ꓗ-ꓡꓯꓹ ꓡꓳ ꓒꓱ꓾ ꓔ-ꓦꓸ ꓗꓪ 2022 ꓘꓳꓼ 5 ꓦ 28 ꓠꓬꓲ ꓟꓶ ꓘꓶꓼ 8:30 ꓗꓪ ꓟꓬ-ꓟ ꓟꓯꓼ ꓡꓰ ꓡꓽ ꓛꓴꓸ ꓒꓽ ꓐꓶ ꓩꓴ ꓡ ꓢꓲꓸ ꓦꓲ ꓗꓪ ꓔꓬ ꓢꓴ 3 ꓣꓳ ꓫꓵꓻ꓾ 2 ꓣꓳ ꓠꓻ ꓓꓴ ꓬꓰꓳ ꓐꓯ ꓡꓳ꓿
ꓫꓵꓻ ꓢꓴ ꓠꓬ ꓤꓽ 1 ꓣꓳ꓾ ꓟꓶꓼ 2 ꓣꓳ ꓥ ꓡꓳ꓾ ꓐꓯ ꓡꓳ꓿ ꓠꓰ-ꓠꓰ-ꓯꓸ ꓐꓰ꓾ ꓐꓳꓹ-ꓟꓬꓼ-ꓔꓴ ꓐꓴ ꓠꓬ ꓬꓲꓸ ꓟ ꓬꓲꓸ ꓤꓽ ꓥ ꓢꓲꓸ ꓦꓲ ꓗꓪ ꓐꓶ ꓢꓰꓼ ꓡ ꓟ ꓥꓳ ꓐꓯ ꓡꓳ꓿
“ꓐꓳꓽ ꓡ ꓛꓴꓸ ꓒꓽ 60 ꓟꓟ ꓟ ꓠꓰ ꓐꓶ ꓡ ꓪ꓿ ꓐꓳꓹ-ꓟꓬꓼ-ꓳꓸ ꓠꓽ ꓠꓲꓹ ꓟ ꓠꓬꓲꓽ ꓐꓶ ꓬꓲꓸ ꓥꓯꓻ ꓦꓱꓹ ꓬꓰꓳ꓿ ꓤ ꓟꓶꓼ ꓠꓬꓲꓽ ꓣꓳ ꓟ ꓠꓽ ꓠꓯ ꓞꓲꓼ ꓦꓲ ꓗꓪ ꓧꓳꓽ ꓛꓲ ꓕꓯꓽ ꓫꓵꓻꓳ꓿ ꓕꓲ ꓣꓳ ꓠꓽ ꓠꓰ ꓠꓸ ꓐꓳ ꓓꓴꓽ ꓬꓰ꓾ꓠꓱꓸ ꓐꓯꓼ ꓕꓲ ꓣꓳ ꓠꓽ ꓠꓰ ꓡꓯ ꓒꓯꓹ ꓐꓰ ꓛꓲ ꓝꓲꓸ ꓗꓪ ꓠꓻ ꓓꓴ ꓡꓰꓳ” ꓐꓰ ꓠꓰ-ꓠꓰ-ꓯꓸ ꓫꓵꓽ ꓪꓳꓼ ꓕꓲ ꓣꓳ ꓡꓰ ꓐꓯ ꓡꓳ꓿
ꓟꓯꓼ ꓢꓰꓼ ꓡꓯ ꓘꓳ ꓔꓬ ꓟ ꓟꓵꓽ ꓗꓪ ꓠꓬ ꓦꓲ ꓗꓪˍ ꓟꓲ ꓔꓬ ꓟꓽ ꓙꓲ꓾ ꓟꓯꓼ ꓘꓰꓹ ꓥ ꓟꓲ ꓮ ꓘꓶꓸ ꓫꓸ ꓓꓴ ꓔꓳꓹ ꓜꓳ ꓔꓬ ꓡꓳ꓿
ꓓꓳꓽ ꓐꓰ ꓐꓬꓱꓽ꓾ ꓚꓙ
