ꓗꓲ-ꓢ ꓠꓻ ꓫꓵꓽ ꓐꓱ ꓶ Imcranib 100 ꓟꓬꓱꓺ ꓔꓸ ꓟ ꓠꓯ ꓞꓲꓼ ꓕꓲꓽ ꓫꓵꓽ ꓕꓮꓲ ꓗꓴꓷꓼ ꓗꓪ ꓐꓰ ꓬꓲꓸ ꓪꓴꓸ ꓕꓲ ꓧꓪꓸ ꓫꓬꓹ ꓓꓳ ꓡꓻꓳ꓾ ꓐꓰ Bangkok Post ꓗꓪ ꓐꓳ ꓔꓸ ꓡꓳ꓿
ꓕꓱ ꓟ ꓠꓬ ꓕꓮꓲ ꓗꓴꓷꓼ ꓗꓪ 2020 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓪ ꓔꓲꓸ ꓤ ꓟꓶꓼ ꓛꓳ-ꓡ-ꓑꓴꓸ ꓡꓰ ꓧꓳꓽ ꓣꓱꓽ ꓩꓴ ꓡ ꓟ ꓟꓬꓱꓽ ꓬꓲꓸ ꓢꓶꓽ ꓓꓱꓼ ꓓꓳ ꓡ ꓟ ꓥ ꓡꓳ꓾ ꓐꓯ ꓡꓳ꓿
ꓦꓰꓼ ꓟ ꓘꓴꓽ ꓗꓪ ꓐꓰ ꓧꓪꓽ ꓗꓴꓸ ꓙꓲ ꓗꓪ ꓒꓬꓱꓼ ꓡ ꓟ ꓗꓲ-ꓢ ꓠꓻ ꓫꓵꓽ ꓔꓯ ꓓꓻ ꓡꓰ ꓝꓲ ꓓꓴ ꓠꓯ ꓞꓲꓼ ꓥ ꓢꓲ꓾ ꓮ ꓘꓶꓸ ꓙꓲ ꓠ꓾ ꓮ ꓘꓶꓸ ꓤ ꓟꓳ ꓢꓲꓸ ꓫꓬꓹ ꓔꓸ ꓡꓳ꓾ ꓐꓯ ꓡꓳ꓿
ꓐꓶꓽ ꓗꓴꓷꓼ ꓗꓪ ꓐꓰ ꓓꓳ ꓡ ꓟ ꓗꓲ-ꓢ ꓠꓯ ꓞꓲꓼ ꓫꓬꓹ ꓚꓱꓹ ꓔꓯ ꓟꓽ ꓫꓱꓸ ꓡꓯ ꓘꓳ ꓟ ꓐꓰ꓾ ꓬꓲꓸ ꓒꓵꓽ ꓕꓯꓽ ꓟ ꓠꓯ ꓞꓲꓼ ꓥꓳ꓾ ꓐꓰ Chulabhorn Royal Academy (CRA) ꓗꓪ ꓐꓰ ꓔꓳꓹ ꓙ ꓘꓶꓽ ꓐꓳ ꓔꓸ ꓡꓳ꓿
ꓠꓯ ꓞꓲꓼ ꓕꓱ ꓟ ꓔꓯ ꓕꓮꓲꓹ ꓝꓓꓮ ꓗꓪ 2025 ꓘꓳꓼ 5 ꓦ 20 ꓠꓬꓲ ꓕꓯꓽ Register ꓬꓰ ꓔꓸ ꓢꓲ꓾ ꓮ ꓟꓶ ꓞꓳ ꓠꓻ ꓐꓴ ꓔꓯ ꓖꓶꓽ ꓣꓱꓽ ꓪꓴꓸ ꓔꓴ ꓔꓬ ꓟ ꓥ ꓡꓳ꓿
