ꓠꓬꓲꓸ ꓠꓬꓲꓽ 2021 ꓘꓳꓼ꓾ 5 ꓦ 13 ꓠꓬꓲ ꓗꓪ꓾ ꓓꓴ-ꓑ-ꓡ-ꓬ ꓟꓵꓽ ꓗꓪ ꓟ ꓗꓠꓴ ꓢꓽ ꓡ ꓙꓵꓽ ꓢꓴ ꓢꓳ-ꓫꓱ-ꓟꓳ ꓡꓰ ꓓꓵꓽ ꓙ ꓦꓰꓼ ꓕꓶ ꓚꓱꓹ ꓕꓳ ꓶ (2) ꓚꓳꓸ ꓐꓳ ꓓꓳ ꓡ ꓡꓳ=
ꓬꓲꓸ ꓪꓴꓸ ꓕꓲ ꓚꓳꓸ ꓗꓪ ꓬꓲꓸ ꓟꓳꓽ ꓡꓱꓽ ꓠꓬ꓾ “ꓖꓪ ꓙꓱ ꓡꓯ ꓘꓳ ꓢꓲꓸ ꓠꓲꓹ ꓧꓳꓹ ꓢꓲꓽ ꓧꓳꓹ ꓟ ꓚꓱꓹ ꓠꓬ ꓑ ꓫꓬꓼ ꓐꓴ ꓐꓱ ꓶ ꓙꓲ ꓖꓴ ꓙꓳ ꓡꓳ= ꓗꓠꓴ ꓢꓽ ꓡ ꓙꓵꓽ ꓢꓴ ꓓꓵꓽ ꓙ ꓦꓰꓼ ꓕꓶ ꓘꓶꓽ ꓔꓯ ꓔꓳꓹ ꓙ ꓡꓳ= ꓠꓲꓹ ꓞ ꓖꓪ ꓙꓱ ꓡꓯ ꓘꓳ ꓠꓹ ꓟ ꓓꓰꓽ ꓩꓴ ꓡ ꓥꓳ” ꓐꓰ ꓐꓳ ꓔ ꓡꓳ=
ꓠꓬꓲꓽ ꓚꓳꓸ ꓕꓲ ꓚꓳꓸ ꓗꓪ ꓟ ꓕꓳ ꓶ ꓬꓲꓸ ꓟꓳ ꓡꓱꓽ ꓠꓬ꓾ “ꓗꓠꓴ ꓠꓬ ꓧꓶꓸ ꓕꓯ ꓐꓣꓲꓔꓲꓢꓧ ꓦꓬꓼ ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓬꓲꓸ ꓡꓲꓽ ꓙꓳ ꓙꓳ ꓦꓰꓼ ꓡ ꓟ ꓜꓴ ꓕꓲ ꓟ ꓥ ꓡꓳ= ꓝꓮꓲ ꓴ-ꓠꓴ ꓦꓬꓼ ꓠꓬꓲ ꓗꓪ ꓗꓠꓴ ꓔꓯ ꓜꓲꓽ ꓜꓲꓽ ꓑꓰꓹ ꓑꓰꓹ ꓬꓰ ꓜꓴ ꓐꓰ ꓐꓯ ꓒꓬꓱ ꓩꓴ ꓡ ꓢꓲ꓾ ꓴ-ꓔꓲ-ꓢꓰ ꓦꓬꓼ ꓠꓬꓲ ꓗꓪ ꓠꓬ ꓠꓚꓮ ꓐꓯ ꓟ ꓕꓲ ꓗꓴꓷꓼ ꓡꓱꓸꓼ ꓑꓳ ꓟꓽ ꓐꓶ ꓡꓯ ꓘꓳ ꓠꓹ ꓟ ꓙ ꓟꓳ ꓘꓶꓽ ꓕꓳ ꓶ ꓡꓯꓼ ꓓꓴ ꓥꓰꓸ ꓪ ꓡꓰ ꓢꓲ꓾ ꓮ ꓟꓶ ꓗꓪ ꓛꓲ ꓙꓲ ꓙꓲ ꓜꓳ ꓜꓳ ꓦꓰꓼ ꓔꓬ ꓟ ꓜꓴ ꓕꓲ ꓟ ꓥ ꓡꓳ= ꓠꓱꓸ ꓐꓯꓼ ꓢꓴ ꓡꓰ ꓗꓶꓸ ꓒꓬꓹ ꓟ ꓗꓪ ꓐꓰ ꓗꓠꓴ ꓦꓰꓼ ꓚꓱꓹ ꓐꓰ ꓔꓶ ꓙꓱꓼ ꓔꓯ ꓟꓽ ꓐꓬ ꓡꓰ ꓠꓹ ꓟ ꓢꓯꓼ ꓕꓵꓼ ꓙꓲꓽ ꓙꓳ ꓡꓳ=” ꓐꓰ ꓐꓳ ꓔꓸ ꓡꓳ=
ꓓꓴ-ꓑ-ꓡ-ꓬ ꓟꓵꓽ ꓗꓠꓴ ꓢꓽ ꓡ ꓙꓵꓽ ꓢꓴ ꓢꓳ-ꓫꓱ-ꓟꓳ ꓕꓳ ꓶ ꓕꓱ ꓟ ꓟꓽ ꓓꓳ ꓡ ꓢꓰꓽ ꓧꓶꓸ ꓕꓯ꓾ ꓗꓠꓴ ꓜꓴ ꓚꓰꓺ ꓢꓽ ꓡ ꓙꓵꓽ ꓢꓳ-ꓟꓴ-ꓔꓴ-ꓢꓯ-ꓒꓴꓸ ꓡꓰ ꓥ ꓟꓲ ꓓꓵꓽ ꓙ ꓦꓰꓼ ꓙꓰ ꓚꓱꓹ ꓕꓳ ꓶ ꓕꓲ ꓚꓳꓸ ꓐꓳ ꓓꓳ ꓡ ꓢꓲ꓾ ꓖꓪ ꓙꓱ ꓡꓯ ꓘꓳ ꓠꓹ ꓟ ꓢꓯꓼ ꓖꓶꓽ ꓔꓸ ꓡꓳ=
ကရင်အမျိုးသားအစည်းအရုံး (KNU) ဒူးပလာယာခရိုင်ဥက္ကဌဖြစ်သော ပဒိုစောရွှေမောင်းက ယနေ့ရက်စွဲဖြင့် အမြင်သဘောထား ထုတ်ပြန်ချက် (၂) စောင်ကို ထုတ်ပြန်ခဲ့သည်။
