ꓟꓬ-ꓟ ꓗꓴꓷꓼ ꓘꓴꓽ ꓗꓪ ꓟ ꓚꓰꓺ ꓟꓵꓽ ꓡ ꓞꓳ ꓑꓳꓺ ꓔꓯꓹ ꓟꓯꓼ ꓐꓴ (EAQs) ꓔꓯ ꓖꓪ ꓙꓱ ꓜꓲꓼ ꓓꓴ 51 ꓧꓪꓹ ꓬꓰ ꓗꓷꓳ꓾ ꓟꓬ-ꓟ ꓟꓯꓼ ꓚ ꓟꓲꓽ ꓗꓪ ꓮ ꓕꓽ ꓕꓲ ꓧꓪꓹ ꓟꓽ ꓬꓰ ꓠꓬꓲꓳ ꓫꓵꓽ ꓠꓲꓹ ꓟ ꓫꓵ ꓫꓵ ꓬꓰ ꓔꓬ ꓡꓳ꓾ ꓐꓰ ꓠꓬꓲꓸ ꓠꓬꓲ 2022 ꓘꓳꓼ 3 ꓦ 24 ꓠꓬꓲ꓾ ꓠꓯ-ꓑꓲ-ꓓꓳ ꓓꓳꓽ ꓐꓯ ꓑꓶ ꓜꓲꓼ ꓓꓴ ꓗꓪ ꓟꓯꓼ ꓜꓲꓽ ꓜꓳ-ꓟꓰꓹ-ꓕꓴꓸ ꓡꓰ ꓐꓯ ꓩꓴ ꓡ ꓡꓳ꓿
ꓒꓵꓽ ꓗꓹ ꓥꓳ ꓕꓱ ꓡꓯ ꓘꓳ꓾ ꓙ ꓡꓯ ꓘꓳ ꓗꓹ ꓟ 13 ꓧꓪꓹ꓾ ꓠꓯ-ꓑꓲ-ꓓꓳ ꓗꓪ ꓖꓪ ꓙꓱ ꓜꓲꓼ ꓓꓴ ꓬꓰˍ ꓟ 25 ꓧꓪꓹ꓾ ꓟꓵꓽ ꓚꓰꓺ ꓡ ꓞꓳ ꓐꓴ ꓔꓬ ꓟ ꓗꓪ ꓙꓰ ꓢꓲꓸ ꓖꓪ ꓙꓱˍ ꓟ 13 ꓧꓪꓹ ꓬꓰ ꓗꓷꓳ ꓐꓰ ꓐꓯ ꓡꓳ꓿
ꓜꓲꓽ ꓜꓲꓽ ꓑꓰꓹ ꓑꓰꓹ ꓬꓰ ꓜꓴ ꓐꓰ ꓐꓯ ꓔꓸ ꓟ ꓠꓴꓖ/ꓚꓣꓑꓧ/ꓑꓓꓝ ꓐꓴ ꓔꓯ ꓠꓬ ꓟꓽ ꓙ ꓡꓯ ꓘꓳ꓿ ꓚꓰꓺ ꓟꓵꓽ ꓑꓳꓺ ꓔꓯꓹ ꓢꓴ ꓐꓴ ꓬꓲꓸ ꓪ ꓔꓯ ꓙ ꓡꓯ ꓘꓳ ꓟ ꓠꓬ ꓬꓲꓸ ꓪ ꓠꓲꓹ ꓡꓶꓽ ꓟꓳꓸ ꓖꓶ ꓔꓬ ꓟ ꓥꓳ꓾ ꓐꓰ ꓐꓯˍ ꓡꓳ꓿
