ꓕꓮꓲꓹ ꓗꓴꓷꓼ꓾ ꓬ-ꓬꓳ ꓟꓵꓽ ꓗꓪ 2024 ꓘꓳꓼ 3 ꓦ 31 ꓠꓬꓲ ꓕꓯ꓾ ꓟꓬꓱꓽ ꓬꓰ ꓔꓶꓸ ꓕꓲꓽ ꓟ ꓗꓪ ꓗ-ꓬꓲꓹ (cranes) ꓘꓱꓹ ꓞꓰ ꓡ ꓢꓲꓸ ꓫꓵꓻ ꓢꓴ ꓟꓬ-ꓟ 6 ꓣꓳ ꓐꓰ꓾ ꓧꓶꓽ ꓒ 1 ꓣꓳ ꓔꓯ ꓡꓳ ꓑ ꓠꓰ ꓕꓲ ꓣꓳ ꓐꓱ ꓶ ꓕꓮꓲꓹ ꓒꓴ 16 ꓢꓯꓹ ꓐꓶ ꓠꓹ ꓟ ꓙ ꓟꓴ ꓔꓸ ꓡꓳ꓿
ꓖꓳ ꓕꓲ ꓠꓬꓲ ꓟꓶ ꓘꓶꓼ 4 ꓙꓵꓹ ꓛꓲ ꓕꓯꓽ Xin Ke Yuan Steel factory ꓟꓬꓱꓺ ꓔꓸ ꓟ ꓧꓶꓽ ꓒ ꓗꓳ-ꓑꓶ-ꓠꓰ ꓡꓰ ꓦꓲ ꓫꓬꓹ ꓜꓯꓻ ꓔꓬ ꓟ ꓕꓲ ꓖꓻ ꓗꓪ ꓬꓲꓸ ꓜꓳ ꓘꓱꓹ ꓞꓰ ꓡꓰ ꓢꓲꓸ ꓞꓳ ꓫꓵꓻ ꓪꓽ ꓫꓵꓻ ꓗꓷ ꓡꓰ ꓟ ꓥ ꓡꓳ꓿
“ꓫꓵꓻ ꓢꓴ ꓐꓱ ꓶ ꓐꓶ ꓙ ꓚꓱꓹ ꓔꓯ ꓖꓪ ꓙꓱ ꓪ ꓡꓰꓳ꓿ ꓖꓳ ꓡꓱ ꓥ ꓟꓲ ꓟꓬꓱꓽ ꓬꓰ ꓢꓴ ꓮ ꓙꓵꓽ ꓐꓱ ꓶ ꓪ ꓙꓲꓽ ꓙꓳˍ ꓟ ꓪꓽ ꓒꓵꓽ ꓐꓰ ꓠꓱꓸ ꓐꓯꓼ ꓬꓲ ꓫꓵ ꓬꓲ ꓙꓰ ꓐꓱ ꓶ ꓡꓯ ꓫꓵ ꓟꓬꓱꓽ ꓬꓰ ꓙ ꓠ ꓔꓸ ꓢꓲꓽ ꓥ” ꓐꓰ ꓬꓰ ꓙ ꓜꓴ ꓪꓮꓖ ꓗꓪ ꓐꓰ ꓐꓯ ꓔꓸ ꓡꓳ꓿
ꓕꓲꓽ ꓣꓳ ꓐꓱ ꓶ ꓕꓮꓲꓹ ꓒꓴ 16 ꓢꓯꓹ ꓗꓪ ꓐꓰ ꓕꓲꓽ ꓣꓳ 5 ꓢꓯꓹ ꓔꓯ ꓫꓵꓻ ꓟꓳ ꓫꓺ ꓔꓵꓸ ꓚꓱꓹ ꓗꓪ ꓠꓲꓹ ꓞ ꓜꓱꓽ ꓪ ꓠꓹ ꓟ ꓡꓯꓼ ꓙꓱ ꓩꓴ ꓡ ꓡꓳ꓿ ꓝꓮꓲ ꓜꓰꓻ ꓞꓹ ꓟ 11 ꓢꓯꓹ ꓔꓯ ꓦ ꓐ 3 ꓟ ꓘꓴꓽ ꓗꓪ ꓐꓶ ꓓꓳ ꓡꓰ ꓠꓹ ꓟ ꓙ ꓟꓳ ꓔꓸ ꓡꓳ꓿
ꓐꓶꓽ ꓟꓵꓽ ꓗꓪ ꓟꓬꓱꓽ ꓬꓰ ꓢꓴ ꓐꓴ ꓢꓯꓼ ꓟꓬ ꓑ ꓢꓲꓸ ꓟꓬꓱꓽ ꓬꓰ ꓔꓬ ꓢꓴ ꓙꓳ ꓢꓲ꓾ ꓦꓲ ꓗꓪ ꓐꓹ ꓐ ꓟꓹ ꓟ ꓐꓴ ꓐꓰ ꓫꓵꓽ ꓤ ꓪꓳꓼ ꓤ ꓐꓴ ꓮ ꓘꓶꓸ ꓠꓲꓹ ꓟ ꓠꓻ ꓓꓴ ꓙꓳ ꓡꓳ꓿
