ꓮ-ꓩ-ꓖ-ꓠꓯ-ꓢꓲ-ꓔ (Afaganistan) ꓗꓴꓷꓼ ꓔꓯ ꓓꓶꓽ ꓧꓪꓸ ꓡꓰ ꓢꓲ ꓬꓲꓸ ꓪꓴꓸ ꓕꓲ ꓧꓪꓹ ꓣꓱꓽ ꓬꓰˍ ꓟ ꓔ-ꓡꓲ-ꓐ ꓫꓵꓽ ꓓꓳ ꓒꓶꓻ ꓫꓬ ꓑꓮꓲ ꓔꓯ 2021 ꓘꓳꓼ 8 ꓦ 17 ꓠꓬꓲ ꓕꓯ ꓗ-ꓐꓴꓸ ꓡꓳ ꓒꓱ ꓗꓪ ꓬꓰ ꓩꓴ ꓡ ꓡꓳ꓿
“ꓥꓪ ꓠꓴ ꓔꓯ ꓔꓳꓹ ꓗꓷ ꓢꓴ ꓮ ꓙꓵꓽ ꓔꓯ ꓮ ꓫꓵꓽ ꓟ ꓐꓯ ꓡꓲꓹ ꓖꓶ ꓓꓴ ꓥꓳ꓿ … ꓥꓪ ꓠꓴ ꓡꓰ ꓔꓶ ꓔꓸ ꓟ ꓙꓵꓽ ꓗ ꓡꓳ ꓚ ꓤ ꓟꓶꓼ ꓤ ꓐꓴ ꓢꓷꓸ ꓠꓲꓹ ꓕꓳ ꓶ ꓢꓳ꓾ ꓟꓬꓱꓽ ꓬꓰ ꓪ ꓓ ꓡꓳ꓿ … ꓟꓵ ꓗꓳ ꓓꓵ ꓓꓵ ꓗꓪ ꓟ ꓮ ꓡꓲ ꓕꓲ ꓗꓴꓷꓼ ꓔꓯˍ ꓟꓲ ꓛꓴꓽ ꓙꓳ ꓡꓯ ꓘꓳ ꓠꓲꓹ ꓟꓽ ꓫꓵꓳ” ꓐꓰ ꓔ-ꓡꓲ-ꓐ ꓐꓱ ꓶ ꓫꓸ ꓕꓱ ꓙꓵ ꓪ ꓙꓳ ꓢꓴ ꓜꓲ-ꓐꓲ ꓧꓴ-ꓡ ꓟꓴ-ꓙ-ꓦꓰꓼ (Zabihullah Mujahid ) ꓡꓰ ꓐꓯ ꓩꓴ ꓡ ꓡꓳ꓿
ꓖꓳ ꓡꓱ ꓥ ꓟꓲ ꓔ-ꓡꓲ-ꓐ ꓐꓴ ꓫꓸ ꓪ ꓔꓯ ꓦ ꓡꓱ ꓐꓳ ꓟꓽ ꓐ ꓡ ꓠꓬꓲ꓾ ꓗꓴꓷꓼ ꓗꓪ ꓐꓰ ꓛꓰꓹ ꓙꓰ ꓠꓹ ꓟ ꓢꓯꓼ ꓕꓵꓼ ꓔꓬ ꓢꓴ ꓔꓴ ꓔꓴ ꓟꓶꓽ ꓟꓶꓽ ꓙꓳ ꓡꓳ꓿ ꓴꓢꓮ ꓔꓯ ꓫꓸ ꓪ ꓝꓸ ꓒꓽ ꓬꓰ ꓙ ꓗꓷ ꓢꓴ ꓐꓴ ꓐꓰ꓾ ꓧꓶꓸ ꓕꓯ ꓕꓲ ꓝꓸ ꓟ ꓗꓴꓷꓼ ꓙꓵꓽ ꓜꓴ ꓔꓯ ꓢꓯꓼ ꓖꓶ ꓢꓴ ꓐꓴ ꓔꓯ ꓔ-ꓡꓲ-ꓐ ꓐꓴ ꓡꓰ ꓣꓴ ꓢꓰꓼ ꓔꓬ ꓡꓳ꓾ ꓐꓯ ꓟ ꓓꓳꓽ ꓥ ꓟꓲ ꓜꓳꓻ ꓡ ꓔꓬ ꓡꓳ꓿
