ꓚꓳꓦꓲꓓ-19 ꓠꓻ ꓓꓱꓽ ꓙꓳ ꓢꓴ (2) ꓣꓳ ꓧꓪ ꓟꓳ ꓟ ꓑꓶꓸ ꓓꓴ ꓔꓶ-ꓠ ꓡꓳ ꓒꓱ ꓗꓪ ꓙꓳ ꓟ ꓒꓴ-ꓪꓽ-ꓚꓲ ꓪꓰ ꓤ ꓠꓽ ꓔꓶꓸ (ငွေတောင်တန်း တည်းခိုးခန်း) ꓔꓯ 7 ꓦ 12 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓓꓳ ꓟꓽ ꓓ꓾ ꓓꓵꓽ ꓟꓽ ꓓꓽ (ꓡꓳꓚꓗꓓꓳꓪꓠ) ꓞꓲꓽ ꓑꓲꓸ ꓗꓷꓳ=
ꓖꓳ ꓗꓪ ꓠꓻ ꓐꓶꓽ ꓓꓲ ꓧꓪ ꓟꓳꓻ ꓢꓴ (2) ꓣꓳ ꓠꓬ ꓔꓶ-ꓠ ꓙꓲ ꓔꓲ ꓗꓪ ꓥ ꓟꓲ ꓙꓰ ꓚꓳ ꓗꓷ ꓢꓲ꓾ ꓬꓲꓸ ꓪ ꓠꓬ ꓠ-ꓟꓶ-ꓬꓳꓹ ꓗꓪ ꓠꓻ ꓐꓶꓽ ꓓꓲ ꓧꓪ ꓟꓶ ꓢꓴ ꓬꓲꓸ ꓜꓽ ꓥꓰꓽ ꓥ ꓡꓳ ꓐꓯ ꓡꓳ=
ꓚꓳꓦꓲꓓ-19 ꓠꓻ ꓐꓶꓽ ꓓꓲ ꓠꓬ ꓮ ꓗꓪ ꓛꓲ ꓛꓲ ꓛꓱꓺ ꓡꓰ ꓖꓴ ꓟ ꓑꓶꓸ ꓓꓴ꓾ ꓮ ꓘꓶꓸ ꓤ ꓟꓳ ꓠꓹ ꓟ ꓐꓰ꓾ ꓠꓻ ꓜꓳ ꓡ ꓥ ꓟꓲ ꓖꓳ ꓓꓱꓽ ꓘꓴꓽ ꓗꓪ ꓐꓰ ꓔꓳꓹ ꓢꓯꓼ ꓙꓳ ꓡ ꓠꓹ ꓟ ꓜꓽ ꓓꓴ ꓙꓲ ꓙꓲ ꓜꓽ꓾ ꓢꓯꓼ ꓙꓳ ꓠꓯ ꓞꓲꓼ ꓜꓽ ꓠꓹ ꓟ ꓠꓯ ꓞꓲꓼ ꓟꓸ ꓒꓽ ꓐꓴ ꓡꓰ ꓬꓲꓸ ꓠꓬꓲꓸ ꓖꓶ ꓔꓬ ꓡꓳ=
