ꓬꓲ-ꓢꓷ-ꓡꓰ ꓗꓴꓷꓼ꓾ ꓬꓲꓻ ꓡꓴꓽ ꓐꓱ ꓠꓲꓺ ꓒ ꓕꓲ ꓗꓪ ꓣꓱꓽ ꓬꓰ ꓔꓬ ꓟ ꓤ ꓟꓶ ꓤꓼ ꓕꓲ ꓟꓲ ꓠꓯ ꓐꓲꓻ ꓔꓯꓺ ꓡꓯ ꓘꓳ ꓑꓮꓲ (The Miss Universe Contest) ꓗꓪ ꓲ-ꓓꓲ-ꓬ ꓗꓴꓷꓼ ꓗꓪ ꓐꓰ ꓡ ꓟ ꓧ-ꓠ ꓢ-ꓓꓴꓼ (Hanaaz Kaur Sandhu) ꓧꓪꓸ ꓡꓰꓳ꓿
ꓐꓲ ꓡꓳꓹ ꓬꓰ ꓢꓴ ꓙꓵꓽ ꓪꓴꓸ ꓛꓴ ꓘꓳꓹ ꓟꓶ ꓡꓰ ꓕꓲ ꓑꓹ ꓢ-ꓓꓴꓼ ꓡꓰꓽ “ꓛꓴ ꓙꓳ ꓢꓴ ꓔꓯ ꓢꓰꓼ꓾ Chak De Phatte,” ꓐꓯˍ ꓡꓳ꓿
” ꓠꓬꓲꓸ ꓠꓬꓲ ꓟ ꓞꓳ ꓡꓯꓸ ꓐꓴ ꓟꓽ ꓢꓳ ꓟꓽ ꓓ ꓟ ꓠꓬ ꓚꓲ ꓛꓬ ꓔꓯ ꓦ ꓡꓱ ꓐꓳ ꓠꓹ ꓟ ꓥꓳ꓿ ꓚꓲ ꓛꓬ ꓠꓬ ꓠꓬꓲꓽ ꓣꓳ ꓟꓽ ꓙꓳ ꓟ꓾ ꓬꓲꓸ ꓫꓳꓽ ꓕꓲ ꓣꓳ ꓥˍ ꓟ ꓔꓯ ꓢꓷꓸ ꓡꓰ ꓠꓬ ꓡꓳꓸ ꓐꓲ ꓢꓴ ꓒꓬꓱꓼ ꓡ ꓥꓳ꓿ ꓚꓲ ꓛꓬ ꓐꓰ ꓢꓴ ꓔꓯ ꓕꓽ ꓔꓯꓺ꓿ ꓟꓲ ꓠꓯ ꓗꓪ ꓟꓽ ꓬꓰ ꓟꓽ ꓓ ꓡꓳ ꓫꓵ ꓔꓯ ꓓꓵꓽ ꓙ ꓫꓸ ꓕꓱ ꓗꓹ ꓡꓯ꓿ ꓚꓲ ꓛꓬ ꓐꓱ ꓶ ꓚꓲ ꓛꓬ ꓦꓰꓼ ꓔꓴ ꓫꓸ ꓕꓱ ꓡꓯ꓿ ꓥꓪ ꓚꓲ ꓛꓬ ꓔꓯ ꓥꓪ ꓦ ꓡꓱ ꓐꓳˍ ꓠꓬꓲ ꓠꓬꓲꓸ ꓠꓬꓲ ꓕꓱ ꓗꓪ ꓦꓰꓼ ꓔꓬ ꓟ ꓥ ꓡꓳ” ꓐꓰ ꓢ-ꓓꓴꓼ ꓡꓰ ꓐꓯ ꓡꓳ꓿
ꓲ-ꓓꓲ-ꓬ ꓗꓴꓷꓼ ꓠꓬ ꓐꓲ ꓔꓯꓺ ꓡꓯ ꓘꓳ ꓑꓮꓲ ꓗꓪ 21 ꓘꓳꓼ ꓡꓳꓼ ꓬꓰ ꓕꓯꓽ ꓢꓲ ꓕꓲ ꓧꓪꓹ ꓕꓱ ꓡꓱ ꓐꓲ ꓡꓳꓹ ꓬꓰ ꓢꓴ ꓡꓯꓼ ꓫꓴ ꓟꓶ ꓟ ꓥ ꓡꓳ꓿
