ꓮ-ꓢ ꓟꓯꓼ ꓢꓢꓑꓑ/ꓢꓢꓮ ꓟꓵꓽ ꓗꓪ ꓙꓰ ꓢꓲꓸ ꓡꓽ ꓡ ꓟ ꓔꓲ-ꓜ-ꓪꓲꓼ-ꓚꓳꓽ ꓔꓯ ꓟꓬ-ꓟ ꓟꓯꓼ ꓡꓰ 2022 ꓘꓳꓼ 7 ꓦ 6 ꓠꓬꓲ ꓕꓯꓽ ꓣꓴ ꓕꓲꓻ ꓔꓸ ꓟ ꓓꓳꓽ ꓜꓳ ꓡ ꓡꓳ꓿
“ꓮ ꓫꓵꓽ ꓑꓶꓸ ꓓꓴ ꓣꓴˍ ꓟ ꓟꓽ ꓢꓷꓸ꓿ ꓮ ꓟꓶ ꓡ-ꓫꓴꓽ ꓡꓳ ꓒꓱ ꓗꓪ ꓣꓴ ꓡꓴꓽ ꓔꓸ ꓡꓳ ꓐꓰ ꓚꓹ ꓪ ꓡꓳ꓿ ꓬꓲꓸ ꓡꓲꓹ ꓡ ꓠꓹ ꓟ ꓖꓪ ꓙꓱ ꓙ ꓔꓬ ꓡꓳ” ꓐꓰ ꓢꓢꓮ ꓟꓯꓼ ꓜꓲꓽ ꓢꓮꓲꓹ-ꓒꓳꓸ-ꓦ ꓡꓰ ꓓꓦꓐ ꓗꓪ ꓫꓸ ꓕꓱ ꓔꓸ ꓡꓳ꓿
ꓬꓲꓸ ꓠꓬ ꓖꓳ ꓗꓪ ꓢꓢꓑꓑ/ꓢꓢꓮ ꓟꓯꓼ ꓐꓴ ꓡꓰ ꓮ-ꓢ ꓟꓵꓽ ꓪꓴꓽ ꓟꓴ ꓡ ꓚꓱꓹ ꓢꓯꓼ ꓕꓵꓼ ꓗꓷ ꓟ ꓚꓺ ꓟꓲꓽ ꓢꓯꓸ ꓐꓬꓱꓽ ꓓꓱꓽ ꓟ ꓗꓪ ꓔꓺ ꓬꓰˍ ꓟ ꓥ ꓢꓲ꓾ ꓢꓢꓮ ꓟꓯꓼ ꓐꓵ ꓞꓲꓽ ꓖꓪꓽ ꓢꓲꓸ ꓡꓯ ꓒꓯꓹ ꓝꓸ ꓑꓮꓲꓽ ꓕꓲ ꓟ ꓗꓪ ꓗꓹ ꓚꓳ ꓬꓰˍ ꓟ ꓬꓲꓸ ꓐꓬꓱꓽ ꓠꓬ ꓮ ꓗꓪ ꓛꓲ ꓛꓲ ꓢꓴꓺ ꓙꓰˍ ꓟ ꓥ ꓡꓳ꓿
ꓔꓲ-ꓜ-ꓪꓲꓼ-ꓚꓳꓽ ꓠꓬ ꓬꓲꓸ ꓖꓳ ꓓꓱꓽ ꓐꓲꓻˍ ꓟ ꓔꓯ ꓟꓸ ꓟꓽ ꓬꓯꓼ ꓟꓽ ꓔꓸ ꓢꓴ꓾ ꓤ ꓑꓸ ꓤꓼ ꓐꓴ ꓠꓲꓹ ꓟ ꓔꓶꓹ ꓬꓰ ꓡ ꓗꓪ ꓛꓲ ꓬꓲꓸ ꓖꓳ ꓓꓱꓽ ꓔꓯ ꓒꓴ ꓒꓴ ꓡꓯꓽ ꓡꓯꓽ ꓟꓸ ꓖꓶ ꓠꓲꓹ ꓡꓱ ꓢꓴ꓾ ꓐꓲ ꓜꓳꓽ ꓠꓴꓽ ꓢꓯꓼ ꓢꓷꓸ ꓠꓲꓹ ꓙꓳ ꓢꓴ ꓕꓲꓽ ꓣꓳ ꓥ ꓡꓳ꓿
ꓢꓢꓑꓑ/ꓢꓢꓮ ꓠꓬ ꓟꓬ-ꓟ ꓟꓯꓼ ꓗꓳ-ꓢꓰ ꓔ ꓔꓲꓺ ꓢꓲ ꓡꓲꓹ ꓟ ꓚꓱꓹ ꓖꓪ ꓙꓱ ꓪꓽ ꓡꓯ ꓘꓳˍ ꓟ ꓮ-ꓢ ꓟꓯꓼ ꓕꓲ ꓜꓴ ꓥ ꓡꓳ꓿
