ꓠꓬꓲꓸ ꓠꓬꓲ 2021 ꓘꓳꓼ 10 ꓦ 25 ꓠꓬꓲ ꓠꓬ ꓗ-ꓛꓲ ꓡꓲꓹ ꓙꓰ ꓟꓶ ꓟ ꓜꓴ (Kachin Independence Organization) 61 ꓘꓳꓼ ꓐꓲ ꓡꓰ ꓟ ꓦꓬꓼ ꓠꓬꓲ ꓥ ꓡꓳ꓿
“ꓑ ꓫꓬ ꓟꓽ ꓠꓵ ꓟ ꓗꓪ ꓜꓲ ꓜꓲ ꓑꓰꓹ ꓑꓰꓹ ꓙꓵꓽ ꓢꓴ ꓐꓴ ꓔꓯ ꓔꓳꓹ ꓢꓴ ꓮ ꓡꓲꓳ ꓫꓵꓽ ꓬꓲꓸ ꓜꓴ꓾ ꓬꓲꓸ ꓒꓳ ꓔꓯ ꓟꓲ ꓡꓯ ꓒꓯꓹ ꓣꓱꓽ ꓔꓸ ꓢꓲꓸ ꓕꓱ ꓡꓱ ꓜꓲ ꓜꓲ ꓑꓰꓹ ꓑꓰꓹ ꓙꓵꓽ ꓢꓴ ꓔꓯ ꓬꓲꓸ ꓚꓰ ꓒ ꓞꓰꓹ ꓬꓲꓸ ꓧꓶꓽ ꓢꓱꓹ ꓩꓴ ꓓꓴ ꓥꓳ” ꓐꓰ ꓗꓲꓳ/ꓗꓲꓮ ꓢꓽ ꓡ ꓙꓵꓽ ꓲ-ꓐ-ꓡꓼ ꓡꓰ ꓗꓲꓳ ꓔꓶ ꓗꓷ ꓟ 61 ꓘꓳꓼ ꓐꓲ ꓡ ꓟ ꓚꓲꓸ ꓟꓶ ꓓꓴ ꓦꓬꓼ ꓠꓬꓲ ꓗꓪ ꓫꓸ ꓕꓱ ꓩꓴ ꓡ ꓡꓳ=
ꓗꓳꓸ ꓗꓷ ꓟ 1960 ꓘꓳꓼ 10 ꓦ 25 ꓠꓬꓲ ꓕꓯꓽ ꓗ-ꓛꓲ ꓡꓲꓹ ꓙꓰ ꓟꓶ ꓟ ꓜꓴ (Kachin Independence Organization) ꓔꓯ ꓔꓶ ꓪꓴꓸ ꓔꓴ ꓗꓷ ꓡꓳ꓿ ꓝꓮꓲ ꓜꓴ ꓖꓳ ꓟ ꓐꓱ ꓶ ꓦꓲ ꓢꓲ ꓒꓽ ꓦꓲ ꓢꓲ ꓟ ꓡꓰ ꓐꓰ ꓗꓹ ꓟ ꓑꓳꓺ ꓔꓯꓹ ꓟꓯꓼ KIA- Kachin Independence Army ꓔꓯ 1961 ꓘꓳꓼ 2 ꓦ 5 ꓠꓬꓲ ꓕꓯ ꓔꓶ ꓗꓷ ꓡꓳ꓿ ꓝꓮꓲ ꓙꓵꓽ ꓚꓱꓹ ꓟꓴ ꓚꓱꓹ ꓐꓱ ꓶ KIC- Kachin Independence Council ꓔꓯ ꓥ ꓟꓲ ꓒꓴ ꓔ ꓟ ꓥ ꓡꓳ꓿ ꓗꓲꓳ꓾ ꓗꓲꓮ꓾ ꓗꓲꓚ ꓜꓴ ꓮ ꓙꓵꓽ ꓟ ꓗꓪ ꓢꓯꓼ ꓙꓳ ꓟ ꓬꓲ ꓚꓰꓺ ꓜꓴ ꓠꓬ ꓗꓲꓳ ꓥ ꓡꓳ꓿
61 ꓘꓳꓼ ꓟ ꓘꓴꓽ ꓗꓪ ꓜꓴ ꓕꓱ ꓟ ꓠꓬ ꓞꓳꓸ ꓡꓰ ꓓꓴ꓾ ꓧꓪꓸ ꓡꓰ ꓓꓴ ꓮ ꓟꓬꓹ ꓫꓵꓽ ꓔꓳꓹ ꓜꓳꓽ ꓗꓳꓸ ꓡ ꓟ꓾ ꓮ ꓟꓶ ꓗꓪ ꓛꓲ ꓟꓬꓱꓽ ꓬꓰ ꓔꓬ ꓟ꓾ ꓢꓯꓼ ꓕꓵꓼ ꓠꓲꓹ ꓙꓳ ꓟ ꓐꓰ꓾ ꓚꓲ ꓛꓬ ꓟꓵꓽ ꓔꓯ ꓚꓲ ꓛꓬ ꓔꓱꓹ ꓚꓲ ꓛꓬ ꓙꓵꓽ ꓠꓹ ꓟ ꓐꓱ ꓶ ꓢꓯꓼ ꓕꓵꓼ ꓔꓬ ꓟ ꓜꓴ ꓕꓲ ꓟ ꓥ ꓡꓳ꓿
