ꓗꓲꓮ/ꓑꓓꓝ ꓡꓰ ꓟꓬ-ꓟ ꓟꓯꓼ ꓔꓯ ꓓꓶꓽ ꓧꓪꓸ ꓡꓰ ꓔꓸ ꓟ ꓗꓳꓸ-ꓡꓲꓸ ꓡꓳ ꓒꓱ ꓗꓪ ꓠꓴꓖ ꓗꓴꓷꓼ ꓙꓵꓽ ꓜꓴ ꓒꓴ ꓞꓳꓽ ꓦꓲ ꓬꓲꓸ ꓪꓴꓸ ꓕꓲꓽ ꓦꓲ ꓪꓴꓸ ꓔꓴ ꓓꓴ ꓥꓳ꓾ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓟꓲꓼ ꓪꓳꓼ ꓚꓱꓹ ꓗꓪ ꓠꓬ ꓪꓴꓸ ꓔꓴ ꓔꓬ ꓟ꓾ ꓣꓱꓽ ꓔꓬ ꓟ ꓟꓶ ꓫꓵ ꓫꓵ ꓙꓳ ꓡ ꓥ ꓟꓲ꓾ ꓟꓲ ꓠꓯ ꓗꓪ ꓒꓴ ꓞꓳꓽ ꓦꓲ ꓪꓴꓸ ꓔꓴ ꓟ ꓠꓬ ꓕꓱ ꓕꓲꓽ ꓟ ꓟ ꓬꓲꓸ ꓪꓴꓸ ꓥꓳ꓿
“ꓢꓻ ꓥꓳ ꓐꓯ ꓢꓲꓸ ꓪꓴꓸ ꓔꓴ ꓔꓸ ꓟ ꓟꓽ ꓥ꓿ ꓟꓽ ꓧꓪꓸ ꓟꓽ ꓢꓽ ꓬꓰ ꓓꓴ ꓥꓳ ꓐꓯ ꓢꓲꓸ ꓢꓯꓼ ꓕꓵꓼ ꓩꓴ ꓡ ꓟ ꓥꓳ꓿ ꓮ ꓟꓶ ꓠꓬ ꓬꓲꓸ ꓢꓶꓽ ꓓꓱꓼ ꓪꓴꓸ ꓔꓴ ꓡ ꓔꓬꓳ=” ꓐꓰ ꓢꓷꓸ ꓙ ꓟꓴ ꓙ ꓔꓸ ꓡꓳ꓿
ꓟꓯꓼ ꓡꓰ ꓙꓵꓽ ꓔꓬ ꓟ ꓗꓴꓷꓼ ꓔꓯ ꓑ ꓫꓬ ꓡꓰ ꓙꓵꓽˍ ꓟ ꓗꓴꓷꓼ ꓒꓬꓱꓼ ꓡ ꓠꓹ ꓟ ꓢꓯꓼ ꓕꓵꓼ ꓔꓬ ꓟ ꓗꓪ ꓢꓻ ꓓꓴ꓾ ꓫꓸ ꓓꓴ ꓮ ꓟꓬꓹ ꓔꓳꓹ ꓜꓳꓽ ꓢꓲ꓾ ꓮ ꓟꓶ ꓠꓬ ꓗꓳꓸ-ꓡꓲꓸ꓾ ꓠꓼ-ꓔ-ꓗꓪꓰꓸ ꓡꓳ ꓒꓱ ꓔꓯ ꓠꓴꓖ ꓡꓰ ꓙꓵꓽ ꓔꓬ ꓡꓳ꓾ ꓐꓰ ꓓꓳꓽ ꓑ ꓙ ꓡꓳ꓿
