ꓕꓮꓲꓹ꓾ ꓟꓯꓹ-ꓢꓳꓼ ꓗꓪ ꓐꓼ 350 ꓣꓴ ꓢꓲꓸ ꓔꓳꓹ ꓙ ꓕꓳ ꓶ ꓖꓶꓽ ꓢꓴ ꓑꓳꓡꓲꓚꓰ ꓐꓴ ꓔꓯ ꓝꓴꓲꓸ ꓖꓶꓽ ꓓꓴ ꓥꓳ

ꓕꓮꓲꓹ ꓗꓴꓷꓼ꓾ ꓟꓯꓹ-ꓢꓳꓼ ꓡꓳ ꓒꓱ ꓗꓪ ꓐꓶꓽ ꓗꓴꓷꓼ ꓗꓪ ꓐꓰ ꓡ ꓢꓲꓸ ꓔꓬ ꓢꓴ ꓐꓴ ꓔꓯ ꓦ ꓐ ꓕꓲꓽ ꓟ ꓐꓱ ꓶ ꓕꓮꓲꓹ ꓒꓴ 350 ꓐꓼ ꓣꓴ ꓢꓲꓸ ꓔꓳꓹ ꓙ ꓕꓳ ꓶ ꓖꓶꓽ ꓢꓴ ꓑꓳꓡꓲꓚꓰ ꓐꓴ ꓔꓯ ꓝꓴꓲꓸ ꓖꓶꓽ ꓓꓴ ꓥꓳ꓾ ꓐꓰ ꓕꓮꓲꓹ ꓑꓳꓡꓲꓚꓰ ꓐꓱ ꓶ ꓫꓸ ꓕꓱ ꓢꓴ Krisana Pattanacharoen ꓡꓰ 2022 ꓘꓳꓼ 4 ꓦ 8 ꓠꓬꓲ (ꓠꓽ ꓥꓪꓽ ꓠꓬꓲ) ꓕꓯꓽ ꓢꓷ ꓙ ꓟꓴ ꓙ ꓗꓷꓳ꓿

ꓕꓮꓲꓹ ꓗꓪ ꓛꓰꓹ ꓓꓵꓽ ꓡ ꓟ ꓫꓸ ꓙꓵ ꓟꓷꓼ ꓙꓲ ꓢꓴ ꓬꓯꓼ ꓐꓯꓽ ꓟꓬ-ꓟ ꓐꓴ ꓑꓳꓡꓲꓚꓰ ꓡꓰ ꓣꓴ ꓢꓲꓸ ꓐꓱ ꓓꓴꓽ ꓗꓪ ꓡꓴꓽ꓾ ꓟꓬ-ꓟ ꓗꓴꓷꓼ ꓗꓪ ꓦ ꓡꓽ ꓩꓴ ꓡ ꓟ ꓟꓽ ꓬꓰ ꓡ ꓠꓹ ꓟ ꓦ ꓐ ꓕꓲꓽ ꓟ ꓐꓼ 350 ꓘꓶꓽ ꓕꓴꓸ ꓖꓶ ꓠ ꓔꓸ ꓡꓳ꓾ ꓐꓰ ꓮꓑ ꓓꓳꓽ ꓗꓪ ꓐꓳ ꓩꓴ ꓡ ꓟ ꓗꓪ ꓐꓰ ꓕꓱ ꓡꓱ ꓐꓯ ꓡ ꓟ ꓥ ꓡꓳ꓿

ꓚꓵ ꓚꓵ ꓟꓬ-ꓟ ꓕꓲ ꓒꓳꓹ ꓗꓪ ꓐꓰ ꓘꓴꓽ ꓘꓴꓽ ꓠꓯ ꓠꓯ ꓓꓵꓽ ꓙꓰ ꓔꓬ ꓢꓴ꓾ ꓑꓳꓡꓲꓚꓰ ꓔꓯ ꓘꓶꓽ ꓕꓴꓸ ꓒꓴ ꓧꓶ ꓔꓬ ꓢꓴ ꓬꓲꓸ ꓟꓶꓽ ꓣꓳ ꓟꓽ ꓞꓲ ꓔꓬ ꓡꓳ꓿

ꓔꓼ ꓟꓵꓽ ꓫꓴ (Tak Provine) ꓗꓪ ꓟ ꓑꓳꓡꓲꓚꓰ ꓦꓲ 6 ꓟ ꓗꓪ ꓐꓰ ꓦꓹ ꓠꓯꓼ ꓠꓽ ꓕꓲꓽ ꓠꓬꓲ (4 ꓦ 11 ꓠꓬꓲ) ꓗꓪ ꓮ ꓡꓲ ꓮ ꓡꓲ ꓘꓶꓽ ꓕꓴꓸ ꓜꓽ ꓟ ꓙ ꓖꓴ ꓔꓯ ꓚꓲꓸ ꓚ ꓢꓲ꓾ ꓑꓳꓡꓲꓚꓰ ꓟꓯꓼ ꓜꓲꓽ ꓐꓴ ꓔꓯ ꓓꓳꓽ ꓐꓯ ꓟꓸ ꓖꓶꓽ ꓡ ꓠꓹ ꓟ ꓓꓰꓽ ꓔꓸ ꓡꓳ꓾ ꓐꓰ ꓢꓷꓸ ꓪ ꓡꓳ꓿

ꓟꓬ-ꓟ ꓗꓴꓷꓼ ꓗꓪ ꓟꓯꓼ ꓘꓶꓽ ꓢꓴꓺ ꓔꓬ ꓕ ꓑꓳꓸ꓾ ꓟꓬꓱꓽ ꓟꓽ ꓙꓳ ꓕ ꓑꓳꓸ ꓟꓵꓽ ꓘꓶꓽ ꓗꓪ ꓕꓱ ꓡꓱ ꓛꓰꓹ ꓡ ꓢꓴ ꓔꓯ ꓗꓽ ꓔꓸ ꓟꓽ ꓐ ꓡ ꓐꓰ ꓢꓷꓸ ꓢꓴ ꓐꓴ ꓡꓰ ꓢꓪꓼ ꓔꓬ ꓡꓳ꓿

ꓓꓳꓽ ꓬꓲꓸ ꓚꓰ꓾ Bangkok Post
ꓐꓬꓱꓽ꓾ getty, Bangkok Post, pattaya mail

Share on Facebook

Tweet

Follow us