120 ꓓꓰ-ꓖꓶ-ꓬꓲ ꓒ-ꓬꓲ-ꓧꓮꓲꓼ (120 degrees Fahrenheit) ꓞ ꓢꓯꓼ ꓙꓳ ꓔꓬ ꓟ ꓔꓯ ꓠꓽ ꓡꓰ ꓝꓲ ꓠꓹ ꓟ ꓓꓴ-ꓐꓮꓲ ꓗꓪ ꓡꓳ ꓒꓱ ꓙꓵꓽ ꓪ ꓙꓳ ꓢꓴ ꓐꓴ ꓡꓰꓽ ꓢꓷꓸ ꓠꓲꓹ ꓗꓪ ꓐꓰ ꓟꓶ ꓦ ꓜꓯꓼ ꓡ ꓝꓲ ꓡꓳ=
“ꓕꓱ ꓟ ꓠꓬ ꓢꓷꓸ ꓠꓲꓹ ꓗꓪ ꓐꓰ ꓟꓬꓱꓽ ꓬꓰ ꓩꓴ ꓡ ꓟ ꓞ ꓢꓯꓼ ꓔꓯ ꓗꓽ ꓓꓴ ꓥꓳ” ꓐꓰ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ=
ꓞ ꓠꓲ ꓟꓽ ꓓ ꓟ ꓟꓵꓽ ꓗꓪ ꓟꓶꓽ ꓦ ꓜꓯꓼ ꓡ ꓝꓲ ꓟ ꓢꓷꓸ ꓠꓲꓹ ꓠꓬ “ꓟꓴ ꓗꓴꓸ ꓬꓲꓸ ꓫꓵꓸ ꓔꓶ ꓟ ꓢꓷꓸ ꓠꓲꓹ – “cloud seeding technology” ꓥ ꓡꓳ= ꓐꓬꓱ ꓦꓲ ꓤꓹ ꓤꓼ (drone) ꓗꓪ ꓐꓰ ꓟꓴ ꓗꓴꓸ ꓗꓪ ꓙꓼ ꓢꓯꓼ ꓠꓯ ꓞꓲꓼ ꓕꓲ ꓫꓵꓽ ꓐꓶ ꓗꓶ ꓩꓴ ꓗꓷ ꓠꓬ ꓟꓴ ꓗꓴꓸ ꓮ ꓙꓵꓽ ꓕꓲ ꓟꓵꓽ ꓗꓪ ꓜꓲꓼ ꓡ ꓢꓲ ꓟꓶ ꓦ ꓜꓯꓼ ꓡ ꓝꓲ ꓟ ꓥ ꓡꓳ=
ꓪꓴ-ꓢ ꓐꓰ꓾ ꓟꓲ ꓢꓲꓺ ꓐꓴ꓾ ꓝꓮꓲ ꓞꓳ ꓦꓲ ꓐꓰ꓾ ꓫꓵꓽ ꓒꓽ ꓐꓴ ꓠꓬ ꓟꓴ ꓖꓴꓽ ꓟꓶ ꓦ ꓜꓯꓼ ꓡ ꓝꓲ ꓐ ꓡ ꓡꓳ ꓐꓰ ꓒꓵꓽ ꓒ ꓐꓴ ꓢꓷꓸ ꓡꓳ= ꓮ ꓟꓶ ꓠꓬ ꓞꓳ ꓤ ꓢꓷꓸ ꓠꓲꓹ ꓗꓪ ꓐꓰ ꓟꓶ ꓦ ꓜꓯꓼ ꓝꓲ ꓠꓲꓹ ꓫꓵ ꓟ ꓟꓵꓽ ꓗꓪ ꓜꓯꓼ ꓝꓲ ꓐ ꓡ ꓟ ꓦꓬꓼ ꓠꓬꓲ ꓛꓲꓳ=
