ꓕ‐ꓣ ꓙꓵꓽ ꓡ ꓟ 100 ꓦꓬꓼ ꓡꓳ ꓡ ꓔꓬ ꓕꓯ ꓴꓢꓮ ꓗꓴꓷꓼ ꓘꓴ ꓗꓪ ꓔꓬ ꓢꓲ. ꓞꓳ ꓡꓲꓽ ꓞꓳ ꓒꓰꓼ ꓗꓪ ꓔꓬ ꓟꓽ ꓗꓴ. ꓢꓴ 100 ꓣꓳ ꓣꓴ ꓡꓴꓽ ꓔ ꓟ ꓐꓬꓱꓽ ꓔꓯ ꓦꓲ ꓒꓴ ꓒꓴ ꓟꓲ. ꓙꓬꓽ ꓗꓪ ꓟꓳ. ꓖꓶ ꓔ ꓡꓳ꓿ ꓖꓳ ꓗꓪ ꓠꓬ ꓟꓬ‐ꓟ ꓗꓴꓷꓼ ꓡ ꓞꓳ 3 ꓣꓳ ꓥ_ ꓟꓲ ꓐ, ꓡꓳ꓿
ꓬꓲ. ꓪꓴ. ꓕꓲ ꓣꓳ ꓠꓬ ꓔꓰꓫꓮꓢ ꓓꓮꓡꓡꓮꓢ ꓔꓬ ꓢꓴ Tay MYINT ꓐꓰ ꓟꓬꓱ., ꓔ ꓟ (53) ꓘꓳꓼ ꓙꓳ ꓢꓴ ꓕꓲ ꓣꓳ ꓥ ꓡꓳ꓿ ꓬꓲ. ꓠꓬ 12 ꓘꓳꓼ ꓐꓬꓱꓽ ꓓꓵꓽ ꓔ ꓟ ꓥ ꓢꓲ. ꓣ ꓦꓱ ꓤ ꓔꓯ ꓟꓽ ꓢꓲ ꓟꓽ ꓫꓬ ꓡꓯ ꓜꓯ. ꓢꓴ ꓕꓲ ꓣꓳ ꓥ ꓡꓳ꓿
ꓠꓬꓲ ꓣꓳ ꓕꓲ ꓣꓳ ꓠꓬ Samuel LUNG-Sein ꓐꓰ ꓟꓬꓱ., ꓔ ꓟ ꓕꓲ ꓣꓳ ꓥ ꓢꓲ. ꓬꓲ. ꓥ_ ꓟꓲ ꓕꓳ ꓦꓲ 10 ꓘꓳꓼ ꓡꓵꓽ ꓠ ꓗ, ꓟ ꓥ ꓡꓳ꓿ ꓬꓲ ꓔꓯ ꓠꓬ ꓚꓧꓲꓚꓮꓖꓳ ꓗꓪ ꓐꓰ ꓣꓴ ꓔ ꓟ ꓥ ꓢꓲ.꓾ ꓟꓽ ꓢꓲ ꓟꓽ ꓫꓬ ꓞꓳ ꓗ ꓡ ꓕꓲ ꓣꓳ ꓥ ꓡꓳ꓿
ꓝꓮꓲ ꓕꓲ ꓣꓳ ꓠꓬ Thang Lam KAP ꓐꓰ ꓟꓬꓱ., ꓔ ꓟ ꓥ ꓢꓲ. ꓾ ꓬꓲ. ꓥ ꓟꓲ ꓞꓲꓼ ꓟ ꓐꓲ._ ꓟ ꓤ ꓠꓱ ꓤ ꓐꓴ ꓔꓯ ꓟꓽ ꓢꓲ ꓟꓽ ꓫꓬ ꓬꓰ ꓢꓴ ꓥ ꓡꓳ꓿ ꓬꓲ. ꓔꓯ ꓥ ꓟꓲ ꓕꓳ ꓦꓲ 7 ꓘꓳꓼ ꓡꓵꓽ ꓠ, ꓟ ꓥ ꓡꓳ꓿ ꓚꓧꓲꓖꓮꓖꓳ ꓢꓔꓮꓔꓰ ꓗꓪ ꓐꓰ ꓥ ꓡꓳ꓿
