ꓕꓮꓲꓹ ꓟꓵꓽ꓾ ꓠꓳꓟ-ꓔ-ꓐꓴ-ꓬꓲ ꓗꓪ꓾ 2022 ꓘꓳꓼ 7 ꓦ 8 ꓠꓬꓲ ꓕꓯꓽ꓾ ꓟꓯꓼ ꓠꓰ ꓬꓲꓼ ꓩꓽ ꓡ ꓟ ꓠꓯ ꓞꓲꓼ ꓶ ꓡꓯꓼ ꓜꓴ ꓧꓳꓽ ꓢꓴ ꓤꓼ ꓟꓶꓼ ꓤꓼ ꓕꓲꓽ ꓣꓳ ꓐꓰ ꓬꓲꓸ ꓠꓲꓹ ꓟꓵ ꓢꓴ ꓤꓽ ꓕꓲ ꓣꓲ ꓔꓯ ꓣꓴ ꓟꓶ ꓢꓲ꓾ ꓐꓼ ꓒꓴ 100 ꓪꓹ ꓛꓲ ꓶ ꓤ ꓶ ꓟꓲ ꓫꓺ ꓣꓴ ꓗꓷꓳ꓿
ꓕꓮꓲꓹ ꓟꓵꓽ ꓗꓪ ꓟꓬꓱꓺ ꓓꓳꓽ ꓙꓳˍ ꓟ꓾ ꓬꓲꓸ ꓟꓬꓱꓺ ꓢꓠ77 ꓘꓴˍ ꓟ ꓬꓲꓼ ꓩꓽ ꓡ ꓟ ꓶ ꓤ ꓪꓴꓽ ꓜꓴ ꓧꓳꓽ ꓢꓴ꓾ 35 ꓘꓳꓼ ꓙꓳˍ ꓟ ꓢ-ꓣ-ꓠꓬꓮꓼ ꓩꓼ-ꓠꓳ (Saranya Faknuam) ꓐꓰ ꓬꓲꓸ ꓠꓲꓹ ꓠꓵ ꓢꓴ ꓢꓴ ꓔꓯ ꓟꓯꓼ ꓡꓰ ꓣꓴ ꓟꓶ ꓡꓰ ꓢꓲ꓾ ꓬꓲꓸ ꓪ ꓔꓯ ꓙꓳˍ ꓟ ꓟꓳ ꓓꓳ꓾ ꓠ ꓡꓲꓺ꓾ ꓒꓴ ꓐꓰ ꓠꓱꓸ ꓐꓯꓼ ꓶ ꓤ ꓮ ꓙꓵꓽ ꓫꓺ ꓣꓴ ꓗꓷ ꓟ ꓥ ꓡꓳ꓿
ꓬꓲꓸ ꓪ ꓟꓽ ꓜꓳ ꓟꓽ ꓔꓱꓹ ꓚꓱꓹ ꓗꓪ ꓐꓰ ꓪˍ ꓟ ꓒꓴ ꓔꓯ ꓮ ꓘꓶꓸ ꓠꓯꓸ ꓔꓸ ꓟ ꓠ ꓡꓲꓺ꓾ ꓟꓳ ꓓꓳ ꓪꓴꓻ ꓔꓸ ꓐꓭ ꓐꓯ ꓢꓲꓸ ꓗꓴꓷꓼ ꓑꓳ-ꓡꓲ ꓟꓯꓼ ꓡꓰ ꓐꓯ ꓟꓴ ꓩꓴ ꓔꓸ ꓡꓳ꓿
ꓬꓲꓸ ꓠꓬ ꓟꓬ-ꓟ ꓗꓴꓷꓼ ꓗꓪ ꓐꓰ ꓔꓱꓽ ꓩꓴ ꓡ ꓟ ꓬꓲꓼ ꓩꓽ ꓠꓯ ꓞꓲꓼ ꓔꓯ ꓐ-ꓗꓳꓼ ꓕꓲ ꓟꓵꓽ ꓕꓲ ꓡꓳ ꓗꓪ ꓑꓶꓺ ꓪꓴꓽ ꓔꓬꓦꓟ ꓥ ꓡꓳ꓾ ꓐꓰ ꓚꓲꓸ ꓚꓲ ꓟꓶ ꓡꓳ꓿
ꓢꓳꓴꓣꓚꓰ꓾ Bangkok Post
