ꓮ ꓠꓲꓹ 10 ꓦ 7 ꓠꓬꓲ ꓗꓪ ꓐꓰ ꓖ-ꓜ ꓟꓵꓽ ꓗꓪ ꓢꓰꓼ ꓡꓯ ꓘꓳ ꓩꓴ ꓡ ꓟ ꓟꓯꓼ ꓘꓶꓽ ꓠꓽ ꓡꓰ ꓠꓹ ꓟ ꓐꓱ ꓶ ꓬꓲ-ꓢꓷ-ꓡꓰ ~ ꓧ-ꓟ-ꓢꓲ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓬꓲ-ꓙꓲ ꓟꓵꓽ ꓗꓪ ꓡꓯꓼ ꓓꓴ ꓢꓽ ꓗꓷꓳ ꓐꓰ ꓴꓢꓮ ꓗꓴꓷꓼ ꓪꓴꓸ ꓓꓵ ꓓꓳ-ꓠꓯ ꓕ-ꓣꓼ ꓡꓰ 2025 ꓘꓳꓼ 10 ꓦ 8 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓡꓳ꓿
“ꓕꓱ ꓟ ꓠꓬ ꓮ-ꓣꓼ ꓟꓴ-ꓢꓲ-ꓡꓲ ꓐꓴ ꓐꓱ ꓶ꓾ ꓬꓲ-ꓢꓷ-ꓡꓰ ꓐꓱ ꓶ꓾ ꓝꓮꓲ ꓴꓢꓮ ꓐꓱ ꓶ ꓥ ꓟꓲ ꓟꓬꓱ ꓓꓳꓽ ꓙꓳˍ ꓟ ꓦꓬꓼ ꓠꓬꓲ ꓕꓲ ꓠꓬꓲ ꓥ ꓡꓳ꓿ ꓮ ꓕꓯ ꓟꓲ ꓟꓽ ꓙꓳ ꓠꓬꓲꓳ ꓫꓵꓽ ꓕꓲ ꓫꓵꓽ ꓒꓬꓱꓼ ꓡ ꓠꓹ ꓟ ꓗ-ꓔ ꓗꓴꓷꓼ꓾ ꓬꓲ-ꓙꓲ ꓐꓰ ꓔ-ꓗꓲ ꓗꓪ ꓐꓰ ꓖꓪ ꓙꓱ ꓖꓪ ꓟꓴ ꓙ ꓡ ꓢꓴ ꓮ ꓙꓵꓽ ꓔꓯ ꓮ ꓘꓶꓸ ꓫꓸ ꓟꓳ” ꓐꓰ ꓴꓢꓮ ꓗꓴꓷꓼ ꓪꓴꓸ ꓓꓵ ꓓꓳ-ꓠꓯ ꓕ-ꓣꓼ ꓡꓰ ꓐꓳ ꓔꓸ ꓡꓳ꓿
ꓴꓢꓮ ꓗꓴꓷꓼ ꓪꓴꓸ ꓓꓵ ꓓꓳ-ꓠꓯ ꓕ-ꓣꓼ ꓡꓰ ꓬꓲ-ꓢꓷ-ꓡꓪ ꓐꓰ ꓧ-ꓟ-ꓢꓲ ꓐꓴ ꓐꓱ ꓶ ꓙ ꓖꓶ ꓔꓸ ꓟ ꓙ ꓟꓳ ꓘꓶꓽ (20) ꓟ ꓔꓯ ꓮ-ꓣꓼ ꓞꓳ ꓫꓵꓽ ꓗꓴꓷꓼ ꓐꓴˍ ꓐꓰ꓾ ꓕꓲ ꓟꓲ ꓠꓯ ꓥ ꓟꓲ ꓪꓽˍ ꓟ ꓥ ꓡꓳ꓿ ꓕꓱ ꓟ ꓑꓶꓸ ꓓꓴ ꓠꓬꓲꓽ ꓛꓱꓽ ꓗꓪ ꓐꓰ ꓣꓴ ꓡꓴꓽ ꓔꓸ ꓢꓴ ꓡꓲꓹ ꓖꓶˍ ꓟ꓾ ꓟꓯꓼ ꓤ ꓐꓴ ꓟꓯꓼ ꓘꓶꓽ ꓗꓪ ꓐꓰ ꓫꓳ ꓡꓽ ꓙꓰˍ ꓟ ꓬꓰ ꓪꓴꓸ ꓔꓴ ꓡ ꓥꓳ ꓐꓰ ꓥꓳ ꓡꓳꓸ ꓓꓴ ꓙꓳ ꓡꓳ꓿
