ꓠꓬꓮꓳꓽ-ꓫꓱ ꓡꓳ ꓒꓱ꓾ ꓕꓲ-ꓣꓲ ꓟꓯꓼ ꓘꓶꓽ ꓗꓪ ꓣꓴ ꓟꓶ ꓢꓴ ꓟꓬ-ꓟ ꓟꓯꓼ ꓐꓴ ꓔꓯ ꓙꓲ ꓙꓲ ꓠꓻ ꓫꓬꓹ ꓖꓶ ꓔꓸ ꓡꓳ ꓐꓰ꓾ ꓒꓯ-ꓘꓳ ꓑꓓꓝ (2) ꓡꓰ ꓠꓬꓲꓸ ꓠꓬꓲ ꓠꓯꓼ 2022 ꓘꓳꓼ 5 ꓦ 13 ꓠꓬꓲ ꓠꓯꓼ ꓝꓲꓸ ꓗꓪ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
“ꓣꓴ ꓟꓶ ꓢꓴ (5) ꓣꓳ ꓔꓯ ꓠꓯ ꓞꓲꓼ ꓫꓬꓹ ꓖꓶ ꓔꓸ ꓡꓳ꓿ ꓧꓪꓸ ꓧꓪꓸ ꓓ ꓓ ꓥꓳ” ꓐꓰ ꓒꓯ-ꓘꓳ ꓑꓓꓝ (2) ꓡꓰꓽ ꓐꓯ ꓔ ꓡꓳ꓿
2022 ꓘꓳꓼ 5 ꓦ 12 ꓠꓬꓲ ꓕꓯꓽ꓾ ꓠ ꓡꓲ ꓕꓲ ꓙꓵꓹ ꓐꓶꓽ ꓛꓲ ꓐꓶ ꓡꓯ ꓘꓳ ꓟ ꓗꓪ ꓟꓬ-ꓟ ꓟꓯꓼ ꓜꓲꓽ 1 ꓣꓳ ~ ꓦꓲꓸ-ꓕꓯꓼ-ꓗꓳ-ꓗꓳ (Hein Htet Ko Ko) ꓔꓺ ꓔꓲ (15) ꓣꓳ ꓐꓶ ꓢꓰꓼ ꓢꓲ꓾ (5) ꓣꓳ ꓣꓴ ꓟꓶˍ ꓟ ꓥ ꓡꓳ꓿ ꓟꓯꓼ ꓘꓶꓽ ꓖꓳ ꓟ ꓗꓪ ꓗꓠꓓꓝ ꓐ-93 ꓐꓰ ꓒꓯ-ꓘꓳ ꓑꓓꓝ (2) ꓡꓰ ꓟꓬ-ꓟ ꓟꓯꓼ ꓔꓬ ꓖꓴ ꓦꓲ ꓔꓯ ꓛꓬꓹ ꓧꓪꓸ ꓡꓰ ꓢꓲꓸ ꓑꓳꓺ ꓶ ꓤ ꓶ ꓟꓲ ꓮ ꓟꓬꓹ ꓪ ꓬꓰꓳ꓾ ꓐꓯ ꓡꓳ꓿
ꓑꓓꓝ ꓐꓴ ꓠꓬ ꓟꓯꓼ ꓘꓶꓽ ꓗꓪ ꓣꓴ ꓟꓶ ꓢꓴ (prisoner of War) ꓐꓴ ꓔꓯ ꓢꓰꓼ ꓟꓽ ꓓ꓾ ꓫꓸ ꓟꓴ ꓟꓽ ꓓ ꓟ ꓐꓯˍ ꓟ ꓟꓯꓼ ꓬꓲꓸ ꓡꓲꓽ ꓔꓯ ꓛꓳ ꓔꓬ ꓟ ꓟꓳꓸ ꓖꓶ ꓓꓳ ꓡ ꓔꓬ ꓟ ꓡꓰ ꓐꓰ꓾ ꓟꓬ-ꓟ ꓕꓲ ꓛꓱꓽ ꓗꓪ ꓚꓳꓸ ꓠꓬ ꓑ ꓫꓬ ꓦꓲ ꓛꓴ꓾ ꓑ ꓫꓬ ꓢꓰꓼ ꓔꓬ ꓟ ꓠꓽ ꓟꓽ ꓫꓳ꓿
