ꓗꓠꓴ/ꓗꓠꓡꓮ ꓠꓬ ꓟꓬ-ꓟ ꓑ ꓫꓬ ꓐꓴ ꓠꓲꓹ ꓡꓶꓽ ꓡꓳ ꓚ ꓜꓲ ꓜꓲ ꓑꓰꓹ ꓑꓰꓹ ꓙꓵꓽ ꓗꓪꓼ ꓠꓲꓹ ꓫꓵ ꓢꓴ ꓟꓬ-ꓟ ꓟꓯꓼ ꓐꓴ ꓔꓯ ꓬꓲꓸ ꓟꓶꓽ ꓗꓪ ꓛꓲ ꓢꓰꓼ ꓡꓯ ꓘꓳ ꓠꓹ ꓟ ꓓꓵꓽ ꓙ ꓞꓷꓹ ꓗꓷꓳ ꓐꓰ 12 ꓦ 29 ꓠꓬꓲ ꓗꓪ ꓢꓷ ꓙ ꓟꓴ ꓙ ꓓꓳ ꓡ ꓡꓳ꓿
“ꓢꓲ ꓡꓲꓹ ꓟ ꓚꓱꓹ ꓬꓰ ꓡꓯ ꓐꓯ ꓢꓲ꓾ ꓟꓽ ꓐꓶ ꓡꓯ ꓘꓳ ꓚꓱꓹ ꓠꓚꓮ ꓡꓯꓼ ꓓꓴ ꓢꓽ ꓔꓸ ꓟ ꓔꓯ ꓒꓳꓹ ꓔꓳꓹ ꓩꓴ ꓡ ꓢꓴ ꓠꓬ ꓟꓬ-ꓟ ꓟꓯꓼ ꓥ ꓡꓳ꓿ ꓢꓲ ꓡꓲꓹ ꓚꓱꓹ ꓔꓯ ꓫꓸ ꓪ ꓠꓰ ꓓꓰꓼ ꓬꓰ ꓟꓽ ꓙꓲ꓿ ꓬꓰ ꓟꓬꓱꓽ ꓙꓳ ꓠ ꓔꓸ꓿ ꓖꓪ ꓙꓱ ꓡꓯ ꓘꓳ ꓡꓯ ꓐꓯ ꓥꓳ ꓐꓯ꓾ ꓟꓯꓼ ꓮ ꓙꓵꓽ ꓗꓸ ꓠꓯꓸ ꓫꓳꓺ ꓡꓽ꓾ ꓙꓱ ꓦꓲ ꓠꓰ ꓐꓶ ꓙꓲꓽ ꓟꓽ ꓙꓳ꓿ … ꓮ ꓟꓶ ꓕꓱ ꓕꓲ ꓧꓪꓹ ꓠꓬ ꓟꓬ-ꓟ ꓫꓵꓽ ꓐꓴ ꓮ ꓙꓵꓽ ꓮ ꓘꓶꓸ ꓢꓷꓸ ꓡꓻꓳ꓿ ꓟꓬ ꓢꓶꓽ ꓒꓴ ꓡꓻꓳ꓿ ꓟꓯꓼ ꓡꓰ ꓮ ꓕꓯˍ ꓟꓲ ꓗꓴꓷꓼ ꓔꓯ ꓣꓴ ꓥꓰꓸ ꓙꓵꓽ ꓗꓪꓼ ꓠꓹ ꓟ ꓚꓴ ꓬꓲꓹ ꓬꓰ ꓔꓬ ꓟ ꓔꓯ ꓟꓬ-ꓟ ꓐꓴ ꓢꓷꓸ ꓡꓻꓳ꓿ ꓕꓱ ꓕꓲ ꓧꓪꓹ ꓠꓬ ꓟꓬ-ꓟ ꓟꓯꓼ ꓐꓯ ꓘꓶꓽ ꓠ ꓠꓹ ꓓꓴ ꓟꓽ ꓥꓻꓳ꓾” ꓐꓰ ꓗꓠꓴ ꓐꓶꓽ ꓗꓴꓷꓼ ꓙ ꓡꓯ ꓘꓳ ꓢꓲꓽ ꓒꓽ ꓒ-ꓓꓳ-ꓢꓳꓸ-ꓔꓸ-ꓠꓲꓹ ꓡꓰ ꓘꓰꓼ-ꓔꓲꓼ ꓟꓲ-ꓓꓲ-ꓬ ꓗꓪ ꓒꓳꓹ ꓖꓶ ꓔ ꓡꓳ꓿
