH6l7DJYZi4vhuxLh3-raYCjcv4

Share on Facebook

Tweet

Follow us