USA ꓗꓴꓷꓼ ꓪꓴꓸ ꓓꓵ ꓓꓳ-ꓠꓯ ꓕ-ꓣꓼ ꓔꓯ ꓢꓰꓼ ꓐ ꓡ ꓢꓴ ꓔꓯ ꓡꓯꓼ ꓫꓴ ꓖꓶ ꓠꓹ ꓟ ꓓꓳ-ꓡ 400 ꓢꓯꓹ ꓟꓽ ꓞꓲ ꓜꓴ ꓒꓴ ꓧꓪ ꓜꓲꓼ ꓔꓸꓳ꓾ ꓐꓰ ꓲ-ꓣ ꓗꓴꓷꓼ ꓟꓴ-ꓢꓲ-ꓡꓲ ꓦ ꓡꓱ ꓜꓴ ꓡꓰ ꓢꓯꓼ ꓖꓶ ꓔꓬ ꓟ ꓜꓴ ꓕꓲꓽ ꓟ ꓥ ꓟ “ꓫꓵꓽ ꓪꓵꓼ ꓘꓶꓽ ꓜꓴ (blood covenant)” ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓲ-ꓣ ꓗꓴꓷꓼ ꓔꓯ ꓐꓳꓽ ꓴꓢꓮ ꓡꓰ ꓞꓰ ꓩꓴ ꓡ ꓟ ꓑꓶꓸ ꓓꓴ꓾ ꓪꓽ ꓛꓴ ꓝꓱꓹ ꓠꓹ ꓟ ꓥ ꓢꓲ꓾ ꓕꓱ ꓟ ꓠꓬ ꓟꓴ-ꓢꓲ-ꓡꓲ ꓦ ꓡꓱ ꓚꓱꓹ ꓡꓳ ꓚ ꓬꓰ ꓙꓲꓽ ꓙꓳˍ ꓟ ꓟꓬꓱꓽ ꓥ ꓡꓳ꓾ ꓐꓯ ꓡꓳ꓿
ꓕꓱ ꓕꓲꓽ ꓜꓴ ꓠꓬ ꓲ-ꓣ ꓗꓴꓷꓼ ꓡꓰ ꓢꓯꓼ ꓖꓶ ꓔꓸ ꓢꓴ ꓥ ꓢꓲ꓾ ꓲ-ꓣ ꓗꓴꓷꓼ ꓟꓵꓽ ꓫꓴ 10 ꓟ ꓗꓪ ꓟ ꓟꓴ-ꓢꓲ-ꓡꓲ ꓦ ꓡꓱ ꓢꓴ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓥ ꓟꓲ ꓬꓲꓸ ꓪ ꓔꓯ ꓢꓯꓼ ꓖꓶ ꓔꓳꓹ ꓙ ꓔꓸ ꓡꓳ꓾ ꓐꓰ ꓟꓰꓟꓣꓲ ꓜꓴ ꓡꓰ ꓧꓪ ꓟꓰꓹ ꓔꓸ ꓡꓳ꓿
ꓓꓳ-ꓠꓯ ꓕ-ꓣꓼ ꓔꓯ ꓢꓰꓼ ꓪ ꓘꓴ ꓢꓴ ꓔꓯ ꓓꓳ-ꓢ 430 ꓢꓯꓹ ꓖꓶ ꓓꓴ ꓕꓵꓼ ꓡꓵꓸ ꓧꓪ ꓔꓸꓳ꓾ ꓢꓰꓼ ꓪ ꓘꓴ ꓢꓴ ꓔꓯ ꓠꓬ ꓕꓲꓽ ꓤꓶ ꓡꓱꓸꓼ ꓗꓪ ꓟꓶꓺ ꓢꓲꓺ ꓡꓰ ꓐꓰ ꓗꓹ ꓛꓲ ꓛꓲ ꓔꓬ ꓪ ꓝꓲ ꓢꓲ꓾ ꓟꓴ-ꓢꓲ-ꓡꓲ ꓦ ꓡꓱ ꓚꓱꓹ ꓔꓯ ꓚꓬꓴꓹ ꓙ ꓢꓴ ꓥꓳ ꓐꓰ ꓞꓳ ꓒꓵꓽ ꓖꓶ ꓓꓴ ꓥꓳ꓾ ꓕꓲꓽ ꓟꓲ ꓠꓯ ꓗꓪ ꓟ ꓟꓴ-ꓢꓲ-ꓡꓲ ꓐꓴ ꓟꓬꓱꓽ ꓕꓱ ꓟ ꓔꓯ ꓢꓯꓼ ꓕꓵꓼ ꓓꓴ ꓬꓰ ꓡꓯ꓾ ꓐꓰ ꓖꓳ ꓕꓲꓽ ꓜꓴ ꓡꓰ ꓪꓴꓸ ꓘꓶꓽ ꓐꓳ ꓔꓸ ꓡꓳ꓿
ꓓꓳꓽ ꓬꓲꓸ ꓚꓰ꓾ Fox News
