ꓕꓮꓲꓹ ꓗꓴꓷꓼ ꓗꓪ ꓞꓳ ꓤ ꓮ ꓘꓶꓸ ꓢꓷꓸ ꓢꓴ YouTuber ꓕꓲꓽ ꓣꓳ ꓡꓰ ꓕꓮꓲꓹ ꓒꓴ 2000 ꓪꓹ ꓒꓯꓼ (2 billion baht) ꓗꓶꓸ ꓜꓽ ꓢꓲꓸ ꓟꓶ-ꓡꓯ-ꓫꓸ ꓗꓪ ꓛꓰꓹ ꓑꓬ ꓙꓰꓳ꓾ ꓐꓰ Channel 7 ꓗꓪ ꓐꓯ ꓔꓸ ꓡꓳ꓿
ꓬꓲꓸ ꓠꓬ ꓠꓯꓼ-ꓔ-ꓟꓳ ꓘꓮꓳꓽ-ꓛꓬꓼ (Natthamon Khongchak ) ꓥ ꓡꓳ꓿ Nutty’s Diary ꓐꓯˍ ꓟ YouTube channel ꓗꓪ ꓐꓰ ꓡ ꓞꓳ 6000 ꓖꓼ ꓙꓬ ꓗꓪ ꓚꓳꓸ ꓕꓮꓲꓹ ꓒꓴ 2000 ꓪꓹ ꓒꓯꓼ (2 billion baht) ꓔꓯ Forex trading ꓚꓱꓹ ꓗꓪ ꓐꓰ ꓘꓳ ꓣꓴ ꓔꓸ ꓢꓴ ꓥ ꓡꓳ꓾ ꓐꓯ ꓡꓳ꓿
ꓬꓲꓸ ꓖꓼ ꓙꓬ ꓗꓪ ꓒꓴ ꓛꓹ ꓡ ꓢꓴ ꓐꓴ ꓔꓯ ꓦ ꓐ 3 ꓟ ꓐꓱ ꓶ ꓬꓲꓸ ꓐꓵꓽ 25%꓾ ꓦ ꓐ 6 ꓟ ꓐꓱ ꓶ 30%꓾ 1 ꓘꓳꓼ ꓐꓱ ꓶ 35% ꓬꓲꓸ ꓐꓵꓽ ꓖꓶꓽ ꓓꓴ ꓥꓳ ꓐꓯ ꓢꓲꓸ ꓙ ꓟꓳ ꓘꓶꓽ ꓖꓶꓽ ꓔꓸ ꓥ ꓟꓲ꓾ ꓬꓲꓸ ꓗꓳ ꓬꓲꓸ ꓐꓵꓽ ꓟꓽ ꓟꓶ ꓢꓴ 6000 ꓣꓳ ꓐꓴ ꓡꓰ ꓕꓮꓲꓹ ꓐꓯ ꓟꓴ ꓢꓲꓽ ꓒꓽ ꓐꓴ ꓔꓯ ꓗꓳꓹ ꓩꓴ ꓡ ꓟ ꓥ ꓡꓳ꓿
ꓕꓱ ꓟ ꓔꓯ ꓬꓲꓸ ꓚꓲꓸ ꓛꓬꓽ ꓗꓪ ꓐꓰ ꓣꓷꓠꓸ ꓘꓶꓽ ꓡꓰ ꓐꓰ꓾ “ꓥꓪ ꓒꓴ ꓮ ꓟꓬꓹ ꓞꓳꓸ ꓬꓰꓳ꓿ ꓙꓶˍ ꓢꓴ ꓮ ꓙꓵꓽ ꓔꓯ ꓝꓱꓹ ꓖꓶ ꓓꓴ ꓥꓳ” social media ꓗꓪ ꓐꓰ ꓐꓳ ꓔꓸ ꓟ ꓙꓳ ꓡꓳ꓿
ꓖꓳ ꓗꓸ ꓠꓯꓸ ꓬꓲꓸ ꓠꓬ ꓕꓮꓲꓹ ꓗꓴꓷꓼ ꓗꓪ ꓐꓰ ꓛꓰꓹ ꓑꓬ ꓙꓰꓳ꓾ ꓐꓰ ꓓꓳꓽ ꓓꓳ ꓡ ꓟ ꓥ ꓡꓳ꓿
Ref: yahoo news
