ꓕꓮꓲꓹ ꓟꓵꓽ ꓘꓴꓽ ꓗꓪ ꓟꓯꓼ ꓠꓰ ꓣꓴ ꓟꓶ ꓡꓰ ꓢꓲ꓾ ꓟꓬ-ꓟ ꓟꓵꓽ ꓘꓶꓽ ꓗꓪ ꓡꓯꓼ ꓙꓱ ꓩꓴ ꓡ ꓢꓴ ꓐꓴ ꓔꓯ ꓟꓬ-ꓟ ꓟꓯꓼ ꓠꓰ ꓟꓽ ꓓ ꓟꓽ ꓢ ꓟꓯꓼ ꓬꓰ ꓝꓲ ꓔꓬ ꓡꓳ꓿
11 ꓦ 13 ꓠꓬꓲ ꓕꓯꓽ ꓬ-ꓠꓮꓳꓹ ꓗꓪ ꓐꓰ ꓕꓲꓽ ꓝꓸ ꓗꓳ-ꓔꓮꓳ ꓗꓪ ꓧꓳꓽ ꓡꓽ ꓛꓲ ꓡ ꓢꓴ 186 ꓣꓳ ꓔꓯ ꓟꓯꓼ ꓓꓼ 262 ꓗꓪ ꓧꓳꓽ ꓓꓵꓽ ꓙꓰ ꓢꓲ꓾ꓟꓯꓼ ꓬꓰ ꓝꓲ ꓓꓴ ꓥꓳ꓾ ꓐꓰ ꓓꓳꓽ ꓑ ꓙ ꓡ ꓡꓳ꓿
ꓕꓱ ꓟ ꓠꓬ ꓬꓲꓸ ꓪꓴꓸ ꓕꓲꓽ ꓧꓪꓸ ꓟꓽ ꓥ꓿ ꓧꓶꓸ ꓕꓯ ꓡꓰ ꓕꓮꓲꓹ ꓗꓴꓷꓼ ꓗꓪ ꓐꓰ ꓟꓬ-ꓟ ꓗꓴꓷꓼ ꓗꓪ ꓡꓯꓼ ꓙꓱ ꓩꓴ ꓡ ꓢꓴ ꓐꓴ ꓔꓯ ꓟꓽ ꓓ ꓟꓽ ꓢ ꓕꓱ ꓡꓱ ꓟꓯꓼ ꓬꓰ ꓝꓲ ꓢꓲ꓾ ꓟꓯꓼ ꓬꓰ ꓠꓲꓹ ꓟꓽ ꓫꓵ ꓢꓴ ꓐꓴ ꓔꓯ 20 ꓢꓯꓹꓗ ꓑꓳꓸ ꓐꓶ ꓝꓲ ꓡꓳ꓾ ꓐꓰ ꓓꓳꓽ ꓜꓳ ꓡꓳ꓿
18-65 ꓘꓳꓼ ꓗꓪ ꓛꓲ ꓟ ꓟꓬ-ꓟ ꓤ ꓑꓸ ꓤꓼ ꓐꓴ ꓔꓯ ꓟꓯꓼ ꓬꓰ ꓝꓲ ꓓꓴ ꓕꓵꓼ ꓪ ꓓꓳ ꓔꓸ ꓟ ꓦꓬꓼ ꓠꓬꓲ ꓥ ꓡꓳ꓿
