ꓗ-ꓬꓲ ꓟꓵꓽ꓾ ꓗꓳꓼ-ꓗ-ꓣꓲꓼ ꓟꓯꓼ ꓘꓰꓹ ꓢꓴ ꓐꓴ ꓐꓶꓽ ꓚꓱꓸ ꓡꓱꓸ ꓖꓼ ꓣꓴ ꓢꓲꓸ ꓪꓴꓽ ꓜ ꓚꓱꓹ ꓶ ꓡꓯꓼ ꓬꓰ ꓙꓲ ꓔꓬ ꓡꓳ꓾ ꓐꓰ ꓗꓲꓚ ꓡꓰ ꓓꓳꓽ ꓐꓳˍ ꓡꓳ꓿
“ꓧꓶꓸ ꓕꓯꓽ ꓠꓽ ꓦꓲ ꓗꓪ ꓡꓱ ꓜꓽ ꓗꓹ ꓓꓴ꓾ ꓡꓹ ꓜꓶꓼ ꓔꓲꓸ ꓜꓽ ꓓꓴ ꓮ ꓔꓲꓸ ꓔꓲꓸ ꓣꓴ ꓗꓹ ꓔꓸꓳ ꓫꓵꓽ꓾ ꓮ ꓟꓶ ꓠꓽ ꓡꓳ ꓒꓱ ꓗꓪ ꓚꓳꓸ ꓪꓴꓻ ꓠꓲꓹ ꓫꓵ ꓢꓴ ꓟꓬꓽ ꓡ ꓢꓲ꓾ ꓐꓶꓽ ꓗꓴꓷꓼ ꓗꓪ ꓡꓲꓸ ꓪꓴꓽ ꓪ ꓓ ꓬꓰꓳ꓿ ꓕꓲ ꓟꓶ ꓘꓶꓼ ꓣꓴ ꓕꓽ 10,000 ꓒꓯꓼ ꓪ ꓓ ꓥ” ꓐꓰ ꓐꓶ ꓚꓱꓸ ꓡꓱꓸ ꓖꓳꓻ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓟꓶ ꓘꓶꓼ ꓕꓯꓽ ꓟꓵꓽ ꓓꓰ ꓗꓪ ꓮ ꓔꓳꓸ ꓠꓬ ꓢꓲꓸ ꓳꓸ ꓗꓪ ꓐꓶ ꓚꓱꓸ ꓡꓱꓸ ꓪꓱꓻ ꓡ ꓝꓲ ꓡꓳ꓿ ꓖꓳ ꓟ ꓔꓯ ꓓꓽ ꓓꓴ (ꓟꓳꓹ ꓖꓽ) ꓗꓪ ꓐꓰ ꓓꓽ ꓫꓺ ꓡꓳ꓿
ꓗꓴꓷꓼ ꓘꓴꓽ ꓠꓯꓼ ꓗꓪ ꓕꓲ ꓟ 30 ꓒꓯꓼ꓾ 100 ꓟ 3000 ꓒꓯꓼ ꓪꓴꓽ ꓪ ꓔꓬ ꓡꓳ꓿ ꓪꓽ ꓘꓴꓸ ꓘꓹ ꓩꓴ ꓢꓲꓸ ꓕꓮꓲꓹ ꓗꓴꓷꓼ ꓐ-ꓗꓳꓼ ꓗꓪ ꓔꓯꓹ ꓛꓲ ꓬꓰˍ ꓠꓬ꓾ 1 ꓗꓖ 300-500 ꓐꓼ (16000 – 26000 ꓒꓯꓼ ꓛꓲ) ꓪꓴꓽ ꓪ ꓔꓬ ꓡꓳ꓿
ꓬꓲꓸ ꓚꓰ꓾ ꓗꓲꓚ
