2019 ꓘꓳꓼ 2 ꓦ 12 ꓠꓬꓲ꓾ ꓗ-ꓛꓲ ꓞꓳ ꓫꓵꓽ ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓗꓪ ꓖꓪ ꓙꓱ ꓧꓳꓹ ꓡꓰ ꓟ ꓗ-ꓛꓲ ꓗꓴꓷꓼ ꓫꓬꓹ ꓜꓶ ꓠꓹ ꓟ ꓙ ꓖꓴ ꓔꓯ ꓡꓯꓼ ꓕꓲ ꓣꓱꓽ ꓬꓰ ꓐ ꓡ ꓠꓹ ꓟ ꓐꓱ ꓶ ꓗ-ꓛꓲ ꓞꓳ ꓫꓵꓽ ꓐꓴ ꓜꓴ ꓓꓽ ꓟ (ꓗꓠꓳ) ꓡꓰ ꓧꓳꓽ ꓪꓴꓸ ꓟꓴ ꓢꓲ꓾ ꓗ-ꓛꓲ ꓟꓯꓼ ꓜꓴ ꓓꓽ ꓟ 108 ꓔꓯ ꓒꓴ ꓪꓴꓸ ꓔꓴ ꓗꓷꓳ ꓐꓰ꓾ 2021 ꓘꓳꓼ 6 ꓦ 12 ꓕꓯ ꓐꓯ ꓒꓬꓱ ꓩꓴ ꓡ ꓡꓳ=
ꓥꓪ ꓠꓴ ꓗ-ꓛꓲ ꓫꓵꓽ ꓐꓴ ꓡꓲꓹ ꓙꓰ ꓟꓶ ꓟ ꓡꓰ ꓐꓰ ꓟꓬ-ꓟ ꓗꓴꓷꓼ ꓗꓪ ꓔꓬ ꓟ ꓠꓱꓸ ꓐꓯꓼ ꓞꓳ ꓫꓵ ꓐꓴ ꓗ-ꓬꓲ-ꓠꓲ꓾ ꓗ-ꓬꓲ꓾ ꓟꓳ꓾ ꓣ-ꓗꓮꓲ꓾ ꓫꓸ (ꓮ-ꓢ) ꓐꓰ꓾ ꓛꓰꓸ ꓒꓽ ꓐꓴ ꓥ ꓟꓲ ꓡꓲꓹ ꓗꓷ ꓠꓹ ꓟ ꓥ ꓢꓲ꓾ ꓗꓲꓳ/ꓗꓲꓮ ꓐꓰ ꓕꓲ ꓛꓳ ꓟꓬꓱꓽ ꓬꓰ ꓙꓰ ꓓꓴ ꓥꓳ ꓐꓰ꓾ ꓐꓯ ꓒꓬꓱ ꓕꓳ ꓶ ꓗꓪ ꓐꓳ ꓔꓸ ꓡꓳ=
ꓫꓸ (ꓮ-ꓢ) ꓟꓵꓽ꓾ ꓟꓳ-ꓗꓳꓸ ꓡꓳ ꓒꓱ꓾ ꓒꓽꓳ- ꓢꓮꓲ ꓟꓵꓽ ꓗꓪ ꓟꓯꓼ ꓒꓴ ꓪꓴꓸ ꓔꓴ ꓗꓷ ꓟ ꓗ-ꓛꓲ ꓟꓯꓼ ꓜꓴ ꓓꓽ ꓟ (108) ꓔꓯ ꓗꓲꓮ/ꓗꓲꓳ ꓡꓰ ꓘꓳ ꓣꓴ ꓟꓽ ꓐ ꓡ ꓐꓰ ꓗꓳꓸ ꓗꓷ ꓟ 6 ꓦ 9 ꓠꓬꓲ ꓕꓯ ꓕꓳ ꓶ ꓐꓳ ꓒꓬꓱ ꓔꓸ ꓡꓳ= ꓗ-ꓛꓲ ꓟꓵꓽ ꓗꓪ ꓠꓱꓸ ꓐꓯꓼ ꓑꓳ ꓔꓯꓹ ꓟꓯꓼ ꓕꓲ ꓜꓴ ꓜꓴ ꓓꓳ ꓡ ꓝꓲ ꓠꓲꓹ ꓟꓽ ꓫꓵ꓾ ꓠꓴ ꓪ ꓔꓺ ꓡ ꓠꓲꓹ ꓫꓵ ꓠꓬ ꓗꓲꓳ/ꓗꓲꓮ ꓔꓯ ꓔꓺ ꓡ ꓛꓲ ꓡꓳ ꓐꓰ ꓐꓳ ꓩꓴ ꓡ ꓟ ꓥ ꓡꓳ=
ꓗ-ꓛꓲ ꓞꓳ ꓫꓵꓽ ꓐꓴ ꓜꓴ ꓓꓽ ꓟ (Kachin National Organization) ꓔꓯ 1999 ꓘꓳꓼ ꓕꓯ ꓐꓶꓽ ꓒꓽ ꓗꓴꓷꓼ ꓗꓪ ꓒꓴ ꓪꓴꓸ ꓔꓴ ꓗꓷ ꓢꓲ꓾ ꓠꓬꓲꓸ ꓠꓬꓲ ꓠꓬ ꓑꓳ ꓔꓯꓹ ꓢꓲꓸ ꓢꓯꓼ ꓕꓵꓼ ꓡ ꓟ ꓗ-ꓛꓲ ꓞꓳ ꓫꓵꓽ ꓜꓴ ꓕꓲ ꓜꓴ ꓥ ꓡꓳ=
