ꓕꓮꓲꓹ ꓗꓴꓷꓼ ꓗꓪ 30 ꓣꓳ ꓕꓲ ꓣꓳ ꓟ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓠꓬ ꓒꓬꓴ-ꓕꓮꓲꓹ ꓑ-ꓔꓲ ꓗꓪ ꓚꓳꓸ ꓶ ꓡꓯꓼ ꓬꓰ ꓒꓽ ꓢꓲ-ꓬꓯꓼ-ꓔ-ꓔ-ꓪꓯ-ꓢꓲ ꓔꓯ ꓢꓲꓻ ꓓꓯꓻ ꓩꓴꓳ꓿
ꓬꓲꓸ ꓠꓬ ꓦꓲ ꓐꓰ ꓐꓱ ꓘꓴꓽ ꓪꓴꓽ/ꓪꓴꓻ ꓢꓴ ꓡꓳ ꓑ ꓢꓲꓹ ꓕꓯꓸ ꓒꓽ ꓓꓽ ꓟ ꓕꓲ ꓣꓳ ꓥ ꓡꓳ꓿ ꓬꓲꓸ ꓞꓲꓼ ꓠꓬ 60 ꓘꓳꓼ ꓡꓳꓼ ꓢꓲ꓾ Claremont Graduate University ꓗꓪ ꓐꓰ ꓢꓷꓸ ꓠꓲꓹ ꓢꓳ ꓧꓪꓸ ꓔꓸ ꓢꓴ ꓕꓲꓽ ꓣꓳ ꓥꓳ꓿
ꓗꓳꓸ ꓗꓷ ꓟ 5 ꓦ ꓗꓪ ꓕꓮꓲꓹ ꓗꓴꓷꓼ ꓙꓵꓽ ꓢꓴ ꓢꓲꓻ ꓣꓴ ꓑꓮꓲꓽ ꓗꓪ Move Forward ꓑ-ꓔꓲ ꓠꓬ ꓑ ꓫꓬ ꓮ ꓟꓬꓹ ꓠꓵˍ ꓟ ꓑ-ꓔꓲ ꓒꓬꓱꓼ ꓡ ꓥ ꓟꓲ꓾ ꓘꓶ ꓡꓶꓽ ꓓꓴ ꓙꓳˍ ꓠꓬꓲ꓾ ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓠꓬꓲ ꓖꓴ ꓗꓪ ꓑꓲ-ꓔ ꓔꓯ ꓢꓲꓻ ꓟꓽ ꓛꓱꓼ ꓬꓰ ꓟ ꓥ ꓡꓳ꓿
ꓕꓮꓲꓹ ꓗꓴꓷꓼ ꓗꓪ ꓠꓬ ꓑ ꓫꓬ ꓠꓰ ꓢꓲꓻ ꓔꓸ ꓢꓴ ꓟꓽ ꓥꓻꓳ ꓫꓵꓽ꓾ ꓟꓯꓼ ꓕꓲ ꓒꓳꓹ ꓗꓪ ꓐꓰ ꓡ ꓟ ꓝꓲ ꓓꓴ ꓐꓴ ꓗꓴꓷꓼ ꓖꓪ ꓙꓱ ꓜꓲꓼ ꓓꓴ ꓗꓪ ꓔꓺ ꓔꓬ ꓠꓬꓲ꓾ ꓟꓯꓼ ꓠꓲꓹ ꓒꓴ ꓢꓴ ꓟꓽ ꓥ ꓠꓬ ꓠꓱꓸ ꓐꓯꓼ ꓢꓴ ꓙꓵꓽ ꓪꓽ ꓠꓬꓲ ꓖꓴ ꓗꓪ ꓢꓲꓻ ꓓꓯꓻ ꓡ ꓫꓸ ꓔꓬ ꓡꓳ꓿
