ꓮ ꓡ ꓕꓲꓽ ꓘꓳꓼ ꓛꓲ ꓑꓲꓸ ꓔꓸ ꓟ ꓗ-ꓛꓲ ꓟꓵꓽ ꓐꓰ ꓧꓶꓽ ꓗꓴꓷꓼ ꓟꓵꓽ ꓫꓸ ꓗꓺ ꓒꓰꓼ ꓔꓯ 2025 ꓘꓳꓼ 10 ꓦ 25 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓧꓶ ꓒ ꓡꓰ ꓒꓴ ꓩꓴ ꓡ ꓡꓳ꓿
ꓕꓱ ꓡꓱ ꓒꓴ ꓡ ꓠꓹ ꓟ ꓠꓬꓲꓽ ꓛꓱꓽ ꓡꓱꓸꓼ ꓟꓽ ꓠꓽ ꓠꓽ ꓖꓪ ꓙꓱ ꓡꓯ ꓘꓳ ꓗꓷ ꓟ ꓥ ꓢꓲ꓾ ꓮ ꓟꓶ ꓠꓬ ꓶ ꓤ ꓶ ꓟꓲ ꓮ ꓡꓲ ꓠꓲꓹ ꓫꓵ ꓖꓳ ꓡꓱ ꓠꓬ ꓚꓰꓹ ꓓꓵꓽ ꓟꓽ ꓙꓲ ꓢꓰꓽ ꓐꓯ ꓡꓳ꓿
“ꓧꓶꓽ ꓒ ꓥ ꓟꓲ ꓕꓱ ꓗꓪ ꓐꓰ ꓶ ꓤ ꓶ ꓟꓲ ꓚꓰꓹ ꓓꓳ ꓙꓰ ꓥꓳ꓿ ꓗ-ꓛꓲ ꓑ ꓫꓬ ꓐꓴ ꓐꓱ ꓶ ꓠꓬ ꓧꓶꓽ ꓗꓴꓷꓼ ꓗꓪ ꓐꓰ ꓜꓽ ꓓꓴ ꓓꓳ ꓓꓴ ꓶ ꓤ ꓶ ꓟꓲ ꓠꓬ ꓚꓰꓹ ꓓꓵꓽ ꓡ ꓓ ꓡꓳ꓾ ꓙꓼ ꓶ ꓤ ꓶ ꓟꓲ ꓠꓬ ꓚꓰꓹ ꓓꓵꓽ ꓟꓽ ꓓꓽ ꓢꓰ꓾” ꓐꓰ ꓢꓷꓸ ꓢꓴ ꓡꓰ ꓐꓯ ꓡꓳ꓿
ꓡꓮꓲ-ꓜ꓾ ꓟꓮꓲ-ꓙ-ꓬ꓾ ꓗ-ꓑ-ꓔꓲ꓾ ꓡꓱ-ꓙꓬ꓾ ꓟ-ꓪꓰꓹ-ꓙꓲꓸ꓾ ꓑ-ꓪ꓾ ꓒꓲ-ꓟꓳ ꓕꓱ ꓟꓬ ꓟ ꓟꓵꓽ ꓫꓸ ꓗꓺ ꓘꓶꓽ ꓔꓯ ꓒꓴ ꓩꓴ ꓡ ꓟ ꓥ ꓡꓳ꓿
