ꓟꓯꓼ ꓡꓰ ꓙꓵꓽ ꓔꓬ ꓟ ꓟꓬ-ꓟ ꓗꓴꓷꓼ ꓗꓪ ꓗꓳ-ꓪꓰꓼ ꓠꓻ ꓗꓽ ꓠꓯ ꓞꓲꓼ ꓪꓴꓻ ꓓꓴ ꓕꓲ ꓗꓴꓷꓼ ꓡꓱꓸꓼ ꓗꓪ ꓔꓲꓺ ꓒꓴ ꓓꓰꓽ ꓧꓪ ꓗꓷ ꓠꓬ ꓕꓲ ꓫꓵꓽ ꓠꓽ 5 ꓠꓬꓲ (1-5 ꓠꓬꓲ/ 11 ꓦ/ 2021 ꓘꓳꓼ) ꓟ ꓘꓴꓽ ꓗꓪ ꓔꓲꓺ ꓖꓶ ꓢꓴ 3 ꓣꓳ ꓓꓳ ꓡ ꓢꓲ꓾ ꓔꓲꓺ ꓒꓴ ꓮ ꓙꓵꓽ ꓠꓬ ꓟꓬ-ꓟ ꓒꓴ 250,000 ꓒꓯꓼ ꓥ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓢꓷ ꓙ ꓟꓴ ꓙ ꓔ ꓡꓳ꓿
ꓧꓶꓸ ꓕꓯ ꓑ ꓫꓬ ꓡꓰ ꓢꓲꓻ ꓣꓴ ꓔꓸ ꓟ ꓗꓴꓷꓼ ꓙꓵꓽ ꓜꓴ ꓙꓵꓽ ꓔꓬ ꓟ ꓦꓬꓼ ꓠꓬꓲ ꓗꓪ ꓠꓬ꓾ ꓕꓱ ꓡꓱꓳ ꓫꓵꓽ ꓔꓲꓺ ꓒꓴ ꓓꓰꓽ ꓩꓴ ꓡ ꓚꓰꓼ ꓠꓬ ꓬꓲꓸ ꓔꓴ ꓬꓲꓸ ꓟꓶꓽ ꓢꓯꓹ ꓓꓵꓽ ꓡ ꓚꓰꓼ ꓡꓳ꓿
ꓮ ꓟꓶ ꓘꓴ ꓣꓴ ꓟꓶ ꓔꓸ ꓟ ꓔꓲꓺ ꓒꓴ ꓔꓲꓺ ꓖꓶ ꓡ ꓢꓴ ꓐꓴ ꓟꓬꓱꓺ ꓠꓬ ꓐꓳ ꓔꓸ ꓢꓲ꓾ ꓬꓲꓸ ꓪ ꓮ ꓡꓲ ꓗꓪ ꓔꓬ ꓢꓴ ꓥ ꓟ ꓔꓬ ꓖꓴ ꓟꓽ ꓟꓳꓸ ꓖꓶ ꓔ꓿ ꓝꓮꓲ 2 ꓢꓯꓹ 5 ꓟꓶꓽ ꓒꓯꓼ ꓟꓽ ꓐꓳ ꓐꓳ꓾ 0.250 ꓪꓹ ꓒꓯꓼ ꓥ ꓡꓳ ꓐꓰ ꓟꓶꓽ ꓪꓴꓽ ꓟꓶ ꓪꓴꓽ ꓢꓷ ꓙ ꓟꓴ ꓙ ꓔ ꓡꓳ꓿
