ꓗꓴꓷꓼ ꓜꓴ ꓖꓪ ꓙꓱ ꓜꓲꓼ ꓓꓴ ꓗꓪ ꓟꓬ-ꓟ ꓗꓴꓷꓼ ꓟꓸ ꓟꓲ ꓖꓪ ꓙꓱ ꓟ ꓔꓯ ꓟꓬ-ꓟ ꓟꓯꓼ ꓐꓴ ꓗꓸ ꓗꓪꓯꓼ (ꓒꓳꓹ ꓔꓳꓹ)

ꓢꓱꓼ-ꓜꓲ-ꓡ ꓗꓴꓷꓼ ꓙꓲ-ꓠꓲ-ꓪ ꓡꓳ ꓒꓱ ꓗꓪ ꓖꓪ ꓙꓱ ꓔꓬ ꓟ 48 ꓧꓪꓹ ꓕꓲ ꓧꓪꓹ ꓟ ꓟꓲ ꓠꓯ ꓗꓴꓷꓼ ꓜꓴ ꓖꓪ ꓙꓱ ꓜꓲꓼ ꓓꓴ ꓗꓪ ꓟꓬ-ꓟ ꓗꓴꓷꓼ ꓟꓸ ꓟꓲ (3) ꓧꓪꓹ ꓖꓪ ꓙꓱ ꓟ ꓔꓯ ꓙꓵꓽ ꓪ ꓣꓴ ꓔꓸ ꓟ ꓟꓬ-ꓟ ꓟꓯꓼ ꓐꓴ ꓡꓰ ꓒꓳꓹ ꓔꓳꓹ ꓕꓳ ꓶ ꓕꓲ ꓚꓴꓸ 2021 ꓘꓳꓼ 9 ꓦ 25 ꓠꓬꓲ ꓕꓯ ꓐꓳ ꓩꓴ ꓡ ꓡꓳ꓿

ꓟꓬ-ꓟ ꓗꓴꓷꓼ ꓗꓪ ꓟ ꓡ ꓞꓳ ꓐꓴ ꓶꓽ ꓐꓱ ꓶ ꓫꓸ ꓕꓱ ꓓꓴ ꓔꓳꓟ ꓮꓠꓓꓣꓰꓪ, ꓟꓬ-ꓟ ꓗꓴꓷꓼ ꓝꓲ ꓓꓴ ꓓꓽ ꓟ ꓚꓳ-ꓟꓳꓹ-ꓕꓴ꓾ ꓲꓲꓟꓟ ꓜꓴ ꓐꓴ ꓫꓸ ꓕꓱ ꓖꓪ ꓙꓱ ꓟ ꓮ ꓙꓵꓽ ꓟꓽ ꓔꓱꓹ ꓟꓽ ꓜꓳꓽ꓾ ꓟꓽ ꓚꓽ ꓟ ꓫꓸ ꓕꓱ ꓔꓬ ꓡꓳ ꓐꓰ ꓐꓳ ꓔ ꓡꓳ꓿

ꓟꓲ ꓠꓯ ꓗꓴꓷꓼ ꓜꓴ ꓗꓪ ꓙꓵꓽ ꓪ ꓦꓴ ꓟꓯꓼ ꓬꓲ ꓛꓲ ꓝꓲ ꓓꓴ ꓕꓲ ꓣꓳ ꓔꓯˍ ꓟꓲ ꓟꓽ ꓓꓯ ꓪ꓿ ꓖꓳ ꓡꓱ ꓥ ꓟꓲ ꓠꓴꓖ ꓗꓪ ꓐꓰ ꓚꓳ-ꓟꓳꓹ-ꓕꓴꓸ ꓔꓯ ꓡ ꓠꓹ ꓟ 11 ꓦ ꓗꓪ ꓛꓲ ꓟꓬ-ꓟ ꓗꓴꓷꓼ ꓬꓲ ꓛꓲ ꓝꓲ ꓓꓴ ꓓꓽ ꓟ ꓠꓬꓲ ꓖꓴ ꓖꓶ ꓔ ꓡꓳ꓿